પૂર્વ ગૃહમંત્રી શિવરાજ પાટિલનું વિવાદિત નિવેદન, કહ્યું- ગીતામાં પણ શ્રીકૃષ્ણ જેહાદની વાત કરે છે
કોંગ્રેસના વરિષ્ઠ નેતા અને પૂર્વ કેન્દ્રીય ગૃહમંત્રી શિવરાજ પાટિલે ગીતા વિશે વાંધાજનક નિવેદન આપ્યું છે. શિવરાજ પાટિલે ગુરુવારે દિલ્હીમાં એક પુસ્તકના વિમોચનના કાર્યક્રમમાં કહ્યું કે મહાભારતમાં શ્રીકૃષ્ણ અર્જુનને જેહાદ કરવાનું કહે છે.
#WATCH | It's said there's a lot of discussion on Jihad in Islam… Even after all efforts, if someone doesn't understand clean idea, power can be used, it's mentioned in Quran & Gita… Shri Krishna taught lessons of Jihad to Arjun in a part of Gita in Mahabharat: S Patil, ex-HM pic.twitter.com/iUvncFEoYB
— ANI (@ANI) October 20, 2022
મોહસિના કિદવાઈના પુસ્તકના વિમોચન પ્રસંગે પાટીલે કહ્યું, “જેહાદનો મુદ્દો ત્યારે આવે છે જ્યારે સ્વચ્છ મન હોવા છતાં, તમામ પ્રયાસો કર્યા પછી પણ કોઈ સમજતું નથી. પછી કહેવામાં આવે છે કે જો તમારે શક્તિનો ઉપયોગ કરવો હોય તો પછી તમારે તે કરવું જોઈએ. તે માત્ર કુરાન શરીફમાં નથી, તે મહાભારતની અંદરની ગીતાનો ભાગ છે, તેમાં શ્રીકૃષ્ણએ પણ અર્જુનને જેહાદ વિશે જણાવ્યું છે. તે માત્ર કુરાન અને ગીતા જ નથી. પણ જીસસે પણ લખ્યું છે.”
કોંગ્રેસ અધ્યક્ષનું નામ જ ભૂલ્યા
કોંગ્રેસના વરિષ્ઠ નેતા મોહસિના કિદવાઈની આત્મકથાના લોન્ચિંગ કાર્યક્રમમાં ભૂતપૂર્વ ગૃહ મંત્રી શિવરાજ પાટિલે કોંગ્રેસના નવા ચૂંટાયેલા પ્રમુખ મલ્લિકાર્જુન ખડગેને “ખંડેલવાલ” તરીકે સંબોધિત કર્યા હતા. શશિ થરૂર, સુશીલ કુમાર શિંદે તેમની બાજુમાં બેઠા હતા, પરંતુ કોઈએ તેમને અટકાવવાનું જરૂરી ન માન્યું. કોંગ્રેસ અધ્યક્ષ પદ માટે તાજેતરમાં યોજાયેલી આંતરિક ચૂંટણીમાં ખડગેએ શશિ થરૂરને હરાવ્યા હતા.
કોણ છે શિવરાજ પાટીલ?
શિવરાજ પાટિલના કોંગ્રેસના વરિષ્ઠ નેતાઓમાંથી એક છે. તે મહારાષ્ટ્રથી આવે છે. શિવરાજ પાટિલ લાતુરથી સાંસદ રહી ચૂક્યા છે. જો કે 2014થી આ બેઠક પર ભાજપનો કબજો છે. શિવરાજ પાટિલ 1980થી અનેક વખત કેન્દ્રમાં મંત્રી રહી ચૂક્યા છે. 26/11ના મુંબઈ આતંકી હુમલા સમયે તેઓ ગૃહમંત્રી હતા. 2010માં, શિવરાજ પાટિલને પંજાબના રાજ્યપાલ અને કેન્દ્રશાસિત પ્રદેશ ચંદીગઢના પ્રશાસક તરીકે નિયુક્ત કરવામાં આવ્યા હતા.
