Citroen C3 Aircross શાનદાર ફિચર્ચ અને અપડેટ્સ સાથે થઈ લૉન્ચ, જાણો તેની કિંમત વિશે

• Citroen તરફથી ભારતીય બજારમાં ઘણા સેગમેન્ટમાં વાહનોને ઓફર કરવામાં આવે છે

નવી દિલ્હી, 30 સપ્ટેમ્બર: ફ્રાન્સ ઓટોમોબાઈલ ઉત્પાદક કંપની Citroen તરફથી ભારતીય બજારમાં ઘણા સેગમેન્ટમાં વાહનોને ઓફર કરવામાં આવે છે. ત્યારે હવે આ કંપની દ્વારા C3 Aircrossને અપડેટ સાથે લોન્ચ કરી દેવામાં આવી છે. તેમાં કેવા પ્રકારના ફેરફારો કરવામાં આવ્યા છે અને હવે તેને કઈ કિંમતે ખરીદી શકાય છે? તેની ડિલિવરી ક્યારે શરૂ થશે? જેવા પ્રશ્નો લોકોના મનમાં ઉઠી રહ્યા છે.

Citroen C3 Aircross અપડેટ્સ સાથે લોન્ચ

C3 Aircross SUV Citroen દ્વારા ભારતીય બજારમાં વેચાણ માટે ઉપલબ્ધ કરવામાં આવી છે. પરંતુ હવે આ SUVને અપડેટ સાથે લોન્ચ કરવામાં આવી છે. અપડેટમાં ઘણા ફેરફારો કરવામાં આવ્યા છે અને ઘણી નવી સુવિધાઓ ઉમેરવામાં આવી છે.

Citroen C3 Aircross અપડેટેડ ફીચર્સ

કંપની દ્વારા આપવામાં આવેલી માહિતી અનુસાર, Citroen C3 Aircrossના નવા વર્ઝનમાં LED પ્રોજેક્ટર હેડલેમ્પ, ઓટો એસી, પાવર વિન્ડો સ્વિચ, પેસેન્જર સાઇડ ગ્રેબ હેન્ડલ, પાવર ફોલ્ડિંગ ORVM, રિયર એસી વેન્ટ, સોફ્ટ ટચ ઇન્સ્ટ્રુમેન્ટ પેનલ જેવા ફીચર્સ અપડેટ કરવામાં આવ્યા છે. છે. જેની સાથે તેમાં ઈન્ટેલિજન્ટ સ્ટોરેજ સોલ્યુશન અને 360 mm કોમ્પેક્ટ સ્ટીયરિંગ વ્હીલ, 10.25 ઈંચ ઈન્ફોટેનમેન્ટ સિસ્ટમ, 40 કનેક્ટિવિટી ફીચર્સ સાથે MyCitroen Connect એપ અને 70થી વધુ એક્સેસરીઝ સાથે કસ્ટમાઈઝેશન વિકલ્પો આપવામાં આવ્યા છે.

સિટ્રોએને SUVની સુરક્ષા પર પણ ઘણું ધ્યાન આપ્યું છે અને અપડેટ્સ સાથે તેને વધુ સુરક્ષિત બનાવવામાં આવી છે. હવે તેમાં ઇલેક્ટ્રોનિક સ્ટેબિલિટી પ્રોગ્રામ, ટાયર પ્રેશર મોનિટરિંગ સિસ્ટમ અને હિલ-હોલ્ડ આસિસ્ટ જેવી 40થી વધુ અદ્યતન સુરક્ષા સુવિધાઓ ઉપલબ્ધ છે.

કેટલું શક્તિશાળી એન્જિન?

કંપનીએ 1.2 લિટર ક્ષમતાના Gen3 Puretech 110 Turbo અને Puretech 82 નેચરલી એસ્પિરેટેડ એન્જિન આપ્યું છે. જેમાં 5 સ્પીડ મેન્યુઅલ, 6 સ્પીડ મેન્યુઅલ અને 6 સ્પીડ ઓટોમેટિક ટ્રાન્સમિશનનો વિકલ્પ છે.

ભારતમાં Citroen C3 એરક્રોસની કિંમત

સિટ્રોએન દ્વારા આ કાર પાંચ અને સાત સીટ વિકલ્પો સાથે લોન્ચ કરવામાં આવી છે. તેના બેઝ વેરિઅન્ટની એક્સ-શોરૂમ કિંમત 8.49 લાખ રૂપિયા રાખવામાં આવી છે અને તેના ટોપ વેરિઅન્ટને 13.99 લાખ રૂપિયાની એક્સ-શોરૂમ કિંમતે ખરીદી શકાય છે. 5+2 વેરિઅન્ટ માટે તમારે અલગથી 35 હજાર રૂપિયા ચૂકવવા પડશે. આ માટેનું બુકિંગ આજથી શરૂ કરવામાં આવ્યું છે અને 8 ઓક્ટોબરથી ડિલિવરી શરૂ થશે.

કોની સાથે છે સ્પર્ધા?

ભારતીય બજારમાં Citroen તરફથી C3 Aircross મિડ-સાઇઝ SUV સેગમેન્ટમાં ઓફર કરવામાં આવે છે. આ સેગમેન્ટમાં, તે Hyundai Creta, Maruti Grand Vitara, Toyota Urban Cruiser Hyryder, Kia Seltos, Skoda Kushaq, VW Taigun અને MG Astor જેવી SUV સાથે સીધી સ્પર્ધા કરે છે.

આ પણ જૂઓ: તહેવારોની સિઝન પર આ બાઇક અને સ્કૂટીમાં ડિસ્કાઉન્ટ ઓફર, જાણો કિંમત