80 વર્ષથી નથી રમાતી આ ગામમાં રંગોની હોળી, જાણો શું છે તેની પાછળનું કારણ
- 82 વર્ષ પહેલાં આ ગામોમાં હોળીની ધામધૂમથી ઉજવણી થતી હતી, પરંતુ અત્યારે ગામમાં કોઈ હોળીની ઉજવણી કરતું નથી: સ્થાનિક
ઉત્તરાખંડ, 25 માર્ચ: આ દિવસોમાં હોળીના અવસર પર લોકો દેશભરમાં એકબીજાને રંગોમાં રંગીને હોળીની ઉજવણી કરી રહ્યા છે. પરંતુ ઉત્તરાખંડની બોર્ડર પર લગભગ 12 ગામો એવા છે જ્યાં લોકો હોળી રમવાની વાત તો ઠીક પણ રંગનો એક ટીકો પણ નથી કરતા. એવું નથી કે અહીંના લોકો હોળીથી અજાણ છે, અહીંના ગામના લોકો વર્ષો પહેલાં ઉત્સાહથી હોળીની ઉજવણી કરતા હતા.
કેમ નથી ઉજવતા હોળી?
ધાર્મિક માન્યતાઓ અને અવારનવાર થતા અકસ્માતોને કારણે ગામના લોકોએ આઠ દાયકાથી હોળીથી અંતર જાળવી રાખ્યું છે. ગામલોકોનું માનવું છે કે જો ગામમાં હોળી ઉજવવામાં આવે તો કોઈ અશુભ ઘટના બની શકે છે. કુરિજીમિયાના પૂર્વ વડા દેવેન્દ્ર સિંહ કહે છે કે 82 વર્ષથી હોળી પર કોઈ કાર્યક્રમનું આયોજન કરવામાં આવતું નથી.
અહીં લોકો રંગ લગાવવાની વાત તો દુર રહી કોઈ રંગનો ટીક્કો પણ નથી કરતું. તેમણે કહ્યું કે અગાઉ ગામડાઓમાં હોળીની ઉત્સાહભેર ઉજવણી કરવામાં આવતી હતી. હોળીયારો એક ગામથી બીજા ગામમાં જઈને ગીતો ગાઈને હોળીની ઉત્સાહપૂર્વક ઉજવણી કરતા હતા. આ પછી ગામમાં હોળી પર સતત કોઈને કોઈ અકસ્માતો થવા લાગ્યા. આ જોઈને બધાએ હોળી નહીં ઉજવવાનું નક્કી કર્યું હતું. બરાનિયા ગામના ભૂતપૂર્વ વડા મોહન દોસાદે કહ્યું કે ધાર્મિક માન્યતાઓને કારણે લોકોએ હોળીની ઉજવણી કરવાનું બંધ કરી દીધું અને ત્યારપછી બધું બરાબર થવા લાગ્યું. ત્યારથી અહીં હોળી દરમિયાન ગામમાં કોઈ જ ઉજવણી કરવામાં આવતી નથી.
આ ગામોમાં હોળીની ઉજવણી કરવામાં આવતી નથી
ઉત્તરાખંડ વિસ્તારના મુનસિયારી વિકાસ બ્લોકના હરકોટ, મટેના, પાપડી, પૈઈકુટી, બર્નિયા, રિંગુ, ચુલકોટ, હોકરા, નામિક, ગૌલા, જરથી, ખોયમ વગેરે ગામોમાં હોળીની ઉજવણી કરવામાં આવતી નથી. અહીંની વસ્તી 10 હજારથી વધુ છે.
ગામથી દૂર રહેતા લોકો ઉજવે છે હોળી
આ ગામોના અનેક લોકો વર્ષોથી જિલ્લા મુખ્યાલય અને અન્ય જિલ્લાઓમાં રહે છે. આ લોકો હોળીના સમયે જો ગામથી દૂર હોય તો તેઓ ત્યાં ઉત્સાહભેર હોળીની ઉજવણી કરે છે. સ્થાનિક લોકોએ જણાવ્યું કે ગામમાં હોળીની ઉજવણી કરવાની મંજૂરી નથી. તે કહે છે કે તે ગામની બહાર હોય ત્યારે હોળી ઉજવે છે, પરંતુ જ્યારે તે ગામમાં આવે છે ત્યારે તે ધાર્મિક માન્યતાઓને અનુસરે છે.
આ પણ વાંચો: પોલીસકર્મીના યુનિફોર્મ પર કલર લગાવશો તો શું થશે, શું બંધારણમાં તેના માટે કોઈ સજાની જોગવાઈ છે?
