ગુજરાત વિધાનસભાના અધ્યક્ષની ગાડીમાં જોવા મળ્યા કોંગ્રેસના MLA ગેનીબેન ઠાકોર; વીડિયો સોશિયલ મીડિયામાં વાયરલ

• એક જ ગાડીમાંથી નીચે ઉતરતા હોય તેવો વીડિયો થયો વાયરલ

ગુજરાતમાં છેલ્લા કેટલાક સમયથી ભાજપના વખાણ અને પોતાની નિવેદનબાજીથી ચર્ચામાં રહેલા વાવના ધારાસભ્ય ગેનીબેન ઠાકોર ફરી એકવાર ચર્ચાનું કેન્દ્ર બન્યા છે. સીએમ અને ભાજપ પ્રદેશ પ્રમુખ સીઆર પાટીલના બનાસકાંઠા પ્રવાસ પહેલા ગેનીબેન ઠાકોરનો એક વીડિયો સોશિયલ મીડિયા પર વાયરલ થયો છે. વાયરલ વીડિયોમાં ગેનીબેન ઠાકોર અને થરાદના ધારાસભ્ય શંકર ચૌધરીને એક જ ગાડીમાંથી ઉતરતા જોઈ શકાય છે.

ગુજરાત વિધાનસભાના અધ્યક્ષની ગાડીમાં જોવા મળ્યા કોંગ્રેસના MLA ગેનીબેન ઠાકોર; વીડિયો સોશિયલ મીડિયામાં વાયરલ#viralvideo #viralreels #Politics #Gujarat #Congress #MLA #genibenthakor #StateLegislativeAssembly #GujaratiNews #humdekhengenews #banaskantha pic.twitter.com/G3YorvCOyT

— Hum Dekhenge News (@humdekhengenews) June 9, 2023

શંકર ચૌધરી અને ગેનીબેન ઠાકોર એક સાથે જોવા મળ્યા છે. તેમજ એક જ ગાડીમાંથી નીચે ઉતરતા હોય તેવો વીડિયો વાયરલ થયો છે. તથા અગાઉ ગેનીબેન ઠાકોર ભાજપના વખાણ કરી ચુક્યા છે. તેમજ પ્રદેશ ભાજપ પ્રમુખ આવતીકાલે બનાસકાંઠાના પ્રવાસે છે.

કોંગ્રેસના પૂર્વ MLA ગોવા રબારી ભાજપમાં જોડાય તેવી ચર્ચા:

કોંગ્રેસના પૂર્વ MLA ગોવા રબારી ભાજપમાં જોડાય તેવી ચર્ચા છે. ત્યારે બનાસકાંઠામાં વિધાનસભાના અધ્યક્ષ શંકર ચૌધરી અને વાવના કોંગ્રેસના ધારાસભ્ય ગેનીબેન ઠાકોરનો વીડિયો વાયરલ થયો છે. ડીસાના કોંગ્રેસના પૂર્વ ધારાસભ્ય ગોવા રબારી આવનારા સમયમાં ભાજપમા જોડાશે તેવી ચર્ચાએ જોર પકડ્યું છે. ત્યારે શંકર ચૌધરી અને ગેનીબેન ઠાકોરનો એકસાથેનો વીડિયો વાયરલ થતાં રાજકારણ ગરમાયુ છે.

નોંધ: આ વીડિયો ક્યારનો છે તે ચોક્કસ નક્કી નથી થયુ. પરંતુ ગોવા રબારી ભાજપમાં જોડાય છે તેવી ચર્ચા વચ્ચે આ વીડિયો વાયરલ થયો છે.

વીડિયોને લઈ સવાલ એ ઉઠી રહ્યો છે કે શું ગેનીબેન ઠાકોર ભાજપમાં જોડાવાની તૈયારી કરી રહ્યા છે? આ સવાલ પણ એટલા માટે જ થઈ રહ્યો છે કારણ કે આ પહેલા ગેનીબેન ઠાકોરનો એક વીડિયો વાયરલ થયો હતો, જેમાં તેમણે ભાજપના વખાણ કર્યા હતા.

આ પણ વાંચો: આખરે ધારાસભ્યની માગ ફળી; ખેત તલાવડીથી ખેતી કરતા ખેડૂતોને મળશે હવે વીજ કનેક્શન