મણિપુર સરકારે શનિવારે ફૂગાકચાઓ ઈખાંગમાં 3-4 લોકોએ એક વાહનને આગ ચાંપ્યા પછી વધતા કોમી તણાવને રોકવા માટે રાજ્યભરમાં પાંચ દિવસ માટે ઈન્ટરનેટ સેવાઓ સ્થગિત કરી દીધી હતી. વિશેષ સચિવ (ગૃહ) એચ જ્ઞાન પ્રકાશ દ્વારા આપવામાં આવેલા આદેશ અનુસાર કેટલાક અસામાજિક તત્વો સોશિયલ મીડિયા પર ઉશ્કેરણીજનક સંદેશાઓ ફેલાવીને લોકોમાં રોષ ભડકાવવાનો પ્રયત્ન કરી રહ્યા છે.
2 જિલ્લામાં કલમ 144 બે મહિના માટે અમલી
સરકાર દ્વારા મોબાઈલ ઈન્ટરનેટ સેવાઓ બંધ કરવાની સાથે જ બિષ્ણુપુર અને ચૂરચાંદદપુરમાં આગામી બે મહિના માટે કલમ 144 પણ લાગુ કરવામાં આવી છે. પોલીસનું કહેવું છે કે આ વિસ્તારોમાં કાયદો અને વ્યવસ્થા જાળવવાના હેતુથી આ પગલાં લેવામાં આવ્યા છે. મણિપુરના વિશેષ સચિવ (ગૃહ) એચ જ્ઞાન પ્રકાશના જણાવ્યા અનુસાર, એવી માહિતી સામે આવી છે કે કેટલાક અસામાજિક તત્વો રાજ્યમાં સોશિયલ મીડિયા દ્વારા નફરત ફેલાવવાનો પ્રયાસ કરી રહ્યા છે.
ATSUM એ રાજ્યની અસરકારક સંસ્થા છે
ઓલ ટ્રાઇબલ સ્ટુડન્ટ્સ યુનિયન મણિપુર (ATSUM) એ રાજ્યમાં આદિવાસી વિદ્યાર્થી- વિદ્યાર્થિનીઓનું અસરકારક સંગઠન છે. ATSUM ની માંગ છે કે વિધાનસભામાં મણિપુર (પહાડી વિસ્તારો) સ્વાયત્ત જિલ્લા પરિષદ બિલ 2021 રજૂ કરવામાં આવે. આ ઘાટીની અસરકારક સંસ્થા Miti Lipun એ લોકડાઉન લાગ્યા બાદ ઇમ્ફાલમાં ATSUM ની ઓફિસ બંધ કરી દીધી છે. ATSUM તરફથી આ બિલ પાસ કરાવવાની માંગ પણ છેલ્લા ઘણા સમયથી કરવામાં આવી રહી છે. તેમનું કહેવું છે કે આનાથી રાજ્યના પહાડી વિસ્તારોની સ્વાયત્તતા સુનિશ્ચિત થશે. આ સાથે નીચાણવાળા વિસ્તારોની સરખામણીમાં આ વિસ્તારોનો વધુ સારો વિકાસ પણ થઈ બનશે.
