વડનગર ખાતે PM મોદીની શાળામાં શરૂ થયેલી પ્રેરણા સ્કૂલની CMએ લીધી મુલાકાત
વડનગર, 11 નવેમ્બર : વડાપ્રધાન નરેન્દ્રભાઈ મોદીએ વડનગરમાં બાળપણમાં જે શાળામાં તેમનું શાળાકીય શિક્ષણ મેળવ્યું હતુ તે સ્કૂલ પરિસરમાં નિર્માણ પામેલી પ્રેરણા સ્કૂલની મુખ્યમંત્રી ભૂપેન્દ્ર પટેલે મુલાકાત લીધી હતી. મહેસાણા જિલ્લાના વડનગર ખાતે તાનારીરી મહોત્સવ 2024માં એવોર્ડ અર્પણ કાર્યક્રમ પહેલા મુખ્યમંત્રીએ પ્રેરણા સ્કૂલ ની મુલાકાત લઇને વિદ્યાર્થીઓ સાથે સંવાદ કર્યો હતો.
મુખ્યમંત્રી ભુપેન્દ્ર પટેલે પ્રેરણા સ્કુલની મુલાકાત દરમિયાન વિદ્યાર્થીઓની વિવિધ સર્જનાત્મક પ્રવૃત્તિઓ વિશે જાણકારી મેળવી હતી. તેમજ વિદ્યાર્થીઓ સાથે સહજ સંવાદ કર્યો હતો.આ પ્રેરણા સ્કૂલમાં દેશના વિવિધ રાજ્યોમાંથી આવેલા વિદ્યાર્થીઓએ પોતાના પ્રદેશની કલાત્મક વસ્તુઓ મુખ્યમંત્રી સમક્ષ પ્રસ્તુત કરી હતી.
મુખ્યમંત્રીના મુખ્ય અગ્ર સલાહકાર હસમુખ અઢિયા, મુખ્યમંત્રીના અધિક મુખ્ય સચિવ મનોજકુમાર દાસ સહિતના વરિષ્ઠ અધિકારીઓ અને અગ્રણીઓ પણ આ મુલાકાતમાં જોડાયા હતા.
