ચીનના રાષ્ટ્રપતિ શી જિનપિંગે રવિવારે 20મી કોમ્યુનિસ્ટ પાર્ટી કોંગ્રેસને કહ્યું કે ચીન હોંગકોંગ પર સંપૂર્ણ નિયંત્રણ મેળવી લીધું છે અને તેના અરાજક શાસનનો અંત લાવ્યો છે. રાષ્ટ્રપતિ જિનપિંગે કહ્યું કે ચીને તાઈવાનમાં અલગતાવાદ સામે સખત લડત આપી છે અને તે ક્ષેત્રીય અખંડિતતાના વિરોધને રોકવામાં સફળ રહ્યું છે.
જિનપિંગે તાઇવાન સામે લશ્કરી આક્રમણનો પણ બચાવ કર્યો
હોંગકોંગ પર કાર્યવાહીની સાથે, શી જિનપિંગે તાઇવાન સામે લશ્કરી આક્રમણનો પણ બચાવ કર્યો. તેમણે કહ્યું કે સુરક્ષા સુનિશ્ચિત કરવા માટે દેશની ગરિમા અને મુખ્ય હિતોનું રક્ષણ કરવામાં આવ્યું છે. તેમજ હોંગકોંગમાં અશાંતિની સ્થિતિમાં કેન્દ્ર સરકારે તેના સંપૂર્ણ અધિકારક્ષેત્રનો ઉપયોગ કર્યો. આ ચીનના બંધારણ અને હોંગકોંગ વિશેષ વહીવટી ક્ષેત્રના મૂળભૂત કાયદા દ્વારા નિર્ધારિત વિશેષ વહીવટી ક્ષેત્રના આધારે થયું છે.
જિનપિંગે ખોલ્યુ રહસ્ય
રાષ્ટ્રપતિ જિનપિંગે કહ્યું કે “તાઈવાનની સ્વતંત્રતા અને સંબંધિત બાબતોમાં બહારની દખલગીરીને ધ્યાનમાં રાખીને અલગતાવાદી પ્રવૃત્તિઓ થઈ રહી છે,” તેમણે કહ્યું. જવાબમાં, અમે અલગતાવાદ સામે જોરશોરથી લડ્યા છીએ અને આગળ પણ લડીશું. અમે ચીનની સાર્વભૌમત્વની રક્ષા કરવા અને ‘તાઈવાનની સ્વતંત્રતા’નો વિરોધ કરવાના અમારા વચનને વળગી રહીએ છીએ.
ચીનના રાષ્ટ્રપતિ શી જિનપિંગે રવિવારે રાજધાની બેઇજિંગના ગ્રેટ હોલ ઓફ ધ પીપલ ખાતે ચીનની કમ્યુનિસ્ટ પાર્ટી (CPC)ની 20મી રાષ્ટ્રીય કોંગ્રેસનું ઉદ્ઘાટન કર્યું. આજે અહીં યોજાયેલી બેઠકમાં, શી જિનપિંગે ચીનની કમ્યુનિસ્ટ પાર્ટી (CPC)ની 20મી નેશનલ કોંગ્રેસમાં 19મી સીપીસી સેન્ટ્રલ કમિટિ વતી રિપોર્ટ રજૂ કર્યો.
આ પણ વાંચો:ચીનની તાઈવાનને ખુલ્લી ધમકી, શાંતિથી મળો નહીંતર પછી અમે હુમલો…
