ચિરંજીવી બ્રિટીશ સરકારનો લાઈફટાઈમ એચિવમેન્ટ એવોર્ડ મેળવનાર પ્રથમ ભારતીય, જુઓ વીડિયો
- મેગાસ્ટાર ચિરંજીવીને લાઈફટાઈમ એચિવમેન્ટ એવોર્ડ આપીને સન્માનિત કરાયા છે. આ સન્માન તેમને સિનેમા જગત અને સમાજમાં તેમના વિશેષ યોગદાન બદલ આપવામાં આવ્યું છે
HD ન્યુઝ ડેસ્કઃ બ્રિટિશ સરકારે દક્ષિણ ફિલ્મ ઉદ્યોગના મેગાસ્ટાર ચિરંજીવીને લાઇફટાઈમ એચિવમેન્ટ એવોર્ડ આપીને સન્માનિત કર્યા છે. આ સન્માન તેમને સિનેમા જગત અને સમાજમાં તેમના વિશેષ યોગદાન બદલ આપવામાં આવ્યું છે. અભિનેતાને મળેલું આ સન્માન ભારતીય સિનેમા માટે ગર્વની વાત છે.
બુધવાર, 16 માર્ચના રોજ, બ્રિટિશ સરકારે સંસદમાં અભિનેતાનું સન્માન કર્યું હતું. આ સાથે ચિરંજીવી બ્રિટિશ સંસદમાં આ સન્માન મેળવનાર પ્રથમ ભારતીય અભિનેતા બન્યા છે. આ સન્માન તેમને બ્રાઈડ ઇન્ડિયા નામની સંસ્થા દ્વારા આપવામાં આવ્યું છે, જેની તસવીરો સોશિયલ મીડિયા પર ચર્ચાનો વિષય બની છે.
#Chiranjeevi – EMPEROR🫡
Proudest moment for the #Telugu speaking bastion! 🌟🌟🌟
Last night, #MegaStarChiranjeevi became the 1st Indian Celebrity to receive the prestigious “Lifetime Achievement Award” from the British Government at the #UK parliament here in #London !… pic.twitter.com/Pnsp2ewsUa
— FILMOVIEW (@FILMOVIEW_) March 20, 2025
ગિનિસ વર્લ્ડ રેકોર્ડમાં નામ નોંધાયું
દક્ષિણ સિનેમાના મેગાસ્ટાર ચિરંજીવીને વર્ષ 2024માં ભારતના બીજા સર્વોચ્ચ નાગરિક પુરસ્કાર પદ્મ વિભૂષણથી નવાજવામાં આવ્યા હતા. આ ઉપરાંત તેમનું નામ ગિનીસ વર્લ્ડ રેકોર્ડ્સમાં 537 ગીતો, 156 ફિલ્મો અને 24,000 ડાન્સ સ્ટેપ્સ માટે સૌથી સફળ અભિનેતા-ડાન્સર તરીકે નોંધાયેલું છે. આ ઉપરાંત, તેમને ઘણા મોટા પુરસ્કારોથી પણ સન્માનિત કરવામાં આવ્યા છે.
ચિરંજીવીની આગામી ફિલ્મો
અભિનેતાની આગામી ફિલ્મો વિશે વાત કરીએ તો, તેમની ફિલ્મ ‘વિશ્વંભરા’ને લઈને દર્શકોમાં ઘણો ઉત્સાહ છે. જોકે ફિલ્મની રિલીઝ ડેટ હજુ સુધી જાહેર કરવામાં આવી નથી. જો મીડિયા રિપોર્ટ્સ પર વિશ્વાસ કરવામાં આવે તો, અભિનેતા ટૂંક સમયમાં દિગ્દર્શક શ્રીકાંત ઓડેલાની ફિલ્મમાં જોવા મળશે, જેનું નિર્માણ નાની કરશે.
આ પણ વાંચોઃ અમિતાભ બચ્ચનનો ઉત્તરાધિકારી કોણ? પોસ્ટ કરી તો લોકોએ સવાલો પૂછ્યા
