કોલેસ્ટ્રોલ છે ચિંતાનો વિષયઃ જાણો તેને ઘટાડવાની નેચરલ રીત

• નેચરલ રીત પણ કોલેસ્ટ્રોલ ઘટાડવામાં મદદરૂપ સાબિત થઈ શકે છે. કોલેસ્ટ્રોલ એ ચરબીનો એક પ્રકાર છે જે આપણા શરીરમાં કુદરતી રીતે જોવા મળે છે

HD ન્યુઝ ડેસ્કઃ કોલેસ્ટ્રોલ વધવું એ કોઈપણ વ્યક્તિ માટે ચિંતાનો વિષય બની શકે છે. હાઈ કોલેસ્ટ્રોલ હૃદયના આરોગ્ય માટે જોખમી છે. ઘણા લોકો કોલેસ્ટ્રોલ ઘટાડવા માટે દવાઓનો સહારો લેતા હોય છે. કુદરતી પદ્ધતિઓ પણ કોલેસ્ટ્રોલ ઘટાડવામાં મદદરૂપ સાબિત થઈ શકે છે. કોલેસ્ટ્રોલ એ ચરબીનો એક પ્રકાર છે જે આપણા શરીરમાં કુદરતી રીતે જોવા મળે છે. તે સેલ રિપેર અને હોર્મોન ઉત્પાદન માટે જરૂરી છે. જ્યારે કોલેસ્ટ્રોલનું સ્તર વધી જાય છે ત્યારે તે હૃદય રોગનું જોખમ વધારી શકે છે. કોલેસ્ટ્રોલ ઘટાડવા માટે દવાઓની સાથે કેટલીક નેચરલ રીત અપનાવીને પણ તેને ઘટાડી શકાય છે.

કોલેસ્ટ્રોલ ઘટાડવાની કુદરતી રીતો

પૌષ્ટિક આહાર

• ફાઇબરયુક્ત ખોરાક: ઓટ્સ, જવ, ફળો, શાકભાજી, કઠોળ અને બીજમાં દ્રાવ્ય ફાઈબર હોય છે જે ખરાબ કોલેસ્ટ્રોલ ઘટાડવામાં મદદ કરે છે.
• અનસેચ્યુરેટેડ ફેટ: ઓલિવ ઓઈલ, અખરોટ, બદામ અને સૅલ્મોન જેવી માછલીમાં જોવા મળતી અનસેચ્યુરેટેડ ફેટ સારા કોલેસ્ટ્રોલને વધારે છે.
• આલ્કોહોલનું સેવન ઓછું કરો: વધુ પડતા આલ્કોહોલનું સેવન તમારા શરીરમાં કોલેસ્ટ્રોલનું સ્તર વધારી શકે છે.

વ્યાયામ

નિયમિત કસરત તમારું વજન ઘટાડશે અને સારા કોલેસ્ટ્રોલનું સ્તર વધારશે.
અઠવાડિયામાં ઓછામાં ઓછી 150 મિનિટની મધ્યમ તીવ્રતાની કસરત કરો.

સ્ટ્રેસ મેનેજમેન્ટ

સ્ટ્રેસ કોલેસ્ટ્રોલ લેવલ વધારી શકે છે. યોગ, ધ્યાન અને ઊંડા શ્વાસ જેવી ટેકનિક વડે તણાવ ઘટાડી શકાય છે.

પૂરતી ઊંઘ

પૂરતી ઊંઘ ન લેવાથી પણ કોલેસ્ટ્રોલનું પ્રમાણ વધી શકે છે. દરરોજ 7-8 કલાકની ઊંઘ લો. તે ખૂબ જ જરૂરી છે.

કેટલાક ખાસ ખોરાક

• લસણઃ લસણમાં એલિસિન હોય છે જે કોલેસ્ટ્રોલ ઘટાડવામાં મદદ કરે છે.
• આદુ: આદુમાં એન્ટી-ઈન્ફ્લેમેટરી એટલે કે બળતરા વિરોધી ગુણ હોય છે, જે હૃદયના આરોગ્ય માટે સારું છે.
• હળદર: હળદરમાં કર્ક્યુમિન હોય છે જે કોલેસ્ટ્રોલ ઘટાડવામાં મદદ કરી શકે છે.

અન્ય ટિપ્સ

• વજન ઓછું કરો: જો તમારું વજન વધારે છે, તો વજન ઓછું કરવાથી કોલેસ્ટ્રોલનું સ્તર ઘટી શકે છે.
• ધૂમ્રપાન છોડો: ધૂમ્રપાન તમારા હૃદયના આરોગ્ય માટે હાનિકારક છે, તે કોલેસ્ટ્રોલનું સ્તર પણ વધારી શકે છે.
• નિયમિત તપાસઃ તમારા કોલેસ્ટ્રોલના સ્તરને તપાસવા માટે નિયમિતપણે તમારા ડૉક્ટરની મુલાકાત લો.

આ પણ વાંચોઃ ઠંડીની સીઝનમાં ખવાતો ગોળ ભેળસેળવાળો તો નથી ને? આ રીતે કરો ચેક