ચંદીગઢ યુનિવર્સિટીના કુલપતિ સતનામ સિંહ સંધુ રાજ્યસભા માટે નોમિનેટ થયા

નવી દિલ્હી, 30 જાન્યુઆરી: રાષ્ટ્રપતિએ ચંદીગઢ યુનિવર્સિટીના વાઇસ ચાન્સેલર સતનામ સિંહ સંધુને રાજ્યસભાના નામાંકિત સાંસદ તરીકે નિયુક્ત કર્યા છે. સંધુ ટૂંક સમયમાં આ પદ સંભાળશે. દેશના વડાપ્રધાન નરેન્દ્ર મોદી અને ભારતના ઉપરાષ્ટ્રપતિ જગદીપ ધનખડે સતનામ સિંહ સંધુને સભ્યપદ પ્રાપ્ત કરવા બદલ અભિનંદન પાઠવ્યા છે. ઉલ્લેખનીય છે કે ખેડૂત પુત્ર સતનામ સિંહ સંધુ ભારતના અગ્રણી શિક્ષણવિદોમાંથી એક છે.

પીએમ મોદીએ અભિનંદન પાઠવ્યા હતા

I am delighted that Rashtrapati Ji has nominated Shri Satnam Singh Sandhu Ji to the Rajya Sabha. Satnam Ji has distinguished himself as a noted educationist and social worker, who has been serving people at the grassroots in different ways. He has always worked extensively to… pic.twitter.com/rZuUmGJP0q

— Narendra Modi (@narendramodi) January 30, 2024

પીએમ મોદીને અભિનંદન આપતાં તેમણે કહ્યું કે મને ખુશી છે કે રાષ્ટ્રપતિએ સતનામ સિંહ સંધુજીને રાજ્યસભા માટે નામાંકિત કર્યા છે. સતનામ એક પ્રખ્યાત શિક્ષણવિદ અને સામાજિક કાર્યકર છે, તેમણે વિવિધ રીતે પાયાના સ્તરે લોકોની સેવા કરી છે. તેમણે હંમેશા રાષ્ટ્રીય એકીકરણને આગળ વધારવા માટે અને ભારતીય ડાયસ્પોરા સાથે પણ મોટાપાયે કામ કર્યું છે. હું તેમની સંસદીય સફર માટે તેમને શુભેચ્છા પાઠવું છું અને મને વિશ્વાસ છે કે રાજ્યસભાની કાર્યવાહી તેમના વિચારોથી સમૃદ્ધ થશે.

કોણ છે સતનામ સિંહ સંધુ?

સતનામ સિંહ સંધુએ બાળપણ મુશ્કેલીઓથી ભરેલું હતું. તેમના સંઘર્ષભર્યા બાળપણના લીધે તેઓ જીવનમાં જેમ-જેમ આગળ વધતા ગયા, તેમ-તેમ પરોપકારી બનતા ગયા. તેમણે 2001માં મોહાલીના લાંડરાંમાં ચંદીગઢ ગ્રુપ ઑફ કૉલેજનો પાયો નાખ્યો હતો. આ પછી તેમણે 2012માં ચંદીગઢ યુનિવર્સિટીની રચના કરી. પ્રારંભિક જીવનમાં મુશ્કેલીઓનો સામનો કર્યા બાદ ચંદીગઢ યુનિવર્સિટીના ચાન્સેલર સતનામ સિંહે લાખો વિદ્યાર્થીઓને ગુણવત્તાપૂર્ણ શિક્ષણ મળી રહે તે માટે નાણાકીય મદદ પૂરી પાડી હતી.

તેઓ તેમના બે એનજીઓ ‘ઈન્ડિયન માઈનોરિટીઝ ફાઉન્ડેશન’ અને ન્યૂ ઈન્ડિયા ડેવલપમેન્ટ (એનઆઈડી) ફાઉન્ડેશન દ્વારા સ્વાસ્થ્ય અને સુખાકારીમાં સુધારો કરવા અને સાંપ્રદાયિક સંવાદિતાને આગળ વધારવા માટે મોટા પાયે સમુદાયના પ્રયાસોમાં સક્રિયપણે સામેલ છે. તેમણે સ્થાનિક સ્તરે રાષ્ટ્રીય એકીકરણ માટેના તેમના પ્રયત્નોથી એક છાપ ઉભી કરી છે અને વિદેશમાં ભારતીય પ્રવાસીઓ સાથે વ્યાપકપણે કામ કર્યું છે.

આ પણ વાંચો: 75મા પ્રજાસત્તાક પર્વની પરેડમાં ‘‘ધોરડો વર્લ્ડ બેસ્ટ ટુરીઝમ વિલેજ’’ ટેબ્લોને બે એવોર્ડ મળ્યા