ચાર વિકેટે ફાઈનલ જીતીને ચેમ્પિયન્સ ટ્રોફી પર ભારતનો કબજો

દુબઈ, 9 માર્ચ : ICC ચેમ્પિયન્સ ટ્રોફીની ફાઈનલ રવિવારે દુબઈમાં ભારત અને ન્યુઝીલેન્ડ વચ્ચે રમાઈ રહી છે. જેમાં 12 વર્ષનો વનવાસ પૂર્ણ કરી ભારતે 4 વિકેટે ભવ્ય જીત મેળવી છે. 252 રનના ટાર્ગેટનો પીછો કરી રહેલા ભારતે 6 વિકેટ ગુમાવી ચેઝ કર્યો હતો. રવિન્દ્ર જાડેજાએ અંતિમ ચોકો ફટકારી ભારતને જીત અપાવી હતી.

આ પૂર્વે ચેમ્પિયન્સ ટ્રોફીની ફાઇનલમાં ટોસ જીતીને પ્રથમ બેટિંગ કરતા ન્યૂઝીલેન્ડે 50 ઓવરમાં સાત વિકેટ ગુમાવીને 251 રન બનાવ્યા હતા. 252 રનના લક્ષ્યનો પીછો કરવા ઉતરેલી ભારતીય ટીમને રોહિત શર્મા અને શુભમન ગિલે સારી શરૂઆત અપાવી હતી. બંને વચ્ચે પ્રથમ વિકેટ માટે 105 રનની ભાગીદારી થઈ હતી.

ત્યારબાદ શુભમન ગિલ 50 બોલમાં 31 રન બનાવીને આઉટ થયો હતો. થોડા બોલ બાદ વિરાટ કોહલી બે બોલમાં માત્ર એક રન બનાવીને LBWમાં ફસાઈ ગયો હતો. રોહિત 83 બોલમાં 76 રન બનાવીને પેવેલિયન પરત ફર્યો હતો. શ્રેયસ અય્યરે 62 બોલમાં 48 રનની ઇનિંગ રમી હતી. તેણે અક્ષર સાથે 61 રનની ભાગીદારી કરી પરંતુ 39મી ઓવરમાં સેન્ટનરનો શિકાર બન્યો.

ન્યૂઝીલેન્ડ તરફથી ડેરિલ મિશેલે સૌથી વધુ 61 રનની ઇનિંગ રમી હતી. તેમના સિવાય રચિને 37 રન અને બ્રેસવેલે 41 રન બનાવ્યા હતા. ભારતીય ટીમ તરફથી વરુણ ચક્રવર્તી અને કુલદીપ યાદવે 2-2 વિકેટ લીધી હતી. ભારતને ત્રીજી વખત ચેમ્પિયન બનવા માટે 252 રનની જરૂર છે.

પ્રથમ બેટિંગ કરવા ઉતરેલી ન્યુઝીલેન્ડની ટીમને ઓપનર વિલ યંગ અને રચિન રવિન્દ્રએ સારી શરૂઆત કરી હતી. બંને વચ્ચે 57 રનની ભાગીદારી થઈ હતી. વરુણ ચક્રવર્તીએ ભારતને પ્રથમ સફળતા અપાવી. તેણે યંગ (15)ને પેવેલિયનનો રસ્તો બતાવ્યો હતો. રચિન રવિન્દ્ર 29 બોલમાં 37 રન બનાવીને આઉટ થયો હતો. કુલદીપે તેને ક્લીન બોલ્ડ કર્યો હતો.

કેન વિલિયમસન 14 બોલમાં માત્ર 11 રન જ બનાવી શક્યો હતો. ટોમ લાથમે 30 બોલમાં 14 રનનું યોગદાન આપ્યું હતું. ગ્લેન ફિલિપ્સે 34 રનની ઇનિંગ રમી હતી. મોહમ્મદ શમીએ 46મી ઓવરમાં ડેરીલ મિશેલને આઉટ કરીને ભારતને મોટી સફળતા અપાવી હતી. ડેરીલ મિશેલે 101 બોલમાં ત્રણ ચોગ્ગા ફટકારીને 63 રનની લડાયક ઇનિંગ રમી હતી.

કેપ્ટન મિશેલ સેન્ટનર (8) 49મી ઇનિંગ્સમાં સાતમી વિકેટ તરીકે રનઆઉટ થયો હતો. માઈકલ બ્રેસવેલે 40 બોલમાં ત્રણ ચોગ્ગા અને બે છગ્ગા ફટકારીને (53 અણનમ) રનની ઇનિંગ રમી હતી. ન્યૂઝીલેન્ડે નિર્ધારિત 50 ઓવરમાં સાત વિકેટે 251 રન બનાવ્યા હતા, ભારત તરફથી વરુણ ચક્રવર્તી અને કુલદીપ યાદવે બે-બે વિકેટ લીધી હતી. રવિન્દ્ર જાડેજા અને મોહમ્મદ શમીએ એક-એક બેટ્સમેનને આઉટ કર્યા હતા.

આ પણ વાંચો :- ઓસ્ટ્રેલિયામાં આલ્ફ્રેડ વાવાઝોડાએ મચાવી તબાહી, 3 લાખ ઘરોમાં અંધારપટ છવાયો