ગોઇંદવાલ સાહિબ જેલમાં મૂસેવાલા હત્યાના આરોપીઓ વચ્ચે અથડામણ, ગેંગસ્ટર મનદીપ તુફાન સહિત બેના મોત
પંજાબમાં કાયદો અને વ્યવસ્થાની સ્થિતિ ખરાબ છે. રવિવારે તરનતારન સ્થિત ગોઇંદવાલ સાહિબ સેન્ટ્રલ જેલમાં ગેંગ વોર ચાલી હતી. પંજાબી ગાયક સિદ્ધુ મુસેવાલાની હત્યાના આરોપી મનદીપ સિંહ તુફાન અને મનમોહન સિંહનું આ ગેંગ વોરમાં મોત થયું હતું. ભટિંડાનો રહેવાસી કેશવ ગંભીર રીતે ઘાયલ છે. ત્રણેયના માથા પર તિક્ષ્ણ હથિયાર વડે હુમલો કરવામાં આવ્યો છે. ગેંગ વોર બાદ ઘાયલોને કડક સુરક્ષા હેઠળ તરનતારનની સિવિલ હોસ્પિટલમાં લાવવામાં આવ્યા હતા. મેડિકલ ઓફિસર ડૉ. જગજીત સિંહે જણાવ્યું કે જેલમાંથી લાવવામાં આવેલા ત્રણ ઘાયલોમાંથી બેનું મૃત્યુ થઈ ચૂક્યું હતું. જ્યારે ત્રીજાની હાલત ગંભીર હોવાથી ભારે સુરક્ષા વચ્ચે તેને અમૃતસરની ગુરુ નાનક દેવ હોસ્પિટલમાં રિફર કરવામાં આવ્યો છે. ડીએસપી (શહેર) જસપાલ સિંહ ધિલ્લોન, પોલીસ સ્ટેશન સિટી તરનતારનના ડ્યુટી ઓફિસર વિપન કુમાર, પોલીસ સ્ટેશન ગોઇંદવાલ સાહિબના ડ્યુટી ઓફિસર પ્રેમ સિંહ પોલીસ દળ સાથે ઘટનાસ્થળે પહોંચ્યા.
Punjab | There was a fight btw miscreants in Goindwal Sahib jail, in which Duran Mandeep Singh Toofan, resident of Rayya was killed. Keshav resident of Bathinda & Manmohan Singh Mohana, resident of Budhlada, were admitted to Civil Hospital Tarn Taran: DSP Jaspal Singh Dhillon
— ANI (@ANI) February 26, 2023
ગાયક સિદ્ધુ મૂઝવાલા હત્યા કેસના આરોપીઓને જેલમાં કડક સુરક્ષામાં રાખવામાં આવ્યા છે. આમ છતાં બે ગેંગસ્ટરની હત્યા સુરક્ષા વ્યવસ્થા પર મોટા સવાલો ઉભા કરે છે. આ ઘટનામાં આરોપીઓએ લોખંડના સળિયાનો ઉપયોગ કર્યો છે. એસએસપી ગુરમીત સિંહ ચૌહાણે કહ્યું કે આ મામલે ઝીણવટભરી તપાસ શરૂ કરવામાં આવી છે.
Gangster Manmohan who was admitted to hospital also died: DSP Jaspal Singh Dhillon
— ANI (@ANI) February 26, 2023
તુફાન જગ્ગુ ભગવાનપુરિયાનો શાર્પ શૂટર હતો
તુફાન પંજાબી ગાયક સિદ્ધુ મૂઝવાલા હત્યા કેસમાં આરોપી હતો. પોલીસે ગેંગસ્ટર મણિ રિયા સાથે મનદીપ તુફાનની ધરપકડ કરી હતી. તુફાનને તરનતારનના થાણા વાઘરોવાલ હેઠળના ખાખ ગામમાંથી પકડવામાં આવ્યો હતો. ગેંગસ્ટર મનદીપ તુફાન જગ્ગુ ભગવાનપુરિયા ગેંગનો શાર્પ શૂટર હતો. જગ્ગુ ભગવાનપુરિયાની પૂછપરછ બાદ તેનું નામ મૂઝવાલા મર્ડર કેસમાં સામે આવ્યું હતું. અને ગેંગસ્ટર મનમોહન સિંહ અને કેશવ પણ મૂઝવાલા હત્યા કેસમાં આરોપી છે.
આ પણ વાંચો : Breaking News : દારૂ કૌભાંડ કેસમાં મનીષ સિસોદિયાની ધરપકડ, 8 કલાકની પૂછપરછ બાદ કાર્યવાહી
