Manipur Violence: મણિપુરમાં લગભગ દોઢ મહિનાથી હિંસા ચાલી રહી છે. વડાપ્રધાન નરેન્દ્ર મોદી તરફથી હિંસા પર અત્યાર સુધી કોઈ પ્રતિક્રિયા આવી નથી. કોંગ્રેસના વરિષ્ઠ નેતા કેસી વેણુગોપાલે મણિપુર હિંસાને લઇને પીએમ મોદી પર નિશાન સાધ્યું છે. તેમને કહ્યું કે મણિપુર પાછલા 49 દિવસથી સળગી રહ્યું છે અને 50માં દિવસે પણ પીએમ મોદી મણિપુરમાં ચાલી રહેલા સંકટ પર એક પણ શબ્દ બોલ્યા વગર વિદેશ જઈ રહ્યાં છે.
કોંગ્રેસ નેતા કેસી વેણુગોપાલે કહ્યું, મણિપુરમાં સેકન્ડો લોકો માર્યાગયા, હજારો લોકો બેઘર થઈ ગયા, અસંખ્ય ચર્ચ અને પૂજા સ્થળોને નષ્ટ કરી દેવામાં આવ્યા છે. હવે હિંસા મિઝોરમમાં પણ ફેલાઇ રહી છે. પાછલા અનેક દિવસોથી મણિપુરના નેતા પીએમને આ મુદ્દા પર હસ્તક્ષેપ કરવા માટે સમયની માંગ કરી રહ્યાં છે.
આ પણ વાંચો- મણિપુરની જનતાને PM મોદી પાસેથી માત્ર આશા , જયરામ રમેશે આવું કેમ કહ્યું?
કેસી વેણુગોપાલે પીએમ મોદીને કર્યા મોટા પ્રશ્ન
પીએમ મોદીને પ્રશ્ન કરતાં વેણુગોપાલે કહ્યું કે વિશ્વગુરૂ પીએમ મોદી મણિપુરની વાત ક્યારે સાંભળશે? શાંતિની એક સીધી-સાદી અપીલ કરવા માટે દેશ સાથે ક્યારે વાત કરશે? તે ઉપરાંત તેમને તે પણ પ્રશ્ન કર્યો કે પીએમ મોદી ક્યારે કેન્દ્રીય ગૃહ મંત્રી અને મણિપુરના મુખ્યમંત્રીને શાંતિ સ્થાપિત કરવામાં નિષ્ફળ રહેવા માટે જવાબદાર માનશે?
આનાથી પહેલા પણ કેસી વેણુગોપાલે મણિપુર હિંસાને લઈને પ્રશ્ન કર્યા હતા. તેમને કહ્યું હતુ કે, પીએમ મોદીએ બધી જ રીતે મૌન ધારણ કરી લીધું છે. તેમની સરકારે અત્યાર સુધી કોઈ નક્કર કાર્યવાહી કરી નથી. કેન્દ્ર સરકાર જારી રાખવાની અનુમતિ કેમ આપી રહી છે? આ ભયાનક સ્થિતિ માટે કોણ જવાબદાર છે? તે ઉપરાંત તેમને કહ્યું કે, પીએમ મોદીને સર્વપક્ષીય બેઠક બોલાવવી જોઈએ કેમ કે દેશ જવાબ માંગી રહ્યું છે. કેન્દ્રીય મંત્રી આર કે રંજન સિંહ આવાસ પર હુમલા પછી શું પીએમ મોદી કંઇક બોલશે ખરા?
આ પણ વાંચો- ‘અમે નથી નામર્દોની ઓલાદ’, ઉદ્ધવ ઠાકરે ભડક્યા ભાજપ પર, કહ્યું- મોદીજી મણિપુર જઈને બતાવો
