તમારી જીભ પર કાબુ રાખો : નાણામંત્રીનો ઉધયનિધિ સ્ટાલિનના નિવેદન પર વળતો પ્રહાર

• તમિલનાડુના મંત્રી ઉધયનિધિ સ્ટાલિનના ‘પિતાના પૈસા’ના નિવેદન પર નાણામંત્રીની સલાહ
• અમે કોઈના પિતાના પૈસા નથી માગતા, તમિલનાડુના લોકો દ્વારા ચૂકવેલા ટેક્સનો હિસ્સો માંગીએ છીએ : સ્ટાલિન

નવી દિલ્હી, 23 નવેમ્બર : કેન્દ્રીય નાણામંત્રી નિર્મલા સીતારમને શુક્રવારે તમિલનાડુના મંત્રી ઉધયનિધિ સ્ટાલિનના ‘પિતાના પૈસા’ના નિવેદનનો જવાબ આપ્યો અને તેમને તેમના શબ્દો પસંદ કરવામાં સાવચેત રહેવાની સલાહ આપી છે. આ મહિનાની શરૂઆતમાં, ઉધયનિધિ સ્ટાલિને કેન્દ્ર દ્વારા કથિત રીતે તમિલનાડુને ભંડોળ ન આપવા અંગે કહ્યું હતું કે, “અમે કોઈના પિતાના પૈસા નથી માગતા. અમે ફક્ત તમિલનાડુના લોકો દ્વારા ચૂકવવામાં આવેલા ટેક્સનો હિસ્સો માંગીએ છીએ.”

રાજકારણમાં શબ્દોનું યુદ્ધ સામાન્ય છે. તેમના વિરોધીઓ પર હુમલો કરતી વખતે નેતાઓ ઘણીવાર તીક્ષ્ણ બની જાય છે. ઘણી વખત તે આવા નિવેદનો આપે છે જેનો તેને પાછળથી પસ્તાવો થાય છે. ઘણી વખત તેમને માફી પણ માંગવી પડે છે. જ્યારે બીજી વ્યક્તિ પણ આ જ મોડમાં આવે છે ત્યારે આ શબ્દોનું યુદ્ધ વધુ રસપ્રદ બને છે. શુક્રવારે પ્રેસ કોન્ફરન્સ દરમિયાન કંઈક આવું જ થયું.

‘ઉદયનિધિએ પોતાની જીભ પર કાબૂ રાખવો જોઈએ’

હકીકતમાં કેન્દ્રીય નાણામંત્રી નિર્મલા સીતારમને પ્રેસ કોન્ફરન્સમાં હતા. અહીં તેમને તમિલનાડુ સરકારના મંત્રી ઉધયનિધિ સ્ટાલિનના નિવેદન અંગે સવાલ કરવામાં આવ્યો હતો. આના પર તેમણે જવાબ આપ્યો કે, “ઉધયનિધિ સ્તાલિને પોતાની જીભ પર કાબૂ રાખવો જોઈએ. બોલતા પહેલા તેઓએ વિચારવું જોઈએ કે તેઓ શું અને કોના માટે બોલી રહ્યા છે. તેઓ રાજકારણમાં છે અને સમજી વિચારીને બોલવાની જવાબદારી તેમની છે.”

ઉધયનિધિ સ્ટાલિને શું કહ્યું હતું?

ઉલ્લેખનીય છે કે, આ મહિનાની શરૂઆતમાં ઉધયનિધિએ કેન્દ્ર સરકાર દ્વારા કથિત રૂપે તમિલનાડુને ફંડ ન આપવા અંગે કહ્યું હતું કે, “અમે કોઈના પિતાના પૈસા નથી માગી રહ્યા. અમે માત્ર તમિલનાડુના લોકો દ્વારા ચૂકવવામાં આવેલા ટેક્સની માંગણી કરી રહ્યા છીએ.” તેના પર કેન્દ્રીય નાણામંત્રીએ કહ્યું કે, “તેઓ તેમના પિતાના પૈસા વિશે પૂછી રહ્યા છે. શું તે પિતાના પૈસાથી રાજનીતિ માણી રહ્યા છે?”

‘આપણે એકબીજાને માન આપવું જોઈએ :નાણામંત્રી

નિર્મલા સીતારમને કહ્યું કે, “હું પણ આવું પૂછી શકું છું, પરંતુ આવું કરવું સંપૂર્ણપણે ખોટું રહેશે. તેમને લોકો દ્વારા ચૂંટવામાં આવ્યા છે, તેઓ સરકારમાં મંત્રી છે. રાજકારણમાં કોઈના પિતા-માતા વિશે કશું કહેવું યોગ્ય નથી. આપણે એકબીજાને માન આપવું જોઈએ.” ઉદયનિધિને સલાહ આપતાં સીતારમણે કહ્યું કે, “તે હજુ યુવાન છે અને જો તેણે રાજકારણમાં આગળ વધવું હોય તો તેણે પોતાની જીભ પર કાબૂ રાખવો જોઈએ અને તે શું કહી રહ્યા છે તેના વિશે વિચારવું જોઈએ.”

રાજ્યને 900 કરોડ રૂપિયા આપવામાં આવ્યા : નાણામંત્રી

આ સાથે નિર્મલા સીતારમણે કહ્યું કે, “વરસાદ અને પૂરના પ્રકોપ દરમિયાન રાજ્યને 900 કરોડ રૂપિયા આપવામાં આવ્યા છે. જો જરૂરી હોય તો, આ રકમ વધુ વધારી શકાય છે. પરંતુ હું કહેવા માંગુ છું કે આ મારા કે તેના પિતાના પૈસા નથી. તે જનતાના પૈસા છે અને જનતા માટે ખર્ચવામાં આવી રહ્યા છે.”

આ પણ જુઓ :દારૂ કૌભાંડ મામલે CM કેજરીવાલને ED નું ત્રીજું સમન્સ