ફ્રાન્સમાં ચાલે છે શાહરૂખના નામનો સિક્કો, મળ્યું છે આ સન્માન
- શાહરૂખના નામે કેટલાય એવા સન્માન છે, જેનું બીજા બોલિવૂડ સ્ટાર્સ ફક્ત સપનું જ જોતા હોય. શાહરૂખે આ સ્થાન તેની મહેનતે મેળવ્યું છે
24 જુલાઈ, મુંબઈઃ ‘અગર કિસી ચીઝ કો દિલસે ચાહો, તો પૂરી કાયનાત ભી ઉસે તુમસે મિલાને કી મદદ મેં લગ જાતી હે’ શાહરૂખ ખાનની ‘ઓમ શાંતિ ઓમ’ ફિલ્મનો હિટ ડાયલોગ આજે અમર થઈ ગયો છે. ઘણા લોકોના મોંઢે તમે આ ડાયલોગ સાંભળ્યો હશે. આ વાત શાહરૂખખાનની ખુદની જિંદગીમાં પણ એટલો જ લાગુ પડે છે. શાહરૂખની જે ઈચ્છા હતી, તેણે જે સપનું જોયું હતું અને જેના માટે તેણે પરસેવો પાડ્યો તે બધું જ તેને મળી ચૂક્યું છે. આજે તેણે નામ, ખ્યાતિ, સ્ટારડમ, પૈસા અને માન-સન્માન બધું જ મેળવ્યું છે અને એ પણ પોતાની મહેનતે. અભિનેતાને એવા ઘણા સન્માન મળ્યા છે જેની કોઈએ કલ્પના પણ નહીં કરી હોય. કેટલાક સન્માન એવા પણ છે જે બોલિવૂડના અન્ય કોઈ અભિનેતાએ મળ્યા નથી. હાલમાં આવા જ એક સન્માનની માહિતી સામે આવી છે જે તેને ફ્રાન્સમાં મળી છે.
View this post on Instagram
શાહરુખના નામ છે આ ખાસ સન્માન
શાહરૂખ ખાને તેની 30 વર્ષની લાંબી ફિલ્મ કારકિર્દીમાં સિનેમા જગતને અનેક બેજોડ ફિલ્મો આપી છે અને તેમનું યોગદાન પ્રશંસનીય રહ્યું છે. તેથી જ તેને વિદેશમાં પણ વિશેષ સન્માન અને પુરસ્કારો મળ્યા છે. ફ્રાન્સની રાજધાની પેરિસના ગ્રેવિન ગ્લાસે શાહરૂખ ખાનના સન્માનમાં ખાસ સોનાનો સિક્કો બહાર પાડ્યો છે. આ સન્માન મેળવનાર તે એકમાત્ર બોલિવૂડ અભિનેતા છે. હવે આવી સ્થિતિમાં એવું કહી શકાય કે ફ્રાન્સમાં પણ શાહરૂખનો સિક્કો ચાલે છે. વર્ષ 2018 માં, શાહરૂખ ખાનના સન્માનમાં, પેરિસના પ્રખ્યાત ગ્રેવિન મ્યુઝિયમે એક સોનાનો સિક્કો બહાર પાડ્યો હતો, જેમાં અભિનેતાનો ફોટો છે અને તેનું નામ પણ લખવામાં આવ્યું છે. શાહરૂખના એક ફેન પેજ પર આ સિક્કાની ઝલક સાથે આ વિશેષ સન્માનની જાહેરાત કરવામાં આવી છે.
ગયું વર્ષ શાહરૂખ માટે રહ્યું કમાલ
વર્ષ 2008માં આ જ મ્યુઝિયમમાં શાહરૂખ ખાનની મીણની પ્રતિમા પણ લગાવવામાં આવી હતી. ઉલ્લેખનીય છે કે અત્યાર સુધી વિશ્વમાં વિવિધ જગ્યાએ કિંગ ખાનની 14 મીણની પ્રતિમાઓ બનાવવામાં આવી છે. સિનેમા જગતમાં શાહરૂખ ખાનનું કદ આના પરથી જ લગાવી શકાય છે. જો શાહરૂખના કામની વાત કરીએ તો તે છેલ્લે ‘ડંકી’માં જોવા મળ્યો હતો. ગત વર્ષ તેના માટે ખૂબ જ શાનદાર રહ્યું હતું. અભિનેતાની ત્રણ ફિલ્મો રીલીઝ થઈ અને ત્રણેય સિનેમાઘરોમાં સફળ રહી હતી. ‘પઠાણ’, ‘જવાન’ અને ‘ડંકી’, ત્રણેએ કમાણીના નવા રેકોર્ડ બનાવ્યા. આ ફિલ્મોએ વિદેશમાં પણ સારો બિઝનેસ કર્યો હતો. હવે એક્ટર ટૂંક સમયમાં ‘કિંગ’માં જોવા મળશે. હાલમાં, તેના વિશે વધુ માહિતી સામે આવી નથી.
આ પણ વાંચોઃ સરફિરા બાદ અક્ષય કુમારની વધુ એક ફિલ્મનું પોસ્ટર રીલીઝ, અલગ છે લુક
