મણિપુરની જનતાને PM મોદી પાસેથી માત્ર આશા , જયરામ રમેશે આવું કેમ કહ્યું?
મણિપુરમાં હિંસા અંગે કોંગ્રેસના મહાસચિવ જયરામ રમેશે PM મોદી પર નિશાન સાધ્યું છે. કોંગ્રેસે PM મોદીને મણિપુરમાં હિંસા અંગે અનેક સવાલો પૂછ્યા અને કહ્યું કે 10 વિપક્ષી પાર્ટીઓ તેમને મળવા માંગે છે.
#WATCH | Delhi: From 10th June, 10 opposition parties from Manipur are waiting for an opportunity to meet Prime Minister…They sent a letter to PM on 10th June and requested to meet him, they're still waiting. They hope that before PM leaves for his foreign trip on 20th June, he… pic.twitter.com/ckcNNtzZQf
— ANI (@ANI) June 17, 2023
કોંગ્રેસના મહાસચિવ જયરામ રમેશે જણાવ્યું કે કોંગ્રેસ, જનતા દળ યુનાઈટેડ, કોમ્યુનિસ્ટ પાર્ટી ઓફ ઈન્ડિયા, માર્ક્સવાદી કોમ્યુનિસ્ટ પાર્ટી, તૃણમલ કોંગ્રેસ, આમ આદમી પાર્ટી, ઓલ ઈન્ડિયા ફોરવર્ડ બ્લોક, રાષ્ટ્રવાદી કોંગ્રેસ પાર્ટી, શિવસેના (યુબીટી) અને ક્રાંતિકારી સમાજવાદી પાર્ટી (આરએસપી) મણિપુર એકમોના નેતાઓએ 10 જૂને ઈમેલ દ્વારા પત્ર મોકલીને અને પછી 12 જૂને વડાપ્રધાન કાર્યાલયને પત્ર સોંપીને એપોઈન્ટમેન્ટ માટે કહ્યું છે.
કોંગ્રેસના વરિષ્ઠ નેતા જયરામ રમેશે કહ્યું, “મણિપુરમાં 10 સમાન વિચારધારા ધરાવતા વિપક્ષી દળોના નેતાઓ PM મોદીને મળવા માંગે છે. એવી અપેક્ષા રાખવામાં આવે છે કે વિદેશ પ્રવાસે જતા પહેલા વડાપ્રધાન આ નેતાઓને મળશે. આ લોકો 20 જૂન સુધી અહીં રહેશે.
અટલ બિહારી વાજપેયીનો ઉલ્લેખ કર્યો
જયરામ રમેશે કહ્યું કે 22 વર્ષ પહેલા પણ મણિપુર સળગી રહ્યું હતું અને તે સમયે તમામ પક્ષોએ તત્કાલિન વડાપ્રધાન અટલ બિહારી વાજપેયીને મળવાનો અનુરોધ કર્યો હતો. આ પછી સર્વપક્ષીય પ્રતિનિધિમંડળ બે વાર વાજપેયીને મળ્યું હતું.
જયરામ રમેશે વધુમાં કહ્યું કે, તે એકદમ સ્પષ્ટ છે કે રાજ્ય સરકાર સંપૂર્ણ નિષ્ફળ છે અને તેનાથી કોઈ આશા નથી. હવે મણિપુરના લોકોને કેન્દ્ર અને પીએમ નરેન્દ્ર મોદી પાસેથી જ આશા છે.
ભાજપ અને RSSનો ઉલ્લેખ કર્યો
જયરામ રમેશે આરોપ લગાવ્યો કે મણિપુરની વર્તમાન સ્થિતિ માટે ભાજપ અને આરએસએસની વિચારધારા જવાબદાર છે. આ દરમિયાન મણિપુરના પૂર્વ મુખ્યમંત્રી ઓકરામ ઈબોબી સિંહે કહ્યું કે અમે એક મેમોરેન્ડમ તૈયાર કર્યું છે. અમે રાજકારણ કરવા નથી આવ્યા. અમે ફક્ત પીએમ મોદીને વિનંતી કરવા માંગીએ છીએ કે પહેલા મણિપુરમાં સામાન્ય સ્થિતિ સુનિશ્ચિત કરો અને પછી બંને સમુદાયો વચ્ચે સંવાદ શરૂ કરો.
મણિપુરમાં હિંસા ક્યારે શરૂ થઈ?
મણિપુરમાં થયેલી હિંસામાં 100થી વધુ લોકોએ જીવ ગુમાવ્યા છે. તમને જણાવી દઈએ કે મણિપુરને અનુસૂચિત જનજાતિ (એસટી)નો દરજ્જો આપવાની મેતેઈ સમુદાયની માંગના વિરોધમાં 3 મેના રોજ પહાડી જિલ્લાઓમાં ‘આદિજાતિ એકતા માર્ચ’નું આયોજન કરવામાં આવ્યું હતું તે પછી આ અથડામણો શરૂ થઈ હતી.
