ચંદીગઢમાં મેયરની ચૂંટણી માટે મતદાન, કોંગ્રેસ-આપ માટે ભાજપના કિલ્લાને તોડવાનો પડકાર
ચંદીગઢ, 30 જાન્યુઆરી 2024: ચંદીગઢમાં આજે મેયરની ચૂંટણી છે. BJPનો સામનો AAP અને કોંગ્રેસના ગઠબંધન સાથે થશે. સામાન્ય ચૂંટણી પહેલા એનડીએ અને ઈન્ડિયા બ્લોક વચ્ચે આ પહેલી ટક્કર હશે. આ ચૂંટણી કડક સુરક્ષા વચ્ચે થઈ રહી છે. ચંદીગઢ મ્યુનિસિપલ કોર્પોરેશનની સુરક્ષા માટે ત્રણ સ્તરીય બેરિકેડ લગાવવામાં આવ્યા છે.મ્યુનિસિપલ કોર્પોરેશન બિલ્ડિંગની આસપાસ ટ્રિપલ લેયર સુરક્ષા વ્યવસ્થા કરવામાં આવી છે. ચૂંટણી દરમિયાન 800 જવાનોને તૈનાત કરવામાં આવ્યા છે. ચંદીગઢ પોલીસના 600 જવાનો, ITPBના 100,100 જવાનો અને રેપિડ એક્શન ફોર્સને તૈનાત કરવામાં આવ્યો છે. મહાનગરપાલિકાની આસપાસનો 200 મીટરનો વિસ્તાર બંધ છે.
#WATCH | Chandigarh Mayor elections underway; visuals from inside Municipal Corporation office. pic.twitter.com/kpFhLDsR2p
— ANI (@ANI) January 30, 2024
અગાઉ આ ચૂંટણી 18 જાન્યુઆરીએ યોજાવાની હતી, પરંતુ ચંદીગઢ પ્રશાસને પ્રિસાઇડિંગ ઓફિસર અનિલ મસીહની બિમારીને કારણે તેને 6 ફેબ્રુઆરી સુધી સ્થગિત કરી દીધી હતી. જો કે, કોંગ્રેસ અને AAP કાઉન્સિલરોએ આ પગલાનો વિરોધ કર્યો હતો. 35 સભ્યોના મ્યુનિસિપલ કોર્પોરેશન હાઉસમાં AAP અને કોંગ્રેસ ગઠબંધન પાસે મળીને 20 મત છે, જે ભાજપના 15 મતો સામે સખત પડકાર છે. જેમાં 14 કાઉન્સિલરો અને સાંસદ કિરણ ખેરના વધારાના મતનો સમાવેશ થાય છે.
મેયર પદ માટે કોની વચ્ચે ટક્કર?
ચૂંટણી માટે જીત મેળવવાનો જાદુઈ નંબર 19 છે. પંજાબ અને હરિયાણા હાઈકોર્ટે તેના 24 જાન્યુઆરીના આદેશમાં ચંદીગઢ પ્રશાસનને આજે મેયરની ચૂંટણી યોજવાનો નિર્દેશ આપ્યો હતો. કોર્ટે મુક્ત અને નિષ્પક્ષ ચૂંટણીની જરૂરિયાત પર ભાર મૂક્યો હતો. AAP-કોંગ્રેસ ગઠબંધને વિવિધ પદો માટે વ્યૂહાત્મક રીતે ઉમેદવારોની નિમણૂક કરી છે.
Land for jobs case: આજે તેજસ્વીની પૂછપરછ, લાલુ યાદવની 10 કલાક કરાઈ પૂછપરછ
આમ આદમી પાર્ટીનું પ્રતિનિધિત્વ કરતા કુલદીપ કુમાર મેયર પદ માટે ચૂંટણી લડી રહ્યા છે, જ્યારે કોંગ્રેસ વરિષ્ઠ ડેપ્યુટી મેયર અને ડેપ્યુટી મેયર માટે ઉમેદવારો ઉભા કરી રહી છે. AAP-કોંગ્રેસ ગઠબંધન ભાજપના આઠ વર્ષના શાસનને તોડવા માંગે છે. સવારે 10 વાગ્યાથી મતદાન શરૂ થઈ ગયું છે. કોંગ્રેસે 2022 અને 2023ના મતદાનમાં ભાગ લીધો ન હતો. આ ચૂંટણીમાં ભાજપનો વિજય થયો હતો. મેયર પદ માટેની ચૂંટણી પ્રક્રિયા ગુપ્ત મતદાન દ્વારા હાથ ધરવામાં આવે છે.
આ ચૂંટણીમાં મેયરની સીટ અનુસૂચિત જાતિ કેટેગરી માટે અનામત છે, જેમાં ભાજપ તરફથી મનોજ સોનકર અને AAP તરફથી કુલદીપ કુમાર દાવેદાર છે. સિનિયર ડેપ્યુટી મેયર પદ માટે ભાજપના કુલજીત સંધુનો મુકાબલો કોંગ્રેસના ગુરપ્રીત સિંહ ગાબી સાથે થશે જ્યારે ડેપ્યુટી મેયર પદ માટે ભાજપના રાજીન્દર શર્મા અને કોંગ્રેસના નિર્મલા દેવી વચ્ચે મુકાબલો થશે.
