દિલજીત દોસાંજે ટૂરમાં ડાન્સર્સને પૈસા ન આપ્યાનો કોરિયોગ્રાફરનો દાવો
- એક કોરિયોગ્રાફરે સિંગર વિશે ચોંકાવનારો દાવો કર્યો છે અને આરોપ લગાવ્યો છે કે દિલજીત દોસાંજે તેની સિંગિંગ ટૂર દરમિયાન દેશી ડાન્સર્સને પૈસા આપ્યા નથી
પંજાબી સિંગર અને એક્ટર દિલજીત દોસાંજ તેના ગીતો અને ફિલ્મોને લઈને હંમેશા ચર્ચામાં રહે છે, પરંતુ હાલમાં જ તે એક વિવાદમાં ઘેરાયેલો જોવા મળ્યો છે. એક કોરિયોગ્રાફરે સિંગર વિશે ચોંકાવનારો દાવો કર્યો છે અને આરોપ લગાવ્યો છે કે દિલજીત દોસાંજે તેની સિંગિંગ ટૂર દરમિયાન દેશી ડાન્સર્સને પૈસા આપ્યા નથી.
કોરિયોગ્રાફરે દેશી ડાન્સર્સને પૈસા ન આપવાનો આરોપ લગાવ્યો
રજત રોકી નામના કોરિયોગ્રાફરે તેના સોશિયલ મીડિયા દ્વારા આ માહિતી આપી છે. ઉલ્લેખનીય છે કે રોકી RRB ડાન્સ કંપનીનો કોરિયોગ્રાફર છે. ઈન્સ્ટાગ્રામ પર પોસ્ટ શેર કરતી વખતે, રોકીએ લખ્યું છે કે અમે એક દેશી ડાન્સ કોમ્યુનિટી તરીકે દેશી આર્ટિસ્ટની ગ્લાસ સીલિંગ તોડીએ (અવરોધ પાર કરીએ) છીએ અને આખા ઉત્તર અમેરિકામાં ટૂર કરીએ છીએ, પરંતુ મને ખરાબ ત્યારે લાગે છે, જ્યારે આપણી ઈન્ડસ્ટ્રીમાં દેશી ડાન્સર્સની વેલ્યુ નથી થતી. હવે દિલજીત દોસાંજની ટુરમાં પણ દેશી ડાન્સર્સને પૈસા આપવામાં આવ્યા નથી અને દરેક ડાન્સર્સ પાસે ફ્રીમાં કામ કરવાની અપેક્ષા રાખવામાં આવે છે.
View this post on Instagram
રોકીએ પોસ્ટમાં કહી આ વાત
તેણે આગળ લખ્યું કે “તે દેશી ડાન્સ ઈન્ડસ્ટ્રીના કલાકારોના લોહીમાં છે અને તે અમારી ઈન્ડસ્ટ્રીનો એક ભાગ છે. એ જોવું ખરેખર નિરાશાજનક છે કે આ ક્ષમતાના એક કલાકારે દેશી ડાન્સર ઉદ્યોગને નુકસાન પહોંચાડ્યું છે. રોકીએ પોતાની પોસ્ટમાં દેશી ડાન્સર્સ વિશે ચિંતા વ્યક્ત કરવાની સાથે એ પણ કહ્યું કે તે ગાયકની સફળતાથી ખૂબ જ ખુશ છે, પરંતુ ડાન્સર્સને પણ પૈસા મળવા જોઈએ. તેઓ પણ પ્રોડક્શન બજેટનો ભાગ હોવા જોઈએ.
એક્ટર – સિંગરનું ફિલ્મી કરિયર
દિલજીતની પ્રોફેશનલ લાઈફની વાત કરીએ તો, સિંગર આ દિવસોમાં તેની પંજાબી ફિલ્મ ‘જટ્ટ એન્ડ જુલિયટ 3’ને લઈને ચર્ચામાં છે. હાલમાં જ તેણે ‘ક્રુ’ અને ‘અમર સિંહ ચમકીલા’ ફિલ્મોથી ચર્ચાઓ મેળવી હતી. હવે તેની પાસે વધુ એક બોલિવૂડ ફિલ્મ છે. દિલજીત ટૂંક સમયમાં બોની કપૂર દ્વારા નિર્દેશિત ફિલ્મ ‘નો એન્ટ્રી 2’માં જોવા મળશે. આ ફિલ્મમાં તેની સાથે વરુણ ધવન અને અર્જુન કપૂર પણ જોવા મળશે.
આ પણ વાંચોઃ ઐશ્વર્યા રાયની ફેન થઈ કિમ કાર્દશિયન, અંબાણી વેડિંગની તસવીરો વાયરલ
