લો કર લો બાત, વિનેશ ફોગાટ ઈચ્છશે તો ભાજપ ટિકિટ આપશે! જાણો કોણે કહ્યું?
હરિયાણા, 12 ઓગસ્ટ : ભારતીય મહિલા કુસ્તીબાજ વિનેશ ફોગટ, જે પેરિસ ઓલિમ્પિક 2024માં 50 કિગ્રા મહિલા ફ્રી સ્ટાઇલ રેસલિંગ ઈવેન્ટની ફાઇનલમાં પહોંચી હોવા છતાં મેડલ ચૂકી ગઈ હતી. એક પ્રેસ કોન્ફરન્સ દરમિયાન હરિયાણા બીજેપી અધ્યક્ષ મોહન લાલ બડોલીએ વિનેશ ફોગાટ વિશે ખુલ્લેઆમ કહ્યું કે વિનેશ ફોગાટ ઈચ્છશે તો ભાજપ ટિકિટ આપશે. બડોલીના આ નિવેદન બાદ અટકળો શરૂ થઈ ગઈ છે કે શું વિનેશ ફોગાટ ચૂંટણી લડશે.
ભાજપે વિનેશને ચૂંટણી લડવાની ઓફર કરી
હરિયાણા બીજેપી અધ્યક્ષ મોહન લાલ બડોલીને પ્રેસ કોન્ફરન્સ દરમિયાન વિનેશ ફોગાટ વિશે પૂછવામાં આવ્યું કે શું ભાજપ તેમને ચૂંટણી લડવાની તક આપી શકે છે. તેના જવાબમાં બડોલીએ કહ્યું કે રાજકારણમાં બધું જ શક્ય છે. ભાજપ પાર્ટી વિનેશ ફોગટને પણ મેદાનમાં ઉતારી શકે છે જો તે ઈચ્છા વ્યક્ત કરે છે. રાજકારણમાં કોની ઈચ્છા કયા સમયે થશે તે અંગે કંઈ કહી શકાય નહીં. જો કે જ્યાં સુધી અમે વિનેશ સાથે વાત ન કરીએ ત્યાં સુધી કંઈપણ કહેવું ખોટું હશે, પરંતુ જ્યારે અમે વાત કરીએ અને તે ચૂંટણી લડવાની ઈચ્છા વ્યક્ત કરે તો તે શક્ય છે અને પછી બધાને તેની જાણ કરવામાં આવશે.
વિનેશ ફોગાટ પાસે ગોલ્ડ જીતવાની તક હતી
વિનેશ ફોગાટ પેરિસ ઓલિમ્પિકમાં ગોલ્ડ મેડલ જીતવાની નજીક પહોંચી ગઈ હતી અને ફાઈનલમાં જગ્યા બનાવી લીધી હતી, પરંતુ ફાઈનલ મેચની સવારે એક એવા સમાચાર સામે આવ્યા જેણે કરોડો ભારતીયોના દિલ તોડી નાખ્યા. જ્યારે વિનેશનું વજન કરવામાં આવ્યું ત્યારે તેનું વજન 100 ગ્રામ વધુ હોવાનું જાણવા મળ્યું અને તેને ઇવેન્ટમાંથી અયોગ્ય ઠેરવવામાં આવી. વાસ્તવમાં, સેમિફાઇનલ મુકાબલો પછી, વિનેશનું વજન બે કિલોગ્રામ વધી ગયું હતું, પરંતુ આખી રાત મહેનત કરવા છતાં તે તેના વજનને 50 કિલોગ્રામ સુધી પહોંચાડી શકી નહોતી. માત્ર 100 ગ્રામ જેટલું વધારે વજન હોવાને કારણે તે ફાઇનલમાં ચૂકી ગઈ અને ખાલી હાથે ભારત પરત ફરવું પડ્યું.
આ પણ વાંચોઃ SEBIમાં જોડાયા પહેલાં તમામ રોકાણ છે : બુચ દંપતીએ કર્યો ખુલાસો