ચંદ્રયાન-3 ચંદ્રની ખૂબ નજીક પહોંચ્યું, જુઓ નજીકથી ચંદ્રનો અદ્દભુત નજારો

• ચંદ્રયાન 3 ચંદ્રની ખૂબ નજીક પહોંચી ગયું છે
• ચંદ્રનો ખૂબ જ નજીકનો ફોટો
• ચિત્રમાં ચંદ્ર પર ડાર્ક સ્પોટ્સ દેખાય છે

ચંદ્રયાન 3 ચંદ્રની ખૂબ નજીક પહોંચી ગયું છે. તેમની બાજુથી ચંદ્રનો ખૂબ જ નજીકનો ફોટો મોકલવામાં આવ્યો છે. તે ચિત્રમાં ચંદ્ર પર ડાર્ક સ્પોટ્સ દેખાય છે. જેમાં એકદમ અંધારું છે. આ પહેલા પણ ચંદ્રયાન દ્વારા ચંદ્રની ઘણી તસવીરો મોકલવામાં આવી હતી, તે તસવીરોમાં ચંદ્ર ખૂબ જ સુંદર દેખાઈ રહ્યો હતો. પરંતુ હવે જે તસવીર મોકલવામાં આવી છે તે ખૂબ જ કાળી છે. પરંતુ એ સ્પષ્ટપણે જાણવા મળી રહ્યું છે કે ભારતનું ચંદ્ર મિશન ચંદ્ર સુધી ઘણું દૂર પહોંચી ગયું છે.

Chandrayaan-3 Mission:

🌖 as captured by the
Lander Position Detection Camera (LPDC)
on August 15, 2023#Chandrayaan_3#Ch3 pic.twitter.com/nGgayU1QUS

— ISRO (@isro) August 18, 2023

ચંદ્રની આ નવી તસવીર ISRO દ્વારા ટ્વિટર પર શેર કરવામાં આવી છે. જાણકારી માટે તમને જણાવી દઈએ કે ચંદ્રયાન 3 માટે આજનો દિવસ ખૂબ જ મહત્વપૂર્ણ છે. વિક્રમ લેન્ડરનું ડીબૂસ્ટિંગ થવા જઈ રહ્યું છે એટલે કે તેણે તેની સ્પીડ ઓછી કરવી પડશે. ભારતનું ચંદ્રયાન 3 ઓછી ઝડપ બાદ જ ચંદ્રની નીચેની કક્ષામાં પહોંચશે.

ચંદ્રયાન-3 હવે તેના અંતિમ પડાવ તરફ
મહત્વનું છે કે,ભારત અંતરિક્ષ ક્ષેત્રે આગળ વધી રહ્યું છે. ભારતે મોકલેલું ચંદ્રયાન-3 હવે તેના અંતિમ પડાવ તરફ આગળ વધી રહ્યું છે. ચંદ્રયાન-3, 23 ઓગસ્ટના રોજ ચંદ્ર પર ઉતરશે. પરંતુ તે પહેલા ચંદ્રયાન-3ને ઘણા મહત્વપૂર્ણ માઈલસ્ટોન પાર કરવા પડશે. ગુરુવારે ચંદ્રયાન-3ના વિક્રમ લેન્ડરે પ્રોપલ્શન મોડ્યુલથી અલગ થયા બાદ આજે સાંજે લેન્ડરને ડીબૂસ્ટિંગ દ્વારા નીચલી ભ્રમણકક્ષામાં લાવવામાં આવશે.

Chandrayaan-3 Mission:

View from the Lander Imager (LI) Camera-1
on August 17, 2023
just after the separation of the Lander Module from the Propulsion Module #Chandrayaan_3 #Ch3 pic.twitter.com/abPIyEn1Ad

— ISRO (@isro) August 18, 2023

ડીબૂસ્ટિંગ એટલે અવકાશયાનની ગતિ ધીમી કરવી
ડીબૂસ્ટિંગ એટલે અવકાશયાનની ગતિ ધીમી કરવી. આ પ્રક્રિયા 20 ઓગસ્ટે પણ થશે. આ પછી, ચંદ્રથી લેન્ડરનું લઘુત્તમ અંતર 30 કિમી રહેશે. સોફ્ટ લેન્ડિંગ 23 ઓગસ્ટે સાંજે 5:47 વાગ્યે સૌથી ઓછા અંતરથી થશે.અગાઉ ISROએ 17 ઓગસ્ટે ચંદ્રયાન-3ના પ્રોપલ્શન મોડ્યૂલને બપોરે 1:15 વાગ્યે લેન્ડર અને રોવરથી અલગ કરી દીધું હતું. અલગ થયા પછી લેન્ડર મોડ્યૂલે પ્રોપલ્શન મોડ્યૂલને કહ્યું – ‘થેક્સ ફોર ધ રાઈડ મેટ’.હવે પૃથ્વી પરથી આવતા રેડિયેશનનો અભ્યાસ કરવા માટે પ્રોપલ્શન મોડ્યૂલ ચંદ્રની ભ્રમણકક્ષામાં 3-6 મહિના સુધી રહેશે, જ્યારે લેન્ડર-રોવર 23 ઓગસ્ટે સાંજે 5:47 વાગ્યે ચંદ્રની સપાટી પર ઊતરશે. અહીં એ 14 દિવસ સુધી પાણીની શોધ સહિત અન્ય પ્રયોગો કરશે.

આ પણ વાંચો : ચંદ્રયાન-3 હવે અંતિમ પડાવ માટે આગળ વધ્યું, ચંદ્રથી માત્ર 30KM દૂર, આજે ભ્રમણકક્ષામાં કરાશે મોટો ફેરફાર