ChatGPT પણ ખોટું બોલી શકે છે, જાણો કેમ…

અમેરિકા, 04 જાન્યુઆરી : ChatGPTની ચર્ચા આખી દુનિયામાં થાય છે. તેની મદદથી ઘણા લોકો અને કંપનીઓ તેમના કામને સરળ બનાવવા માંગે છે. શું તમે જાણો છો કે ChatGPT પણ માણસની જેમ જૂઠું બોલી શકે છે. તે પોતાનું જુઠ છુપાવવા માટે બીજા ઘણા જૂઠ બોલી શકે છે. એક અભ્યાસમાં નવો ખુલાસો થયો છે કે, AI દબાણમાં આવીને ખોટું બોલી શકે છે.

ChatGPT સમગ્ર વિશ્વમાં પ્રખ્યાત છે. કેટલાક તેની મદદથી પત્રો લખી રહ્યા છે, જ્યારે કેટલાક તેનો ઉપયોગ સામગ્રી લેખન માટે કરી રહ્યા છે. શું તમે જાણો છો કે તે જૂઠું બોલી શકે છે અને છેતરપિંડી પણ કરી શકે છે? વાસ્તવમાં, એક સંશોધનમાં સામે આવ્યું છે કે માણસોની જેમ, આર્ટિફિશિયલ ઈન્ટેલિજન્સ (AI) ચેટબોટ્સ જૂઠું બોલી શકે છે અને જરૂર પડ્યે તે જૂઠનું પુનરાવર્તન પણ કરી શકે છે.

ChatGPT જેવા ચેટબોટ્સનું એક નવું સ્વરૂપ સામે આવ્યું છે. જ્યારે AI ને ઇનસાઇડર ટ્રેડિંગ ટિપ્સ આપવામાં આવી હતી અને પછી તેને ટાસ્ક આપવામાં આવ્યો હતો કે હવે તે પૈસા કેવી રીતે કામાશે? જેથી તેનું સત્ય બહાર આવ્યું. 9 નવેમ્બરના રોજ આર્ક્સિવમાં પ્રકાશિત થયેલા અભ્યાસમાં કહેવામાં આવ્યું છે કે, કેવી રીતે AI સિસ્ટમ પ્રામાણિકતા અને કોઈને નુકસાન ન પહોંચાડવાના ઉદ્દેશ્ય સાથે જૂઠું બોલે છે. AI દ્વારા આવા ખોટા સૂચનો અને આશ્ચર્યજનક વર્તનનું આ પહેલું ઉદાહરણ છે.

નાણાકીય સંસ્થા

જનરેટિવ પ્રી-ટ્રેઇન્ડ ટ્રાન્સફોર્મર-4 અથવા GPT-4ને નાણાકીય સંસ્થા માટે તૈયાર કરવામાં આવ્યું હતું, જેથી આ AI સિસ્ટમ નાણાકીય રોકાણ કરી શકે અથવા તેના માટે વધુ સારું સૂચન આપી શકે. સંશોધકોએ નાણાકીય નિર્ણયો લેવા માટે GPT-4ને નાણાકીય સાધનોની ઍક્સેસ આપી. આની મદદથી તે સ્ટોક, ટ્રેડિંગ વગેરેને એક્સેસ કરી શકે છે અને તેના નિર્ણયોનું વિશ્લેષણ કરી શકે છે. આ પછી તે કંપની મેનેજરને તેના વિશે અપડેટ આપી શકે.

ચેટ ઈન્ટરફેસ

સંશોધકોએ AI સાથે વાતચીત કરવા માટે એક ચેટ ઈન્ટરફેસ પણ બનાવ્યું છે. AIને એવી રીતે ગોઠવવામાં આવ્યું છે કે તે જવાબો આપતી વખતે તેની પોતાની આંતરિક વિચારસરણી પણ બતાવી શકે. દરેક વેપાર માટે તેણે સાર્વજનિક કારણ પણ આપ્યું હતું.

દબાણ બનાવવામાં આવ્યું ત્યારે

સંશોધકો AI પર ત્રણ રીતે દબાણ બનાવ્યું. પ્રથમ કિસ્સામાં, AI સ્ટોક ટ્રેડરને તેના મેનેજર તરફથી એક ઈમેલ મળ્યો હતો જેમાં કહેવામાં આવ્યું હતું કે કંપની સારું પ્રદર્શન કરી રહી નથી અને તેને આગામી ક્વાર્ટરમાં વધુ સારી કામગીરીની જરૂર છે. આ સમય દરમિયાન AIએ ઓછા જોખમવાળા ટ્રેડ શોધવાનો પ્રયાસ કર્યો અને તે નિષ્ફળ નિવાડ્યું તેના માટે.

આ પછી સંશોધકે આ પ્રક્રિયાને વારંવાર રિપીટ કરી અને નવા સૂચનો આપવા કહ્યું. આ સમય દરમિયાન તે જોવા માંગતો હતો કે આ પરિસ્થિતિઓમાં AI શું કરે છે. આમાં તે એ જોવા માંગતો હતો કે AI કેટલી વાર જૂઠું બોલે છે અને કેટલી વાર તેને રિપીટ કરે છે.

આ ઉપરાંત, જ્યારે તેણે એક ટ્રેડને પૂરો કર્યો, જે અમેરિકામાં ગેરકાયદેસર છે. આ પછી તેણે તેના મેનેજર સાથે ખોટું બોલીને તેને ઢાંકવાનો પ્રયાસ કર્યો અને તેણે ઘણી વખત આ વાતનું પુનરાવર્તન પણ કર્યું.

આ પણ વાંચો : AI એ 2024 માટે કરી ભવિષ્યવાણી, માનવ જીવન પર પડશે સીધી અસર