CM કેજરીવાલે હવે નીચલી કોર્ટના સમન્સને સેશન્સ કોર્ટમાં પડકાર્યો

નવી દિલ્હી, 14 માર્ચ: દિલ્હીના મુખ્યમંત્રી અરવિંદ કેજરીવાલે દિલ્હી એક્સાઇઝ પોલિસી કેસમાં સેશન્સ કોર્ટના દરવાજા ખટખટાવ્યા છે. સીએમ કેજરીવાલે EDની ફરિયાદો પર એડિશનલ ચીફ મેટ્રોપોલિટન મેજિસ્ટ્રેટ કોર્ટ દ્વારા તેમને જારી કરાયેલા સમન્સને પડકાર્યો છે. અગાઉ, તપાસ એજન્સીએ કથિત દારૂ કૌભાંડમાં EDના સમન્સને અવગણવા બદલ કેજરીવાલ વિરુદ્ધ ફરિયાદ દાખલ કરી હતી. કેજરીવાલને 16 માર્ચે હાજર થવા માટે કહેવામાં આવ્યું હતું. હવે તેમણે નીચલી કોર્ટના સમન્સ સામે સેશન્સ કોર્ટમાં અરજી કરી છે.

Delhi CM Arvind Kejriwal moves Sessions Court challenging summons issued to him by Additional Chief Metropolitan Magistrate on ED complaints for not complying with the summons issued by the central probe agency in the Delhi liquor policy money laundering case.

The court has… pic.twitter.com/eGnQIXs8Yw

— ANI (@ANI) March 14, 2024

આ કેસની સુનાવણી આજે રાઉઝ એવન્યુ કોર્ટના સ્પેશિયલ CBI જજ રાકેશ સાયલ કરશે. કેજરીવાલે  ED દ્વારા દાખલ કરાયેલી ફોજદારી ફરિયાદોમાં સમન્સ મોકલવાના બે આદેશોને પડકાર્યા છે. બીજી તરફ, એજન્સીનો આરોપ છે કે કેજરીવાલે મની લોન્ડરિંગ કેસમાં તેમને જારી કરાયેલા આઠ સમન્સનું પાલન કર્યું નથી. જો કે, આ કેસમાં મેજિસ્ટ્રેટ કોર્ટે કેજરીવાલને 16 માર્ચે હાજર થવાનો નિર્દેશ આપ્યો હતો. આ ઉપરાંત, EDએ અગાઉ મુખ્ય મંત્રી સામે તેમને જારી કરાયેલા પ્રારંભિક ત્રણ સમન્સનું પાલન ન કરવા બદલ ફરિયાદ દાખલ કરી હતી. બાદમાં અન્ય સમન્સનું પાલન ન કરવાના આરોપમાં નવી ફરિયાદ દાખલ કરાઈ હતી.

સીએમ અરવિંદ કેજરીવાલને ગયા વર્ષે 4 માર્ચ, 26 ફેબ્રુઆરી, 19 ફેબ્રુઆરી, 2 ફેબ્રુઆરી, 18 જાન્યુઆરી, 3 જાન્યુઆરી, 22 ડિસેમ્બર અને 2 નવેમ્બરે પૂછપરછ માટે બોલાવવામાં આવ્યા હતા. એડિશનલ ચીફ મેટ્રોપોલિટન મેજિસ્ટ્રેટ (ACMM) દિવ્યા મલ્હોત્રાએ EDની પહેલી ફરિયાદ પર કેજરીવાલને 17 ફેબ્રુઆરીએ સમન્સ પાઠવ્યા હતા. દિલ્હીના મુખ્યમંત્રી તે દિવસે વર્ચ્યુઅલ માધ્યમ દ્વારા કોર્ટમાં હાજર થયા હતા. તેમણે કોર્ટની આગામી તારીખની માંગ કરી અને કહ્યું કે તે પોતે હાજર થશે. કોર્ટે તેમની અપીલ સ્વીકારી લીધી અને તેમને 16 માર્ચે રૂબરૂ હાજર થવા કહ્યું છે.

આ પણ વાંચો: CAA વિરુદ્ધ નિવેદન બાદ કેજરીવાલના ઘરની બહાર હિન્દુ રેફ્યુજીઓનો વિરોધ