દક્ષિણ ચીન સાગરમાં અસ્થિર ગતિવિધિઓ બંધ કરે ચીન, જુઓ કોણે આપી ડ્રેગનને ચેતવણી ?

વિઆંગ ચાન, 28 જુલાઈ : લાઓસમાં આસિયાન દેશોના વિદેશ મંત્રીઓની ચાલી રહેલી બેઠકમાં ગઈકાલે શનિવારે અમેરિકી વિદેશ મંત્રી એન્ટની બ્લિંકન ચીનના વિદેશ મંત્રી વાંગ યીને મળ્યા હતા. આ દરમિયાન બ્લિંકને દક્ષિણ ચીન સાગરમાં ચીન દ્વારા કરવામાં આવી રહેલી અસ્થિર ગતિવિધિઓને રોકવા માટે કહ્યું હતું. તેમણે ચીનને રશિયાના સંરક્ષણ ઔદ્યોગિક આધારને સમર્થન સમાપ્ત કરવાની ચેતવણી પણ આપી હતી.

બંને નેતાઓ વચ્ચે દ્વિપક્ષીય, પ્રાદેશિક અને વૈશ્વિક મુદ્દાઓ પર ચર્ચા થઈ

લાઓસમાં આસિયાન દેશોની બેઠક દરમિયાન અમેરિકાના વિદેશ મંત્રી એન્ટની બ્લિંકને બંને દેશો વચ્ચે વાતચીત ખુલ્લી રાખવા જણાવ્યું હતું. અમેરિકામાં ચાલી રહેલી પ્રમુખપદની ચૂંટણીઓ વચ્ચે બ્લિંકનની મુલાકાતને વિશ્વ નવા વ્હાઇટ એડમિનિસ્ટ્રેશન સાથે કેવી રીતે વ્યવહાર કરશે તે સંદર્ભમાં મહત્વપૂર્ણ માનવામાં આવે છે. યુએસ સ્ટેટ ડિપાર્ટમેન્ટના પ્રવક્તા મેથ્યુ મિલરે જણાવ્યું હતું કે બંને નેતાઓ વચ્ચે દ્વિપક્ષીય, પ્રાદેશિક અને વૈશ્વિક મુદ્દાઓ પર ચર્ચા થઈ હતી.

આ પણ વાંચો : અમદાવાદમાં બહારનું ખાનારા ચેતજો, ફુડ વિભાગ દ્વારા કરાઇ મોટી કાર્યવાહી

તો અમેરિકાએ કડક પગલાં લેવા પડશે…

સચિવે કહ્યું કે અમેરિકા તમામ સહયોગી દેશો સાથે સ્વતંત્ર અભિગમ અપનાવશે. મીટિંગમાં, બ્લિંકને રશિયાને તેના સંરક્ષણ ઔદ્યોગિક આધાર માટે ચીન દ્વારા આપવામાં આવતા સમર્થન અંગે ચર્ચા કરી હતી. તેમણે કહ્યું કે જો ચીન સમર્થન બંધ નહીં કરે તો અમેરિકાએ કડક પગલાં લેવા પડશે. આ દરમિયાન ચીનના વિદેશ મંત્રી વાંગે કહ્યું કે ચીન વિશે અમેરિકાની ધારણા ખોટી છે. તેમણે તર્કસંગત અને વ્યવહારુ ચીન નીતિ જોવા કહ્યું. આ દરમિયાન બંને દેશો વચ્ચે વાતચીત ચાલુ રાખવાનો નિર્ણય લેવામાં આવ્યો હતો.

અમેરિકા અને ચીન વચ્ચે તણાવ વધી રહ્યો છે

અમેરિકા અને ચીન વચ્ચે સતત તણાવ વધી રહ્યો છે. જોકે, બિડેન પ્રશાસન આ તણાવ ઘટાડવા પર ભાર આપી રહ્યું છે. તાજેતરમાં, યુક્રેન-રશિયાના આક્રમણમાં ચીન દ્વારા રશિયાને સમર્થન અને દક્ષિણ ચીન સાગરમાં કાર્યવાહી દરમિયાન તાઈવાનને આપવામાં આવી રહેલી ધમકીઓએ ચીન અને અમેરિકાના સંબંધોને બગાડ્યા છે. આ અઠવાડિયે, નોર્થ અમેરિકન એરોસ્પેસ ડિફેન્સ કમાન્ડે અલાસ્કા નજીક ઉડતા બે રશિયન અને બે ચીની બોમ્બર્સને અટકાવ્યા. અમેરિકા અને યુરોપિયન યુનિયને ચીન પર આરોપ લગાવ્યો છે કે તે તેના સંરક્ષણ ક્ષેત્રને મજબૂત કરવા માટે રશિયા સામેના પ્રતિબંધો વચ્ચે રશિયાને શસ્ત્રો પૂરા પાડે છે. જોકે ચીને આ વાતને નકારી કાઢી હતી. તેમજ પોતાને શાંતિ મધ્યસ્થી તરીકે સ્થાપિત કરવાનો પ્રયાસ કર્યો હતો.

આ પણ વાંચો : મોડીરાત્રે રાજસ્થાન, મહારાષ્ટ્ર સહિત અનેક રાજ્યોમાં ગવર્નર બદલાયા, જુઓ કોને ક્યાં સોંપાઈ જવાબદારી?