બેઈજિંગઃ ચીન લદ્દાખમાં પોતાની હરકતો અટકાવી રહ્યું નથી. પેંગોંગ ત્સો નદી પર પુલ બનાવ્યા પછી ચીન હવે ઝડપથી રસ્તો બનાવી રહ્યું છે. આ રોડ તળાવના દક્ષિણ કિનારે બનાવવામાં આવી રહ્યો છે. તેનો હેતુ કોઈપણ વિવાદ ચાઈના ઈન્ડિયા સ્કર્મિશીસની સ્થિતિમાં એએસી નજીકના તેમના બેઝ કેમ્પમાંથી ચીની સૈનિકોને લાવવાનો છે. આ રોડ એ જ વિસ્તારની નજીક બનાવવામાં આવી રહ્યો છે, જે ગયા વર્ષે ભારતીય સેના દ્વારા કબજે કરવામાં આવ્યો હતો. પરંતુ, સૈન્ય વાટાઘાટોના ઘણા રાઉન્ડ પછી બંને દેશોએ તેમની સેનાઓ સામેથી પાછી ખેંચી લીધી.
સેટેલાઇટ ઇમેજ પરથી શું બહાર આવ્યું છે?
ટ્વિટર હેન્ડલ @detresfa_, જેણે સેટેલાઇટ ઇમેજનું વિશ્લેષણ કર્યું છે, તેણે દાવો કર્યો છે કે, આ રોડ પેંગોંગના દક્ષિણ કિનારે બનાવવામાં આવી રહ્યો છે. તેનો એક છેડો આ વર્ષે જાન્યુઆરીમાં જોવા મળેલા પુલની નજીક આવતો જોવા મળે છે. ટ્વીટમાં કહેવામાં આવ્યું છે કે, આ પુલ ચીનની રૂટોંગ કાઉન્ટી સાથે જોડાયેલો હોવાની સંભાવના છે. તેનાથી ચીનના પીએલએ સૈનિકોને આ વિસ્તારમાં ઝડપથી પહોંચવામાં મદદ મળશે.
પેંગોંગ ત્સો ક્યાં છે?
પેંગોંગ ત્સો અથવા પેંગોંગ તળાવ ભારત-ચીન સરહદ પર 14,000 ફૂટથી વધુની ઉંચાઈ પર સ્થિત છે. આ 135 કિલોમીટર લાંબુ તળાવ 604 ચોરસ કિલોમીટરથી વધુ વિસ્તારમાં ફેલાયેલું છે. કેટલીકવાર તેની પહોળાઈ 6 કિલોમીટર સુધી હોય છે. આ તળાવનો 45 કિમી વિસ્તાર ભારતમાં આવેલો છે જ્યારે 90 કિમી વિસ્તાર ચીનમાં આવે છે. આ તળાવનું વ્યૂહાત્મક મહત્વ અપાર છે.
ચીને કહ્યું છે કે, પેંગોંગ લેક પર બ્રિજ બનાવવાની શરૂઆત જાન્યુઆરીમાં કરવામાં આવી હતી. આ પુલ ચીનના કબજા હેઠળના વિસ્તારમાં પેંગોંગ લેક પર બનાવવામાં આવ્યો છે. એવું કહેવામાં આવી રહ્યું છે કે, આ પુલ તળાવના ઉત્તરી કાંઠાને દક્ષિણ કાંઠા સાથે જોડે છે. જે 8થી 20 કિમી પૂર્વમાં છે. આ અંગે જાણકારી ધરાવતા લોકોએ જણાવ્યું કે, ચીન ગાલવાન વેલી વિસ્તાર પાસે પોતાની બાજુ પર પુલ બનાવી રહ્યું છે. આ દ્વારા ચીન સમગ્ર અક્સાઈ ચીન વિસ્તારમાં ભારત વિરુદ્ધ પોતાની સ્થિતિ મજબૂત કરવા માંગે છે.
