ચીની ગ્રુપે ભારત સરકારના ગુપ્ત દસ્તાવેજો હેક કર્યાનો કર્યો દાવો

નવી દિલ્હી, 22 ફેબ્રુઆરી: ચીનના એક હેકર ગ્રુપે ભારત સરકાર સાથે સંબંધિત મહત્વના વિભાગોના દસ્તાવેજો હેક કરવાનો દાવો કર્યો છે. તેમાં વડાપ્રધાન કાર્યાલય (PMO)થી લઈને રિલાયન્સ ઈન્ડસ્ટ્રીઝ અને એર ઈન્ડિયા સુધીની કંપનીઓનો સમાવેશ થાય છે. ઑપન-સોર્સ ઇન્ટેલિજન્સ (OSINT) ટીમે લીક થયેલા ડેટાની સમીક્ષા કરી છે. સાયબર સિક્યુરિટી કોન્ટ્રાક્ટરના કર્મચારીએ એસોસિએટેડ પ્રેસને જણાવ્યું હતું કે, ફાઇલો કેવી રીતે લીક થઈ હતી તે શોધવા માટે iSoon અને ચાઇનીઝ પોલીસે તપાસ શરૂ કરી હતી. કર્મચારીએ જણાવ્યું હતું કે iSoonએ લીક વિશે 21 ફેબ્રુઆરીએ એક મીટિંગ યોજી હતી અને તેને કહેવાયું  છે કે, તે વ્યવસાયને વધુ અસર કરશે નહીં.

હજારો ડૉક્યુમેન્ટ્સ GitHub પર પોસ્ટ થયા

એક અહેવાલ મુજબ, ચીનના મિનિસ્ટ્રી ઑફ પબ્લિક સિક્યુરિટી માટે સાયબર સિક્યુરિટી કોન્ટ્રાક્ટર iSoon સાથે જોડાયેલા હજારો ડૉક્યુમેન્ટ, તસવીરો અને ચેટ મેસેજ GitHub પર અજાણ્યા રીતે પોસ્ટ કરાયા હતા. GitHub પર લીક થયેલા દસ્તાવેજો મેન્ડરિન ભાષામાં છે, પરંતુ જે મશીન ટ્રાન્સલેટેડ વર્ઝન સામે આવ્યું છે તેમાં હેકર્સની કાર્યપદ્ધતિઓ, કારનામાઓ અને ટાર્ગેટ કોણ છે તેની માહિતી મળી છે. આ મુજબ સાયબર એટેકર્સના ટાર્ગેટમાં નાટો, યુરોપીયન સરકારોની ખાનગી સંસ્થાઓ ઉપરાંત પાકિસ્તાન જેવા ચીનના સહયોગી દેશો પણ હતા.

ભારત સરકારને નિશાન બનાવવામાં આવ્યા

લીક થયેલા ડેટામાં ભારતના નાણા મંત્રાલય, વિદેશ મંત્રાલય અને રાષ્ટ્રપતિના ઓફીસનો ઉલ્લેખ છે. સંભવિત રીતે ગૃહ મંત્રાલયને પણ નિશાન બનાવવામાં આવ્યું હોઈ શકે છે. ભારત-ચીન સીમા તણાવ દરમિયાન હેકર જૂથોએ મે 2021 અને ઑક્ટોબર 2021 વચ્ચે રાષ્ટ્રપતિના આંતરિક મંત્રાલયની વિવિધ કચેરીઓથી સંબંધિત 5.49GB ડેટા હેક કર્યો હતો. આ ઉપરાંત પેન્શન ફંડ મેનેજર, એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO), ભારત સંચાર નિગમ લિમિટેડ (BSNL) અને ખાનગી હેલ્થકેર-હોસ્પિટલ્સ ચેઈનના યુઝર ડેટાની પણ કથિત રીતે ચોરી કરાયા હતા. કથિત રીતે એર ઈન્ડિયાના ચોરાયેલા ડેટામાં મુસાફરોની ચેક-ઈન વિગતો પણ છે. લીક થયેલા દસ્તાવેજોમાં મુજબ 2020થી ભારતની આશરે 95GB ઇમિગ્રેશન વિગતોનો સમાવેશ થાય છે, જેને “એન્ટ્રી અને એક્ઝિટ પોઇન્ટ ડેટા” તરીકે વર્ણવવામાં આવે છે.

મિત્રથી લઈને દુશ્મન દેશ ચીનના નિશાના પર

મિત્રથી લઈને દુશ્મન સુધી દરેક દેશ ચીનના નિશાના પર છે. ભારત ઉપરાંત બેઇજિંગે તેના નજીકના મિત્ર પાકિસ્તાનને પણ નિશાન બનાવ્યું છે. અન્ય સ્પષ્ટ લક્ષ્યોમાં નેપાળ, મ્યાનમાર, મંગોલિયા, મલેશિયા, અફઘાનિસ્તાન, ફ્રાન્સ, થાઇલેન્ડ, કઝાકિસ્તાન, તુર્કી, કંબોડિયા અને ફિલિપાઇન્સનો સામેલ છે. લીક થયેલા ડેટાસેટ મુજબ, મે 2021 અને જાન્યુઆરી 2022 વચ્ચે ચીની હેકર જૂથ દ્વારા પાકિસ્તાનના પંજાબ પ્રાંતમાં “આતંક વિરોધી કેન્દ્ર”માંથી 1.43GB ટપાલ સેવા ડેટા મેળવ્યો હતો. દસ્તાવેજો એ પણ દર્શાવે છે કે ચીનની સરકારે પાકિસ્તાનના વિદેશ મંત્રાલય અને ટેલિકોમ્યુનિકેશન કંપની ઝોંગની જાસૂસીને મંજૂરી આપી હતી.

ચીનનો સાયબર હુમલો આ પહેલીવાર નથી

આ પહેલીવાર નથી કે જ્યારે ચીન ભારતમાં સાયબર હુમલા માટે ચર્ચામાં આવ્યું હોય. 2022 માં, ચીન સાથે જોડાયેલા હેકરોએ કથિત રીતે સાત ભારતીય પાવર હબને નિશાન બનાવ્યા હતા. ખતરનાક કલાકારોએ 2021માં પણ ભારતના પાવર ઈન્ફ્રાસ્ટ્રક્ચરમાં પ્રવેશ કરવાનો પ્રયાસ કર્યો હતો.

આ પણ વાંચો: ચીન ભૂટાન સરહદે વસાવી રહ્યું છે ગામ, ભારત માટે ચિંતાનો વિષય; જાણો કેમ ?