‘બાંગ્લાદેશી આતંકીઓને પ્રવેશ આપીને બંગાળને અસ્થિર કરવાનું ષડયંત્ર’ BSF પર CM મમતા બેનરજીનો આરોપ
કોલકાતા, 02 જાન્યુઆરી: પશ્ચિમ બંગાળના મુખ્યમંત્રી મમતા બેનરજીએ આજે ગુરુવારે બોર્ડર સિક્યુરિટી ફોર્સ (BSF) પર મોટો આરોપ લગાવ્યો છે. મમતા બેનરજીએ કહ્યું છે કે, પશ્ચિમ બંગાળને અસ્થિર કરવાનું ષડયંત્ર છે. બાંગ્લાદેશ સરહદની રક્ષા કરતી BSF વિવિધ વિસ્તારોમાંથી બંગાળમાં ઘૂસણખોરીની પરવાનગી આપી રહી છે. બાંગ્લાદેશી આતંકવાદીઓ બંગાળમાં આવી રહ્યા છે. કેન્દ્રની આ નાપાક હરકત છે.
#WATCH | West Bengal Chief Minister Mamata Banerjee said, “… We want peace to prevail there as well as here… This (infiltration) is a very internal work of BSF, and the central government also has a blueprint for this, if there was no blueprint of the central government then… pic.twitter.com/VmN1JGHxvH
— ANI (@ANI) January 2, 2025
TMCના મહાસચિવે પણ આક્ષેપો કર્યા
તૃણમૂલ કોંગ્રેસના મહાસચિવ અભિષેક બેનરજીએ પણ કેન્દ્ર સરકાર પર આરોપ લગાવતા કહ્યું કે, બાંગ્લાદેશની સ્થિતિ અંગે કેન્દ્રનો પ્રતિભાવ રાજદ્વારી રીતે અધૂરો હતો. રાજ્ય ભાજપના નેતાઓએ કેન્દ્રીય નેતૃત્વને પાડોશી દેશમાં લઘુમતીઓ પર થઈ રહેલા અત્યાચાર અંગે જવાબ માંગવો જોઈએ.
અભિષેક બેનરજીએ કહ્યું કે, રાજ્યના ભાજપના નેતાઓ કે જેઓ દરેક મામલામાં તૃણમૂલ કોંગ્રેસ સરકારની ખામી શોધે છે અને વિરોધ પ્રદર્શન કરે છે, તેઓ બાંગ્લાદેશમાં હિન્દુઓ અને અન્ય સમુદાયો પર ચાલી રહેલા અત્યાચાર અંગે કેન્દ્ર સરકારની અધૂરી પ્રતિક્રિયા વિશે વાત કરી રહ્યા નથી. TMC અને રાજ્ય સરકાર બાંગ્લાદેશની પરિસ્થિતિ પર કેન્દ્રના નિર્ણય અને પ્રતિક્રિયાને અનુસરશે.
સાંસદ બેનરજીએ વધુમાં કહ્યું કે, જો બંગાળના ભાજપના નેતાઓ પાડોશી દેશમાં લઘુમતીઓ પર થતા અત્યાચારને લઈને આટલા સભાન છે, તો પછી તેઓ યોગ્ય જવાબ આપવા માટે દિલ્હીમાં તેમની સરકાર પર દબાણ કેમ નથી કરી રહ્યા? તેમણે લોકોને રાજ્યમાં શાંતિ અને સંવાદિતા જાળવવા તેમજ બાંગ્લાદેશને ટાંકીને હિંસા અને કાયદો-વ્યવસ્થાને ખોરવવાનો પ્રયાસ કરનારા લોકો પર ધ્યાન ન આપવા આહ્વાન કર્યું હતું.
TMC કાઉન્સિલરની ગોળી મારી હત્યા, CMએ દુઃખ વ્યક્ત કર્યું
પશ્ચિમ બંગાળના માલદા જિલ્લામાં આજે ગુરુવારે સવારે તૃણમૂલ કોંગ્રેસના કાઉન્સિલર દુલાલ સરકારની ગોળી મારીને હત્યા કરવામાં આવી હતી. પોલીસે કહ્યું કે, TMC કાઉન્સિલર સરકારને ઝલઝલિયા મોડ વિસ્તારમાં બાઇક પર આવેલા હુમલાખોરોએ ગોળી મારી હતી. હુમલા બાદ તેમને નજીકની હોસ્પિટલમાં લઈ જવામાં આવ્યા, જ્યાં તેમનું મૃત્યુ થયું. કેસની તપાસ ચાલી રહી છે.
My close associate, and a very popular leader, Babla Sarkar has been murdered today.
From the beginning of the Trinamool Congress, he (and his wife Chaitali Sarkar) worked hard for the party, and Babla was also elected a councillor.
I am sad and hugely shocked after knowing…
— Mamata Banerjee (@MamataOfficial) January 2, 2025
મુખ્યમંત્રી મમતા બેનરજીએ કાઉન્સિલરની હત્યા પર શોક વ્યક્ત કર્યો હતો. CMએ X પર પોસ્ટમાં લખ્યું કે, મારા નજીકના સહયોગી અને ખૂબ જ લોકપ્રિય નેતા બબલા સરકારની હત્યા કરવામાં આવી છે. તૃણમૂલ કોંગ્રેસની શરૂઆતથી, તેમણે અને તેમના પત્ની ચૈતાલી સરકારે પાર્ટી માટે સખત મહેનત કરી અને બબલા સરકાર કાઉન્સિલર તરીકે પણ ચૂંટાયા. આ ઘટના વિશે જાણીને હું દુઃખી અને આઘાતમાં છું. દોષિતો સામે તાત્કાલિક પગલાં લેવા જોઈએ. હું ખૂબ દુઃખી છું કે મને નથી ખબર કે શોકગ્રસ્ત પરિવાર પ્રત્યે મારી સંવેદના કેવી રીતે વ્યક્ત કરવી. ભગવાન ચૈતાલીને દુ:ખ લડવાની શક્તિ આપે.
આ પણ જૂઓ: કાસગંજના ચંદન ગુપ્તા હત્યાકેસમાં 28 આરોપીઓ દોષી કરાર, કાલે સજા સંભળાવશે NIA કોર્ટ
