કંગનાની તેજસ ફિલ્મનું સ્ક્રીનિંગ જોઇ ભાવુક થયા સીએમ યોગી!
- યુપીના મુખ્યપ્રધાન યોગી આદિત્યનાથ અને તેમના મંત્રીમંડળ માટે ફિલ્મનું સ્ક્રીનિંગ યોજ્યું હતું. યોગી આદિત્યનાથ ફિલ્મ જોયા બાદ ખૂબ જ ખુશ થયા અને અંતમાં ભાવુક પણ થઈ ગયા હતા
કંગના રનૌતની તાજેતરમાં રીલીઝ થયેલી ‘તેજસ’ બોક્સ ઓફિસ પર ભલે સારું પ્રદર્શન ન કરી શકી હોય, પરંતુ અભિનેત્રી આ ફિલ્મથી ઘણી ખુશ છે. મંગળવારે, 31 ઓક્ટોબરના રોજ, તેણે યુપીના મુખ્યપ્રધાન યોગી આદિત્યનાથ અને તેમના મંત્રીમંડળ માટે ફિલ્મનું સ્ક્રીનિંગ યોજ્યું હતું. યોગી આદિત્યનાથ ફિલ્મ જોયા બાદ ખૂબ જ ખુશ થયા અને અંતમાં ભાવુક પણ થઈ ગયા હતા. કંગના રનૌતે કહ્યું કે મુખ્યમંત્રી ‘તેજસ’ના મોનોલોગ જોઈને ભાવુક થઈ ગયા હતા.
કંગના રનૌતની ‘તેજસ’નું સ્ક્રિનિંગ લખનઉના લોકભવનમાં યોજાયું હતું. અભિનેત્રીની બહેન રંગોલી પણ અહીં હાજર હતી. સ્ક્રીનિંગમાં ઉત્તરાખંડના મુખ્યમંત્રી પુષ્કર સિંહ ધામી પણ હાજર હતા. તેમણે પણ તેજસ જોઈ. ‘તેજસ’માં કંગના રનૌત ભારતીય વાયુસેનાના પાયલોટ તેજસ ગિલનો રોલ કરી રહી છે.
By the grace of God we also had an unexpected guest Utrakhand CM Shri @pushkardhami ji also graced this occasion, and after the screening finished they said ‘Brilliant’ #tejas @RSVPMovies @sarveshmewara1 pic.twitter.com/loOyk0VLqp
— Kangana Ranaut (@KanganaTeam) October 31, 2023
કંગનાએ લખ્યું, મહારાજ આંસુ રોકી ન શક્યા
કંગના રનૌતે લોક ભવનમાંથી ‘તેજસ’ના સ્ક્રીનિંગની કેટલીક તસવીરો ટ્વિટર પર શેર કરી છે અને લખ્યું છે કે આજે માનનીય મુખ્યમંત્રી યોગી આદિત્યનાથ જી માટે તેજસનું સ્ક્રીનિંગ યોજવામાં આવ્યું હતું. તમે તસવીરમાં જોઇ શકો છો કે મહારાજજી તેજસનો અંતિમ મોનોલોગ જોઇને પોતાના આંસૂ રોકી ન શક્યા. એક સૈનિક શું ઈચ્છે છે? આપણા સૈનિકોની હિંમત, બહાદુરી અને બલિદાન જોઈને મહારાજજી એટલા ભાવુક થઈ ગયા કે તેમની આંખો છલકાઈ ગઈ. ધન્યવાદ મહારાજજી, અમે તમારા વખાણ અને આશીર્વાદથી અમે ધન્ય થયા છીએ.
