સેન્ટ્રલ રેલવેની તિજોરી છલકાઈ, એક પણ ટિકિટ વેચ્યા વગર રૂ. 54 કરોડની કમાણી કરી

મુંબઈ, 26 નવેમ્બર: સેન્ટ્રલ રેલવેએ એપ્રિલ 2023 થી ઑક્ટોબર 2023 સુધી માત્ર જાહેરાતોથી 54 કરોડ રૂપિયાની કમાણી કરી છે. અગાઉ ભારતીય રેલવેએ તમામ ઝોનલ રેલવેને ટિકિટ સિવાયની આવક વધારવા માટે સૂચના આપી હતી. જેના પ્રયાસના ભાગરૂપે પરંપરાગત સ્ત્રોતો સિવાય અન્ય સ્ત્રોતોમાંથી આવક મેળવવામાં આવી છે. ફાઇનાન્શિયલ એક્સપ્રેસના એક અહેવાલ મુજબ, ભારતીય રેલવેની આ પહેલની અસર મધ્ય રેલવેની જાહેરાતની આવક પર દેખાઈ રહી છે.

🔸CR generates impressive revenue of Rs. 54.51 Crore through advertisements in Apr-Oct’23.
🔸Through vinyl wrapping on train coaches, hoarding advertisements at stations and TV screen advertisements, CR created opportunities for businesses to reach a vast audience while enhancing… pic.twitter.com/M14JqJSoUR

— Central Railway (@Central_Railway) November 26, 2023

એપ્રિલ અને ઑક્ટોબર 2023ની વચ્ચે મધ્ય રેલવેએ માત્ર જાહેરાતોથી 54.51 કરોડ રૂપિયાની આવક મેળવી છે. આમાંથી રૂ. 8.19 કરોડ ટ્રેનના કોચ પર વિનાઇલ રેપિંગથી, રૂ. 28.61 કરોડ સ્ટેશનો પર હોર્ડિંગ જાહેરાતોથી અને રૂ. 17.72 કરોડ રેલવે સ્ટેશનો પર ટીવી સ્ક્રીનની જાહેરાતોમાંથી કમાયા છે.

સેન્ટ્રલ રેલવેની કુલ આવક

સેન્ટ્રલ રેલવેમાં મુંબઈ, ભુસાવલ, નાગપુર, સોલાપુર અને પૂણે જેવા ડિવિઝન છે. ચાલુ નાણાકીય વર્ષના એપ્રિલથી ઑક્ટોબર 2023 સુધીમાં મધ્ય રેલવેએ 90.76 કરોડ મુસાફરો પાસેથી 4,129.30 કરોડ રૂપિયાની કમાણી કરી છે. તેમાંથી, ઉપનગરીય અનરિઝર્વ્ડ ટિકિટિંગમાંથી રૂ. 525.34 કરોડ, બિન-ઉપનગરીય અનરિઝર્વ્ડ ટિકિટિંગમાંથી રૂ. 700.31 કરોડ, UTSમાંથી રૂ. 1225.65 કરોડ અને પેસેન્જર આરક્ષણ સિસ્ટમમાંથી રૂ. 2903.96 કરોડની કમાણી થઈ છે.

ઑક્ટોબરમાં ઝોનલ રેલવેએ પેસેન્જર રિઝર્વેશન સિસ્ટમથી 436.18 કરોડ રૂપિયાની કમાણી કરી હતી. આ જ સમયગાળા દરમિયાન મુંબઈ ઉપનગરીય ટિકિટના વેચાણમાંથી રૂ. 78.13 કરોડ, બિન-ઉપનગરીય ટિકિટિંગમાંથી રૂ. 115.49 કરોડ અને UTSમાંથી રૂ. 193.62 કરોડની કમાણી કરી હતી. ઝોનલ રેલવેએ મુસાફરોને અસુવિધા ટાળવા અને સરળતાથી મુસાફરી કરવા માટે યોગ્ય અને માન્ય રેલવે ટિકિટ સાથે મુસાફરી કરવાની અપીલ કરી છે.

આ પણ વાંચો: ગુજરાતમાં છેલ્લા 6 કલાકમાં 156 તાલુકાઓમાં વરસાદ નોંધાયો, વીજળી પડવાથી ત્રણના મોત