ગર્લફ્રેન્ડ ડાકોટા સાથે અમદાવાદમાં નાઈટ વોક કરવા નીકળ્યો ક્રિસ માર્ટિન, ભીડ વધી જતા કારમાં બેસી ગયા
અમદાવાદ, ૨૭ જાન્યુઆરી: કોલ્ડપ્લે ગાયક ક્રિસ માર્ટિન પણ તેમના મુંબઈ કોન્સર્ટ દરમિયાન ગર્લફ્રેન્ડ ડાકોટા જોહ્ન્સન સાથે અમદાવાદની મુલાકાતે છે. નરેન્દ્ર મોદી સ્ટેડિયમમાં બે દિવસના ધમાકેદાર પર્ફોમન્સ બાદ રવિવારેની રાત્રે અમદાવાદમાં ક્રિસ માર્ટીન તેની ગર્લફ્રેન્ડ સાથે વોક કરવા નીકળ્યા હતા. લોકો સિગ્નેચર અને સેલ્ફી લેવા પહોંચ્યા હતા. લોકોની ભીડ વધવા લાગતા ક્રિસ અને તેની ગર્લફ્રેન્ડ કારમાં બેસી ત્યાંથી રવાના થયા હતા. જેનો વિડીયો હાલ વાયરલ થઇ રહ્યો છે.
When you spot chris martin and dakota johnson @coldplay just strolling the Ahmedabad streets pic.twitter.com/BYk5soTLSs
— Xeets4𝕏 (@X4Xeets) January 26, 2025
‘કોલ્ડપ્લે’ ગાયક ક્રિસ માર્ટિન હાલમાં તેમના અમદાવાદના કોન્સર્ટથી ભારતીયોના દિલો પર રાજ કરી રહ્યા છે. અમદાવાદ પણ કોલ્ડપ્લેના રંગમાં રંગાઈ ગયું હતું. 25-26 જાન્યુઆરી બે દિવસ અમદાવાદના નરેન્દ્ર મોદી સ્ટેડિયમ ખાતે કોલ્ડપ્લેની કોન્સર્ટ યોજાયો હતો. ત્યારે 26મી જાન્યુઆરીની રાત્રે શહેરના જજીસ બંગલો વિસ્તારમાં આ બેન્ડનો લીડ આર્ટિસ્ટ ક્રિસ માર્ટિન તેની ગર્લફ્રેન્ડ ડાકોટા જોનસન સાથે વોક કરવા નીકળ્યા હતા. પરંતુ તેમને જોઈને લોકો એકત્ર થવા લાગતા ક્રિસ અને તેની ગર્લફ્રેન્ડ પોતાની કારમાં બેસી ગયા હતા.
લોકોએ ક્રિસ સાથે સેલ્ફી અને સિગ્નેચર લેવા પ્રયાસ કર્યો હતો. આ ઘટનાનો વીડિયો સોશિયલ મીડિયામા વાયરલ થઈ રહ્યો છે. આ સમયે એક બાળકી પણ ભૈયા…ભૈયા કહીને ક્રિસની નજીક પહોંચી મળવાનો પ્રયાસ કર્યો હતો. ક્રિસનો આ વીડિયો હાલ સોશિયલ મીડિયામા વાઈરલ થયો છે. આ પહેલા પણ ક્રિસની અમદાવાદમાં એક્ટિવાની રાઈડ ચર્ચાનું કેન્દ્ર બની હતી. બ્રિટિશ બેન્ડની ભારત મુલાકાત પછી જે કંઈ બન્યું છે તે જોતાં, કોલ્ડપ્લેના ચાહકોને ક્રિસ માર્ટિન અને તેમના બેન્ડનો ભારત પ્રવાસ પૂરો થાય ત્યાં સુધીમાં કેટલીક સૌથી મીઠી યાદો યાદ આવી જશે.
બે દિવસની કોલ્ડપ્લે ઈવેન્ટ માટે અમદાવાદ આવેલો ક્રિસ માર્ટીન ITC નર્મદા હોટલમાં રોકાયો હતો. બે દિવસ પહેલા પણ તે રાત્રિના સમયે તેના મેનેજર અને સિક્યુરિટી સાથે વોક કરવા નીકળ્યો હતો. ત્યારે ચાર અમદાવાદી યુવક સાથે મુલાકાત કરી હતી અને તેના એક્ટિવા પર રાઈડ કરી હતી. યુવકને રાઈડ કરાવવા બદલ ક્રિસ માર્ટીને કોન્સર્ટની ટિકિટ પણ આપી હતી.
આ પણ વાંચો..અમદાવાદમાં યોજાયેલા Cold Play કોન્સર્ટના ફેન બન્યા આનંદ મહિન્દ્રા, જાણો શું કહ્યું
