અતીક અને તેના ભાઈ અશરફની હત્યા, CM યોગીએ ઉચ્ચ સ્તરીય તપાસના નિર્દેશ આપ્યા
માફિયા ડોન અતીક અહેમદ અને તેના ભાઈ અશરફની ગોળી મારી હત્યા કરી દેવામાં આવી છે. ગોળી મારી હત્યા કરનાર આરોપીઓને પોલીસે તે જ સમયે પકડી લીધા હતા. આ ઘટના બાદ યુપીના તમામ પોલીસ સ્ટેશન ઈન્ચાર્જને તાત્કાલિક વિસ્તારમાં જવાની સૂચના આપવામાં આવી છે. યુપીમાં પોલીસકર્મીઓની રજાઓ રદ કરવામાં આવી છે તેમજ જે પોલીસ કર્મચારીઓ રજા પર છે તેમને પાછા બોલાવવામાં આવ્યા છે.
#WATCH | Uttar Pradesh: Moment when Mafia-turned-politician Atiq Ahmed and his brother Ashraf Ahmed were shot dead by assailants while interacting with media.
(Warning: Disturbing Visuals) pic.twitter.com/PBVaWji04Q
— ANI (@ANI) April 15, 2023
ફાયરિંગમાં એક પત્રકાર ઘાયલ થયો
પોલીસના કહેવા મુજબ અતીક અને તેના ભાઈ અશરફને મેડિકલ માટે લાવવામાં આવ્યા હતા. અતીક અને અશરફને ગાડીમાંથી ઉતાર્યા બાદ મીડિયા દ્વારા સવાલો પૂછવામાં આવી રહ્યા હતા. આ દરમિયાન 3 શખ્સોએ અતીક અને અશરફ પર ફાયરિંગ કર્યું. ફાયરિંગ કરનારા શખ્સો મીડિયા પર્સન બનીને આવ્યા હતા. જેમાં ત્રણ લોકો ઝડપાયા હતા. તો આ ઘટનામાં લખનઉના એક પત્રકારને ઈજા પહોંચી છે.
મુખ્યમંત્રીના નિવાસસ્થાનની સુરક્ષામાં વધારો
ઉત્તર પ્રદેશના અનેક જિલ્લાઓમાં એલર્ટની સૂચના આપવામાં આવી છે. સીએમ આવાસની સુરક્ષા વધારી દેવામાં આવી છે.
#WATCH | UP: Police conducts flag march in Lucknow's Husainabad after the incident of Atiq Ahmed and his brother Ashraf shot dead pic.twitter.com/PkNQmS24Vi
— ANI (@ANI) April 15, 2023
પ્રયાગરાજની સરહદો સીલ કરવામાં આવી હતી
ડીજીપીએ લઘુમતી પ્રભુત્વ ધરાવતા જિલ્લાઓના કેપ્ટન સાથે વાત કરી અને તેમને સતર્ક રહેવા સૂચના આપી. યોગી આદિત્યનાથે પ્રયાગરાજ પોલીસ કમિશનરને કોઈપણ ગડબડ સામે કડક કાર્યવાહી કરવા સૂચના આપી હતી.
સીએમ યોગીએ ઉચ્ચ સ્તરીય તપાસના આદેશ આપ્યા
ઉત્તર પ્રદેશના મુખ્યમંત્રી યોગી આદિત્યનાથે પ્રયાગરાજની ઘટનાની નોંધ લીધી છે. તેમણે તાત્કાલિક ઉચ્ચ સ્તરીય બેઠક બોલાવી સમગ્ર મામલે ઉચ્ચ સ્તરીય તપાસના આદેશ આપ્યા હતા. મુખ્યમંત્રીએ ત્રણ સભ્યોના ન્યાયિક પંચની રચના માટે પણ સૂચના આપી હતી. ત્રણેય હુમલાખોરો સ્થળ પર જ ઝડપાઈ ગયા છે. પોલીસ આ મામલે તપાસ કરી રહી છે.
