કોરોમંડલ એક્સપ્રેસને અગાઉ પણ નડી ચૂક્યા છે અકસ્માત, જાણો ક્યારે અને કેટલી વાર અકસ્માતનો ભોગ બની ટ્રેન

હાવડાના શાલીમાર સ્ટેશનથી ચેન્નઈ જતી કોરોમંડલ એક્સપ્રેસ શુક્રવારે ઓડિશાના બાલાસોર જિલ્લામાં બહાનાગા માર્કેટ સ્ટેશન પાસે અકસ્માતનો ભોગ બની હતી. આ ટ્રેનના ડબ્બા પાટા પરથી ઉતર્યા પછી, ડબ્બા એક સ્થિર માલસામાન ટ્રેન અને બીજી બાજુથી આવતી ટ્રેન સાથે અથડાઈ ગયા. આ દુર્ઘટનામાં અત્યાર સુધીમાં 280 લોકોના મોત થયા હોવાના અહેવાલ છે.

કોરોમંડલ એક્સપ્રેસ અનેક વખત અકસ્માતનો ભોગ બની

હાવડાના શાલીમાર સ્ટેશનથી ચેન્નઈ જતી કોરોમંડલ એક્સપ્રેસ શુક્રવારે ઓડિશાના બાલાસોર જિલ્લામાં બહાનાગા માર્કેટ સ્ટેશન પાસે અકસ્માતનો ભોગ બની હતી. આ ટ્રેનના ડબ્બા પાટા પરથી ઉતર્યા પછી, ડબ્બા એક સ્થિર માલસામાન ટ્રેન અને બીજી બાજુથી આવતી ટ્રેન સાથે અથડાઈ ગયા. આ દુર્ઘટનામાં અત્યાર સુધીમાં 280 લોકોના મોતના અહેવાલ છે. જો કોરોમંડલ એક્સપ્રેસ ટ્રેનની વાત કરીએ તો 6 માર્ચ, 1977થી ચાલતી આ ટ્રેન ઘણી વખત અકસ્માતનો શિકાર બની છે.

15 માર્ચ 2002ના રોજ ટ્રેન અકસ્માતનો ભોગ બની

જો કોરોમંડલ એક્સપ્રેસ ટ્રેનની વાત કરીએ તો 6 માર્ચ, 1977થી ચાલતી આ ટ્રેન ઘણી વખત અકસ્માતનો શિકાર બની છે. પ્રથમ વખત, કોરોમંડલ એક્સપ્રેસ આંધ્ર પ્રદેશના નેલ્લોર જિલ્લામાં 15 માર્ચ 2002ના રોજ અકસ્માતનો ભોગ બની હતી. ત્યારે તેના 7 કોચ પાટા પરથી ઉતરી ગયા હતા. તે અકસ્માતમાં કોરોમંડલ એક્સપ્રેસમાં સવાર 100 મુસાફરો ઘાયલ થયા હતા.

13 ફેબ્રુઆરી 2009ના રોજ થયો હતો અકસ્માત

કોરોમંડલ એક્સપ્રેસનો બીજો અકસ્માત 13 ફેબ્રુઆરી 2009ના રોજ થયો હતો. તે તારીખે કોરોમંડલ એક્સપ્રેસ 115 કિમી પ્રતિ કલાકની ઝડપે ટ્રેક પર દોડી રહી હતી. ઓડિશાના જાજપુર જિલ્લામાં કેઓંઝર રોડ સ્ટેશન પાસે ટ્રેન અચાનક પાટા પરથી ઉતરી ગઈ હતી. ત્યારે 15 મુસાફરોએ જીવ ગુમાવ્યા હતા.

વર્ષ 2012માં થયો હતો ત્રીજો અકસ્માત

કોરોમંડલ એક્સપ્રેસનો ત્રીજો અકસ્માત વર્ષ 2012માં થયો હતો. આ વર્ષે 14 જાન્યુઆરીએ ઓડિશામાં જ લિંગરાજ સ્ટેશન નજીક કોરોમંડલ એક્સપ્રેસના કોચમાં આગ લાગી હતી.કોરોમંડલ એક્સપ્રેસ સાથેનો બીજો અકસ્માત 30 ડિસેમ્બર 2012ના રોજ ઓડિશાના ગંજમ જિલ્લામાં થયો હતો. ત્યારે ટ્રેનની અડફેટે આવીને 6 હાથીઓએ જીવ ગુમાવ્યા હતા. ટ્રેન પલટી જવાથી બચી ગઈ હતી.

તાજેતરમાં જ કોરોમંડલ એક્સપ્રેસનો નડ્યો હતો અકસ્માત

કોરોમંડલ એક્સપ્રેસની તાજેતરની ઘટના પહેલા 18 એપ્રિલ 2015ના રોજ એક મોટો અકસ્માત થયો હતો. ત્યારબાદ આંધ્રપ્રદેશના નિદાદવુ સ્ટેશન પર તેના બે ડબ્બામાં આગ લાગી હતી. જેના કારણે બંને ડબ્બાને ભારે નુકસાન થયું હતું. હવે કોરોમંડલ એક્સપ્રેસના તાજેતરના અકસ્માતમાં સૌથી વધુ લોકોના મોત થયા છે.

 આ પણ વાંચો : ઓડિશા ટ્રેન દુર્ઘટના : ઘટનાસ્થળે પહોંચ્યા PM મોદી, ઘાયલોને મળવા હોસ્પિટલ પણ જશે