તેજસ્વી યાદવની મુશ્કેલીઓ વધી, IRCTC કૌભાંડ મુદ્દે ડેપ્યુટી CMને નોટિસ
બિહારના નાયબ મુખ્યમંત્રી અને RJD સુપ્રીમો લાલુ પ્રસાદ યાદવના નાના પુત્ર તેજસ્વી યાદવની મુશ્કેલીઓ વધી શકે છે. દિલ્હીની વિશેષ અદાલતે CBIની અરજી પર તેજસ્વી યાદવને નોટિસ જારી કરી છે. જો CBIની અરજી મંજૂર થાય છે તો IRCTC કૌભાંડના મામલે તેજસ્વી યાદવને જેલ પણ જવું પડી શકે છે.
विशेष न्यायाधीश गीतांजलि गोयल ने CBI की याचिका पर तेजस्वी यादव को नोटिस जारी कर मामले में जवाब मांगा है। https://t.co/7MqK9Y7hkC
— ANI_HindiNews (@AHindinews) September 17, 2022
IRCTC કૌભાંડ કેસમાં CBIએ બિહારના નાયબ મુખ્યમંત્રી તેજસ્વી યાદવ વિરુદ્ધ દિલ્હી કોર્ટમાં અરજી કરી છે. CBIએ આ કેસમાં તેમને આપવામાં આવેલા જામીન રદ કરવાની માંગ કરી છે. દિલ્હીની CBI કોર્ટના વિશેષ ન્યાયાધીશ ગીતાંજલિ ગોયલે CBIની અરજી પર તેજસ્વી યાદવને નોટિસ જારી કરી છે અને આ મામલે જવાબ માંગ્યો છે.
તેજસ્વી 2018થી જામીન પર બહાર
તમને જણાવી દઈએ કે આ સમગ્ર મામલામાં CBIએ દિલ્હીની વિશેષ અદાલતમાં અપીલ કરી છે. તેજસ્વી યાદવ 2018થી જામીન પર બહાર છે. જો CBIની અરજી પર કોર્ટ આ કેસમાં તેજસ્વી યાદવના જામીન ફગાવી દે છે તો બિહારમાં તેમની નાયબ મુખ્યમંત્રીની ખુરશી મુશ્કેલીમાં આવી શકે છે. જોકે, માત્ર નોટિસ પાઠવીને જવાબ માંગવામાં આવ્યો છે.
તમને જણાવી દઈએ કે IRCTC કૌભાંડ કેસમાં CBI સતત તપાસ કરી રહી છે. તાજેતરમાં જ લાલુ પ્રસાદ યાદવના નજીકના સાથી ભોલા યાદવની પણ CBI દ્વારા ધરપકડ કરવામાં આવી હતી. તેની સાથે ગોપાલગંજના રહેવાસી હૃદયાનંદ ચૌધરીની પણ પટનાના રાજેન્દ્ર નગર ટર્મિનલ પરથી ધરપકડ કરવામાં આવી હતી, જેણે જમીન આપીને રેલવેમાં નોકરી લીધી હતી. આ સમગ્ર કૌભાંડમાં લાલુ પરિવારના ઘણા સભ્યો આરોપી છે.
