કોંગ્રેસ વધુ તૂટી, ભાવનગરના ઘોઘા તાલુકાના કોંગ્રેસ અગ્રણી સંજયસિંહ ગોહિલ સહિતના કાર્યકરો ભાજપમાં જોડાયા
જેમ જેમ ચૂંટણી નજીક આવી રહી છે તેમ તેમ રાજકીય માહોલ જામી રહ્યો છે અને એક બીજી પાર્ટી એકબીજાના આગેવાનોને કે કાર્યકર્તાઓને તેમના પક્ષમાં ખેંચવાના પ્રયાસો કરી રહ્યા છે, ત્યારે આ અદલા- બદલીનો ખેલ ચાલુ થઇ ગયો છે. ત્યારે ભાવનગર જિલ્લા ભાજપ આયોજિત હર ઘર તિરંગા કાર્યક્રમમાં આજે ઘોઘા તાલુકાના કોંગ્રેસના અગ્રણી સંજયસિંહ ગોહિલ સહિતના કોંગ્રેસના કાર્યકર્તાઓ ભારતીય જનતા પાર્ટીમાં જોડાયા હતા. જો કે જે પ્રમાણે જાહેરાત થઈ હતી કે એક હજાર કરતાં વધુ કાર્યકર્તાઓ ભાજપમાં જોડાવાના છે પરંતુ નજીવા કાર્યકર્તાઓ સાથે તેઓએ કેસરિયો ધારણ કર્યો હતો.4 ઓગષ્ટે ભાવનગર જિલ્લા પ્રભારી મંત્રી કિરીટસિંહ રાણાની ઉપસ્થિતિમાં કોંગ્રેસના કાર્યકર્તાઓ ભાજપમાં જોડાયા હતા.
આઝાદી કા અમૃત મહોત્સવની ઉજવણી સમગ્ર દેશમાં થઇ રહી છે તે અંતર્ગત ભાવનનગરમાં પણ તા. ૧૩ થી ૧૫ ઓગષ્ટ દરમિયાન વિવિધ પ્રકારે આ ઉજવણી થનાર છે. આ ઉજવણીની પૂર્વ તૈયારીઓ અંગેની બેઠકમાં શિક્ષણ મંત્રીશ્રી @jitu_vaghani ની ઉપસ્થિતિમાં જિલ્લાના અધિકારીઓ અને પદાધિકારીઓ સાથે યોજાઇ હતી. pic.twitter.com/XABW1RiEEw
— Kiritsinh Jitubha Rana (@KiritsinhJRana) August 4, 2022
હર ઘર તિરંગા અભિયાન અંગેનો કાર્યક્રમ યોજાયો
ભાવનગર જિલ્લા ભાજપ દ્વારા આજે ભાવનગરના ઝવેરચંદ મેઘાણી ઓડીટોરીયમ હોલ ખાતે ભાવનગર ભાવનગર મંત્રી કિરીટસિંહ રાણાની ઉપસ્થિતિમાં હર ઘર તિરંગા અભિયાન અંગેનો કાર્યક્રમ યોજવામાં આવ્યો હતો, જે કાર્યક્રમમાં રાજ્યકક્ષાના મંત્રી આરસી મકવાણા તેમજ ભારતીય જનતા પાર્ટીના ભાવનગર શહેર અને જિલ્લાના આગેવાનો ઉપસ્થિત રહ્યા હતા.
150 કાર્યકર્તાઓ સાથે ભાજપમાં જોડાયા
આ કાર્યક્રમ દરમિયાન છેલ્લા ઘણા સમયથી કોંગ્રેસથી નારાજ રહેલા અને બે દિવસ પહેલા કોંગ્રેસના તમામ હોદ્દા પરથી રાજીનામું આપનાર ઘોઘા પંથકના સંજયસિંહ ગોહિલ તેમજ તેમની સાથે ઘોઘા કોંગ્રેસના કાર્યકર્તાઓ, પૂર્વ સરપંચો આજે વિધિવત રીતે ભારતીય જનતા પાર્ટીનો ખેસ ધારણ કરી ભાજપમાં જોડાયા હતા. જોકે કાર્યક્રમ પૂર્વે સંજયસિંહ માલપર દ્વારા મસમોટી જાહેરાત કરવામાં આવી હતી કે 1000 કરતા વધુ કાર્યકર્તાઓ તેમની સાથે ભારતીય જનતા પાર્ટીમાં જોડાઇ રહ્યા છે, પરંતુ આ કાર્યક્રમમાં 150 જેટલા કાર્યકર્તાઓએ જ ભારતીય જનતા પાર્ટીનો ખેસ ધારણ કર્યો હતો.
