અમેરિકામાં પણ રામ લલ્લાની ધૂમ, ટાઈમ્સ સ્ક્વેર પર ઢોલ-નગારા સાથે ‘જય શ્રી રામ’ના નારા ગૂંજ્યા

ન્યૂયોર્ક (અમેરિકા), 22 જાન્યુઆરી: રામ લલ્લાના અયોધ્યા આગમનની ધામધૂમ માત્ર દેશમાં જ નહીં વિદેશોમાં પણ જોવા મળી રહી છે. ખાસ વાત એ છે કે વિદેશમાં સ્થાયી થયેલા ભારતીયો પણ ભવ્ય રામ મંદિરમાં બિરાજમાન તેમના ભગવાન શ્રી રામની ઐતિહાસિક ક્ષણના સાક્ષી બની શકશે. અમેરિકાના ન્યુયોર્ક સિટીના પ્રખ્યાત ટાઈમ સ્ક્વેર ખાતે રામજન્મભૂમિ પ્રાણ-પ્રતિષ્ઠા કાર્યક્રમ પણ બતાવવામાં આવશે. મળતી માહિતી મુજબ, રામ મંદિર ઉદ્ઘાટન કાર્યક્રમ અમેરિકાના દરેક શહેરમાં તેનું લાઈવ ટેલિકાસ્ટ કરવામાં આવશે.

राम भगत हित नर तनु धारी।
सहि संकट किए साधु सुखारी।⁠।

Witness the joyous celebration as Prabhu Shri Ram is warmly welcomed at the Ram Mandir. Times Square lights up with the spirit of this grand occasion.#RamMandir #Ayodhya#JaiShriRam#ShriRamJanmbhoomi… pic.twitter.com/qy5pks1lNN

— MyGovIndia (@mygovindia) January 22, 2024

વિદેશી ધરતી પર જયશ્રી રામના નારા

રામ મંદિરના ઉદ્ઘાટન પહેલા અમેરિકાના પ્રખ્યાત ટાઈમ્સ સ્ક્વેર પર ઢોલ-નગારાના અવાજ સાથે ‘જય શ્રી રામ’ના નારા લગાવવામાં આવ્યા હતા. અયોધ્યામાં રામ મંદિરના ઉદ્ઘાટનની ઉજવણી માટે ન્યૂયોર્ક ટાઈમ્સ સ્ક્વેર ખાતે ભારે ભીડ એકઠી થઈ છે. આ ઉત્સવમાં સેંકડો હિન્દુઓએ ભાગ લીધો હતો. મળતી માહિતી મુજબ, ન્યૂયોર્કના મેનહટનમાં વિવિધ સ્થળોએ મોટી સ્ક્રીન લગાવવામાં આવી છે. રામ મંદિરના ઉદ્ઘાટનનું લાઈવ ટેલિકાસ્ટ પણ અહીં બતાવવામાં આવશે. મહત્ત્વનું છે કે, અમેરિકામાં ભારતીયોની મોટી વસ્તી છે. માત્ર અમેરિકા જ નહીં, નેપાળ, કેનેડા સહિત વિશ્વના અન્ય દેશોમાં પણ રામ મંદિર કાર્યક્રમનું ટેલિકાસ્ટ કરવામાં આવશે જ્યાં ભારતીયોની મોટી વસ્તી છે.

🇮🇳Indian Diaspora illuminated Times Square with a spectacular celebration of the Pran-Prathistha at Ram Mandir, Ayodhya. #AyodyaRamTemple

Dressed in traditional Indian attire, they passionately chanted bhajans and songs, showcasing India’s cultural heritage, vibrancy and unity.… pic.twitter.com/py4QXGB1Sz

— India in New York (@IndiainNewYork) January 22, 2024

અમેરિકાના ટેક્સાસમાં ‘શ્રી સીતા રામ ફાઉન્ડેશન’ના કપિલ શર્માએ જણાવ્યું હતું કે 500 વર્ષની રાહ જોયા બાદ અયોધ્યા ધામમાં ભગવાન રામના મંદિરનું નિર્માણ વિશ્વભરના હિંદુઓ માટે આસ્થા અને ઉજવણીનો મહત્વનો દિવસ છે. શ્રી સીતા રામ ફાઉન્ડેશન દ્વારા હ્યુસ્ટનમાં મંદિરમાં શ્રી રામ જન્મભૂમિ પ્રાણ પ્રતિષ્ઠા સમારોહનું આયોજન કરવામાં આવ્યું છે. તેમણે કહ્યું કે, ઉત્સવની શરૂઆત સુંદરકાંડથી થશે, ત્યારબાદ નૃત્ય, ગાયન અને સંગીતના સાંસ્કૃતિક કાર્યક્રમો યોજાશે. આ પછી, ભગવાન રામનો હવન અને પટ્ટાભિષેક થશે, જે ભગવાન રામની શોભાયાત્રા અને પ્રસાદ વિતરણ સાથે સમાપ્ત થશે.

આ કાર્યક્રમમાં પાકિસ્તાની અમેરિકનો પણ ભાગ લેશે

શર્માએ કહ્યું કે, ‘અયોધ્યા ધામથી લાવવામાં આવેલા પ્રસાદનું વિતરણ કરવું એ પણ અમારા માટે સન્માનની વાત છે, જે અહીં ખાસ કરીને અમારા કાર્યક્રમ માટે લાવવામાં આવી રહી છે.” મેરીલેન્ડના ગવર્નર વેસ મૂરવોશિંગ્ટનના ઉપનગરમાં રામ મંદિર ઉત્સવ કાર્યક્રમમાં ભાગ લેવાના છે. કેટલાક પાકિસ્તાની અમેરિકનો પણ ગ્રેટર વોશિંગ્ટન વિસ્તારમાં ઉજવણીમાં હાજરી આપશે.

આ પણ વાંચો: ગુજરાત જય શ્રીરામના નારા સાથે ગુંજી ઉઠ્યું, ઠેર ઠેર શોભાયાત્રા