ઉત્તર પ્રદેશના પૂર્વ સીએમ અને સપા પ્રમુખ અખિલેશ યાદવ ગુજરાતના પ્રવાસે આવ્યા હતા. પોતાના પ્રવાસ દરમિયાન અખિલેશ અમદાવાદમાં અનેક ખાનગી કાર્યક્રમોમાં હાજરી આપી હતી. અખિલેશે અમદાવાદ પહોંચતા જ ભાજપ સરકાર પર નિશાન સાધ્યું હતું. અખિલેશ યાદવે કહ્યું કે ભાજપ સત્ય અને અહિંસાના માર્ગને ભૂલી ગઈ છે. તેમણે કહ્યું કે ભાજપ સરકાર બુલડોઝરના માર્ગે છે. મીડિયાએ અખિલેશને સીબીઆઈ, ઈડી અને આઈટીના દરોડા અંગે સવાલ કર્યા હતા. આના પર અખિલેશે કહ્યું કે, ‘કોંગ્રેસે દરોડા પાડવાની પરંપરા શરૂ કરી, બીજેપી પણ એ જ રસ્તે ચાલી રહી છે.’ અખિલેશે વધુમાં કહ્યું કે, ‘મહાત્મા ગાંધીના દેશમાં બુલડોઝરે અહિંસાનો માર્ગ અપનાવ્યો છે.’
અખિલેશે કહ્યું કે, દરોડાની પરંપરા કોંગ્રેસે શરૂ કરી હતી. કોંગ્રેસે પણ દેશના અનેક નેતાઓ પર સમયાંતરે દરોડા પાડ્યા છે, તો ભાજપ તેમના માર્ગે ચાલી રહી છે. કોંગ્રેસ આજે મેદાનમાં પહોંચી છે તો કાલે ભાજપ પણ પહોંચી જશે. અખિલેશે કહ્યું કે લોકશાહીમાં ED પરીક્ષા છે, તમારે આ પરીક્ષામાંથી પસાર થવું પડશે. અખિલેશે કહ્યું કે ‘રાષ્ટ્રપિતા મહાત્મા ગાંધીનો જન્મ ગુજરાતમાં થયો હતો, પરંતુ આજે લોકો તેમને યમુના કિનારે યાદ કરે છે. જ્યારે, યમુના કિનારે ભગવાન કૃષ્ણનો જન્મ થયો હતો, અને તેમણે ગુજરાતમાં અંતિમ શ્વાસ લીધા હતા. આ સંબંધ ગુજરાત અને ઉત્તર પ્રદેશના લોકો વચ્ચેનો છે.
