Carbivax હવે બૂસ્ટર ડોઝ માટે મંજૂર, DCGI તરફથી મંજૂરી
કોર્બિવેક્સનો ઉપયોગ હવે બૂસ્ટર ડોઝ તરીકે થશે. DCGIએ તેની મંજૂરી આપી છે. Corbevaxને DCGI તરફથી 5-12 વર્ષની વય જૂથ માટે કટોકટી ઉપયોગ અધિકૃતતા માટે મંજૂરી મળી હતી. આ વય જૂથ માટે રસીની વચગાળાની સલામતી અને ઈમ્યુનોજેનિસિટી ડેટાની સમીક્ષાના આધારે વિષય નિષ્ણાત સમિતિ (SEC) દ્વારા ભલામણ બાદ આ મંજૂરી મળી છે. 12 થી 15 વર્ષની વયના બાળકો માટે રસી મંજૂર થયાના એક મહિના પછી જ મંજૂરી મળી છે.
કોવિશિલ્ડ અથવા કોવેક્સિન રસી લેનારાઓને પણ ફાયદો
Covishield અથવા Covaxin સાથે સંપૂર્ણ રીતે રસીકરણ થયેલા વયસ્ક લોકો Corbevax પોતાનો ત્રીજો અથવા બુસ્ટર શોટ તરીકે લઈ શકે છે. આ સાથે, Corbevax એક વિષમ કોવિડ-19 બુસ્ટર તરીકે પહેલી રસી બની ગઈ છે. Corbevax બુસ્ટર રસી કોવિડ-19 વેક્સિનના બીજા ડોઝના છ મહિના બાદ લઈ શકાય છે. બાયોલોજીકલ ઈ લિમિટેડના મેનેજીંગ ડિરેક્ટર મહિમા દતલાએ કહ્યું-“અમે આ મંજૂરીથી ખૂબ જ ખુશ છીએ, જે ભારતમાં COVID-19 બૂસ્ટર ડોઝની જરૂરિયાતને પૂરી કરશે. અમે અમારી COVID-19 રસીકરણ યાત્રામાં વધુ એક માઈલસ્ટોન પાર કર્યો છે. આ મંજૂરી ફરી એકવાર વિશ્વ કક્ષાના ટકાઉ સલામતી ધોરણો અને Corbevaxની ઉચ્ચ પ્રતિરક્ષા દર્શાવે છે.”
રસીની કિંમતમાં ઘટાડો
બાયોલોજિકલ ઈ લિમિટેડ કંપનીએ અગાઉ જણાવ્યું હતું કે ખાનગી રસીકરણ કેન્દ્રો માટે કોર્બેવેક્સની કિંમત ₹840 પ્રતિ ડોઝથી ઘટાડીને ₹250 કરવામાં આવી છે, જેમાં GSTનો સમાવેશ થાય છે. કંપનીએ એક નિવેદનમાં જણાવ્યું હતું કે, આના પરિણામે અંતિમ વપરાશકર્તાઓને કર અને વહીવટી ફી સાથે ડોઝ દીઠ ₹400 ચૂકવવા પડશે. અગાઉ, ખાનગી રસીકરણ કેન્દ્રોમાં રસીના અંતિમ વપરાશકારોની કુલ કિંમત ₹990 પ્રતિ ડોઝ હતી, જેમાં કર અને વહીવટી ચાર્જનો સમાવેશ થતો હતો. આ વર્ષે એપ્રિલમાં, ભારતના ડ્રગ રેગ્યુલેટરે 6થી 12 વર્ષની વયના બાળકો માટે ભારત બાયોટેકના કોવેક્સિન તેમજ 5થી 12 વર્ષની વયના બાળકો માટે બાયોલોજિક્સ ઈ કંપનીના Corbevax માટે કટોકટી ઉપયોગ અધિકૃતતા મંજૂર કરી હતી.
