પેટ અને લીવરની બીમારીને દૂર રાખે છે લવિંગ, જાણો તેના ઉપયોગો

લવિંગ એ રસાડાના ગરમ મસાલાનો એક ભાગ છે. દેખાવમાં ખૂબ જ નાનો, પરંતુ ફાયદા એવા છે કે મોટા માં મોટી બીમારીઓને હટાવી દે છે. લવિંગ માટે એમ કહી શકાય કે ‘જોવામાં નાનુ લાગે પણ ગંભીર અસર કરે છે’. તમારી જાણકારી માટે તમને જણાવી દઈએ કે લવિંગ ભલે દેખાવમાં નાનું હોય, પરંતુ જો તેમાં એવા ગુણો રહેલા છે કે તે મોટા-મોટા અનાજોમાં પણ જોવા મળતા નથી. લવિંગમાં વિટામિન, ફાઈબર, પ્રોટીન, આયર્ન, કેલ્શિયમ, પોટેશિયમ, ફોસ્ફરસ, મેંગેનીઝ, કાર્બોહાઈડ્રેટ્સ અને એન્ટીઓક્સીડેન્ટ જેવા તત્વો મળી આવે છે. ઘણા સંશોધનોમાં એ વાત સામે આવી છે કે જો તમે ખાલી પેટે લવિંગ ખાઓ છો, તો તમારા શરીરને તેનાથી ઘણા ફાયદા થશે. લવિંગનો સ્વાદ ચોક્કસ તીખો હોય છે, પરંતુ તેના એવા ફાયદા છે જેના પછી તમે તેને જાતે ખાવાનું ભૂલશો નહીં.

આવો જાણીએ સવારે ખાલી પેટે લવિંગ ખાવાથી શું ફાયદો થાય છે?

રોગપ્રતિકારક શક્તિમાં વધારો થશે

કોવિડ-19 રોગચાળા બાદ મોટાભાગના લોકો તેમની રોગપ્રતિકારક શક્તિ વધારવા પર વધુ ધ્યાન આપે છે. જો તમે બદલાતા હવામાન, વરસાદની મોસમ, શિયાળાની ઋતુમાં શરદી, ખાંસી, તાવથી બચવા માંગતા હોવ તો તમારે દરરોજ ખાલી પેટે લવિંગ ચાવવાની આદત પાડવી જોઈએ. આ તમારા શરીરની રોગપ્રતિકારક શક્તિને વધારશે.

લીવર સલામતી

લીવર આપણા શરીરનું એક મહત્વપૂર્ણ અંગ છે. કારણ કે જો તે યોગ્ય રીતે કાર્ય કરે છે તો તમારું શરીર સારું રહે છે. એટલા માટે તમારે આ અંગની ખાસ કાળજી લેવાની જરૂર છે. લવિંગ ખાવાથી તમારું લીવર સંપૂર્ણ રીતે સ્વસ્થ રહે છે.

શ્વાસની દુર્ગંધ દૂર થઈ જશે

શ્વાસની દુર્ગંધથી છુટકારો મેળવવા માટે લવિંગનો ઉપયોગ કરી શકાય છે. તે એક રીતે માઉથ ફ્રેશનર તરીકે કામ કરે છે. ઘણી વખત એવું બને છે કે જો મોં બરાબર સાફ ન કરવામાં આવે તો શ્વાસમાં દુર્ગંધ આવવા લાગે છે. આવી સ્થિતિમાં લવિંગના ઉપયોગથી તમે આ બધી સમસ્યાઓથી છુટકારો મેળવી શકો છો. લવિંગમાં એન્ટી બેક્ટેરિયલ ગુણ જોવા મળે છે. જો તમે દરરોજ સવારે લવિંગ ચાવશો તો મોંના કીટાણુઓ મરી જશે અને તમને તાજા શ્વાસ મળશે.

દાંતના દુઃખાવા

જો તમને અચાનક દાંતમાં દુખાવો થાય છે, તો તમે લવિંગનો ઉપયોગ પેઇન કિલર તરીકે કરી શકો છો. જે જગ્યાએ દાંતમાં દુખાવો થતો હોય ત્યાં લવિંગનો ટુકડો દબાવો. જેથી દુખાવો ઓછો થાય. કારણ કે લવિંગ બેક્ટેરિયાને સરળતાથી મારી નાંખે છે. આનાથી થોડા કલાકોમાં દુખાવો મટી જશે.