ચેન્નઈ ટેસ્ટ : બાંગ્લાદેશે ટોસ જીત્યો, ભારત પહેલાં બેટીંગ કરશે, જાણો ટીમનું પ્લેઈંગ XI
ચેન્નઈ, 19 સપ્ટેમ્બર : ભારત અને બાંગ્લાદેશ વચ્ચે બે મેચની ટેસ્ટ શ્રેણીની પ્રથમ મેચ આજથી એટલે કે 19 સપ્ટેમ્બરથી ચેન્નઈના એમએ ચિદમ્બરમ સ્ટેડિયમમાં રમાઈ રહી છે. બાંગ્લાદેશના કેપ્ટન નઝમુલ હુસેન શાંતોએ ટોસ જીતીને પ્રથમ બોલિંગ કરવાનો નિર્ણય લીધો છે. ભારતે ત્રણ ઝડપી બોલરો જસપ્રિત બુમરાહ, આકાશદીપ અને મોહમ્મદ સિરાજની સાથે બે સ્પિનર આર અશ્વિન અને રવિન્દ્ર જાડેજા સાથે જવાનો નિર્ણય કર્યો છે. રિષભ પંત અને કેએલ રાહુલની પણ ટીમમાં વાપસી થઈ છે.
🚨 Here’s our Playing XI 🔽
Follow The Match ▶️ https://t.co/jV4wK7BOKA #TeamIndia | #INDvBAN | @IDFCFIRSTBank pic.twitter.com/0WoiP87k7p
— BCCI (@BCCI) September 19, 2024
બાંગ્લાદેશની ટીમ ફૂલ ફોર્મમાં
આ ટેસ્ટ શ્રેણી વર્લ્ડ ટેસ્ટ ચેમ્પિયનશિપનો એક ભાગ હશે, તેથી બંને ટીમો તેને હળવાશથી લેવા માંગશે નહીં. ભારતીય ટીમ લગભગ 40 દિવસના આરામ બાદ ક્રિકેટના મેદાનમાં વાપસી કરી રહી છે, જેથી તમામ ખેલાડીઓ ફ્રેશ હશે. આ સાથે જ બાંગ્લાદેશની નજર પાકિસ્તાન બાદ ભારતમાં ઈતિહાસ રચવા પર હશે. બાંગ્લાદેશ હાલમાં જ પાકિસ્તાનના ઘરે સફાઈ કરીને આવ્યો છે. ટીમે ટેસ્ટ શ્રેણીમાં યજમાન ટીમને 2-0થી હરાવ્યું છે. આવી સ્થિતિમાં બાંગ્લાદેશ ટીમના તમામ ખેલાડીઓ આત્મવિશ્વાસથી ભરેલા હશે.
આ પણ વાંચો :- ચાર વર્ષ પછી અમેરિકાનો મોટો નિર્ણય, ભારતીય શેરબજારોમાં જોવા મળી શકે છે અસર
શું છે બંને ટીમનું પ્લેઈંગ ઇલેવન
ઇન્ડિયા પ્લેઇંગ ઇલેવન- રોહિત શર્મા (C), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, ઋષભ પંત (WK), રવિન્દ્ર જાડેજા, આર અશ્વિન, જસપ્રિત બુમરાહ, આકાશદીપ, મોહમ્મદ સિરાજ.
બાંગ્લાદેશ પ્લેઈંગ ઈલેવન- શાદમાન ઈસ્લામ, ઝાકિર હસન, નઝમુલ હુસૈન શાંતો (C), મોમિનુલ હક, મુશફિકુર રહીમ, શાકિબ અલ હસન, લિટન દાસ (WK), મેહિદી હસન મિરાજ, તસ્કીન અહેમદ, હસન મહમૂદ, નાહીદ રાણા.
