કંગના રનૌતને થપ્પડ મારનાર CISFની મહિલા જવાનની અટકાયત
ચંડીગઢ, 6 જૂનઃ હિમાચલ પ્રદેશના મંડીથી નવા ચૂંટાયેલા ભાજપ સાંસદ કંગના રનૌત આજે દિલ્હી જવા ચંડીગઢ વિમાન મથકે પહોંચ્યા ત્યારે ત્યાં ઉપસ્થિત CISFની મહિલા જવાને તેમને થપ્પડ મારી દીધી હતી. આ ઘટના બાદ એ મહિલા જવાનને તત્કાળ અટકાયતમાં લેવામાં આવી હતી.
પ્રજાની તેમજ નેતાઓની સુરક્ષા માટે તહૈનાત CISFની મહિલા જવાન કુલવિંદર કૌરનો કંગનાને જોતાં જ રાજકીય આત્મા જાગી ઉઠ્યો હતો અને કંગના રનૌતને થપ્પડ મારી દીધી હતી. કંગનાએ ખેડૂત આંદોલન વિશે કરેલા નિવેદન બદલ કુલવિંદર કૌરે આ અપકૃત્ય કર્યું હતું. મુદ્દાની વાત એ છે કે, સીઆઈએસએફ પાસે રાઈફલ પણ હોય છે, આવી રાજકીય વિચારધારા ધરાવતી મહિલા જવાન થપ્પડ કરતાં પણ વધુ જોખમી પગલું લઈ શકી હોત!
#WATCH भाजपा नेता और अभिनेत्री कंगना रनौत दिल्ली एयरपोर्ट पहुंचीं।
चंडीगढ़ एयरपोर्ट पर तलाशी के दौरान कथित तौर पर एक कांस्टेबल रैंक के CISF अधिकारी ने कंगना को थप्पड़ मारा। आगे की जांच के लिए वरिष्ठ CISF अधिकारियों की एक जांच समिति गठित की गई है: सूत्र pic.twitter.com/ylEOhU6BwD
— ANI_HindiNews (@AHindinews) June 6, 2024
બોલિવૂડ અભિનેત્રી અને મંડીથી બીજેપી સાંસદ કંગના રનૌતને ચંદીગઢ એરપોર્ટ પર CISFની મહિલા ગાર્ડે થપ્પડ મારી દીધી છે. એવું કહેવામાં આવી રહ્યું છે કે ખેડૂતોના આંદોલનને લઈને કંગનાના નિવેદનથી કુલવિંદર કૌરને દુઃખ થયું હતું, તેથી જ તેણે બીજેપી સાંસદને થપ્પડ મારી હતી. અભિનેત્રીએ આક્ષેપો કર્યા છે અને કડક કાર્યવાહી કરવાની માંગ કરી છે.
આ ઘટના બપોરે 3.30 વાગ્યાની આસપાસ બની હતી. કંગનાને ચંદીગઢથી દિલ્હી જવાનું હતું ત્યારે સુરક્ષા તપાસ દરમિયાન CISF મહિલા સૈનિક કુલવિંદર કૌરે આ કૃત્ય કર્યું. એવો દાવો કરવામાં આવે છે કે CISF ગાર્ડ ખેડૂતોના આંદોલન વિરુદ્ધ બોલવા બદલ કંગના રનૌતથી નારાજ હતો. કંગનાની સાથે રહેલા મયંક મધુરએ કુલવિંદર કૌરને થપ્પડ મારવાનો પ્રયાસ કર્યો હતો. આ પછી કંગના દ્વારા પોલીસને ફરિયાદ કરવામાં આવી હતી. તે ફ્લાઈટ દ્વારા દિલ્હી જવા રવાના થઈ ગઈ છે.
