ચંદ્રયાન-3 ના લોન્ચ બાદ NASA અને યુરોપની સ્પેસ એજન્સીએ જાણો શું કહ્યું
HD ન્યુઝ ડેસ્કઃ શુક્રવારે (14 જુલાઈ) અમેરિકા અને યુરોપની અવકાશ એજન્સીઓએ ભારતીય અવકાશ સંશોધન સંસ્થા (ISRO) ને તેના ત્રીજા ચંદ્ર મિશન ‘ચંદ્રયાન-3’ના સફળ પ્રક્ષેપણ બદલ અભિનંદન પાઠવ્યા હતા. ISRO એ આંધ્ર પ્રદેશના શ્રીહરિકોટા ખાતેના સતીશ ધવન સ્પેસ સેન્ટરમાંથી LVM3-M4 રોકેટ દ્વારા ચંદ્રયાન-3 સફળતાપૂર્વક લોન્ચ કર્યું. LVM3-M4 તેની શ્રેણીમાં સૌથી મોટું અને ભારે રોકેટ છે અને તેને ‘ફેટ બોય’ કહેવામાં આવે છે.
નાસાએ પાઠવ્યા અભિનંદનઃ યુરોપિયન સ્પેસ એજન્સી (ESA) એ ટ્વીટ કર્યું, “આ અદભૂત પ્રક્ષેપણ પર ISRO ને અભિનંદન!” ESA એ એક નિવેદનમાં જણાવ્યું હતું કે તે ચંદ્રયાન-3ને તેના ડીપ સ્પેસ સ્ટેશનના યુરોપિયન સ્પેસ ટ્રેકિંગ (ESTRAC) નેટવર્ક દ્વારા સમર્થન પૂરું પાડી રહ્યું છે. આ પૃથ્વી પરના ગ્રાઉન્ડ સ્ટેશનો છે જે ઓપરેટરોને અવકાશની બહારના મિશન દરમિયાન અવકાશયાન સાથે જોડાયેલા રહેવામાં મદદ કરે છે. અમેરિકાની સ્પેસ એજન્સી નેશનલ એરોનોટિક્સ એન્ડ સ્પેસ એડમિનિસ્ટ્રેશન (NASA)ના એડમિનિસ્ટ્રેટર સેનેટર બિલ નેલ્સને પણ ચંદ્રયાન-3ના પ્રક્ષેપણ પર ISROને અભિનંદન પાઠવ્યા હતા. તેમણે ટ્વીટ કર્યું, “ચંદ્રયાન-3ના પ્રક્ષેપણ પર ISROને અભિનંદન. હું તેને ચંદ્રની સલામત યાત્રા ઈચ્છું છું. હું આ મિશનના વૈજ્ઞાનિક પરિણામોની રાહ જોઈ રહ્યો છું.”
👏 Congratulations to @isro for a great launch!
More info on how we're supporting the #Chandrayaan3 mission 👉 https://t.co/47e1EASjIy https://t.co/mo0143Lfj2
— ESA (@esa) July 14, 2023
Congratulations to @isro on the Chandrayaan-3 launch, wishing you safe travels to the Moon. We look forward to the scientific results to come from the mission, including NASA’s laser retroreflector array. India is demonstrating leadership on #ArtemisAccords! https://t.co/98nwfm12V0
— Bill Nelson (@SenBillNelson) July 14, 2023
‘સોફ્ટ લેન્ડિંગ’ કરવાનું આયોજનઃ ઇસરોના વડા એસ સોમનાથના જણાવ્યા અનુસાર, ઇચ્છિત ઉંચાઇ પર પહોંચ્યા પછી, ચંદ્રયાન-3નું 23 ઓગસ્ટના રોજ ‘સોફ્ટ લેન્ડિંગ’ કરવાનું આયોજન કરવામાં આવ્યું છે. યુએસ સ્પેસ એજન્સી નાસાના ચંદ્ર મિશન સાથે સંબંધિત ડેટા અનુસાર, છેલ્લા સાત દાયકામાં 111 ચંદ્ર મિશનમાંથી 62 સફળ, 41 નિષ્ફળ અને આઠમાં આંશિક સફળતા મળી. ચંદ્ર પર પહેલું મિશન ‘પાયોનિયર 0’ અમેરિકા દ્વારા 17 ઓગસ્ટ, 1958ના રોજ મોકલવામાં આવ્યું હતું, જે અસફળ રહ્યું હતું. તે વર્ષે રશિયા અને યુએસ દ્વારા મોકલવામાં આવેલા છ વધુ ચંદ્ર મિશન નિષ્ફળ ગયા.
મિશનનો સફળતા દર માત્ર 50 ટકાઃ ઇન્ડિયન ડિફેન્સ રિસર્ચ ઓર્ગેનાઇઝેશન (ISRO) ના ભૂતપૂર્વ અધ્યક્ષ જી માધવન નાયરે જણાવ્યું હતું કે ચંદ્ર મિશનનો સફળતા દર માત્ર 50 ટકા છે અને તેનું કારણ પૃથ્વીના ગુરુત્વાકર્ષણ ક્ષેત્રને છોડીને રોકેટના સમયની અનિશ્ચિતતા છે. માહિતી અનુસાર, 1958 થી 2023 સુધી, ભારત સિવાય, યુએસ, રશિયા, જાપાન, યુરોપિયન યુનિયન, ચીન અને ઇઝરાયેલે વિવિધ ચંદ્ર મિશન શરૂ કર્યા છે.
આ પણ વાંચોઃ ચંદ્રયાન-3: ભારતનું ચાંદ પર જવાનું સપનું સાકાર થશે? શું કહે છે કુંડળી?
