સાવધાન ! નવું 5G સિમ ખરીદી રહ્યા છો, તો આ વાતનું રાખો ખાસ ધ્યાન

દેશમાં આજે ઘણી જગ્યાએ 5G નેટવર્ક શરુ થઈ ચૂક્યુ છે, ત્યારે આ માટે ઘણાં લોકો નવું 5G સિમ ખરીદી રહ્યા છે. પરંતુ જો તમે નવું 5G સિમ ખરીદી રહ્યા છો, તો સાવચેત રહો, કારણ કે તમારે નવું 5G સિમ ખરીદવાની જરૂર નથી. વાસ્તવમાં, માર્કેટમાં એક પ્રકારની નવી છેતરપિંડી કરવામાં આવી રહી છે, જેમાં નવું 5G સિમ ખરીદવામાં તમારી સાથે છેતરપિંડી કરવામાં આવી રહી છે. સ્કેમર્સ તમને મફતમાં નવું 5G સિમ કાર્ડ આપવાના બહાને તમારી અંગત વિગતોની ચોરી કરે છે અને પછી તમારી સાથે બેંકિંગ છેતરપિંડી કરી શકે છે.

આ પણ વાંચો : Instagram લાવ્યું છે આ શાનદાર ફીચર્સ, હવે યુઝર્સને મળશે આ સુવિધાઓ !

5G નેટવર્ક માટે નવા 5G સિમની જરુર નથી 

5G નેટવર્કનો ઉપયોગ કરવા માટે તમારે નવા 5Gની જરૂર નથી. તમે તમારા જૂના 4G સિમ પર 5G નેટવર્કનો ઉપયોગ કરી શકો છો. આ માટે તમારો મોબાઈલ ફોન 5G હોવો જોઈએ. આવી સ્થિતિમાં, જો કોઈ નવું 5G સિમ લેવાના નામે તમારી પર્સનલ માહિતી માંગે છે, તો શક્ય છે કે તે છેતરપિંડી કરી શકે. અમને જણાવી દઈએ કે ભારતમાં Jio અને Airtel દ્વારા 5G નેટવર્ક ઓફર કરવામાં આવી રહ્યું છે. જો કે આ બંને કંપનીઓ તરફથી સ્પષ્ટ કરવામાં આવ્યું છે કે 5G નેટવર્કનો ઉપયોગ કરવા માટે તમારે કોઈ નવા સિમ કાર્ડની જરૂર નથી.

કેવી રીતે કરવામાં આવે છે છેતરપિંડી? 

સ્કેમર્સ દ્વારા ગ્રાહકોને એરટેલ અને જિયોના કસ્ટમર કેર વિશે જણાવવામાં આવે છે અને પૂછવામાં આવે છે કે શું તમારી પાસે 5G સિમ છે? અને 5G સિમ ન હોવાને બદલે નવું 5G સિમ ઓફર કરવામાં આવે છે. આ માટે, તમારી પાસે કેટલીક વ્યક્તિગત વિગતો જેમ કે આધાર, મતદાર આઈડી કાર્ડ, મોબાઈલ નંબરની વિગતો માંગવામાં આવે છે. આ પછી, નવા સિમ પર એક મહિના માટે મફત અનલિમીટેડ 5G ડેટા અને કૉલિંગ ઓફર કરવામાં આવે છે. પરંતુ આ ઓફરનો આનંદ માણવા માટે મોબાઈલ નંબર વેરીફાઈ કરવામાં આવે છે અને ત્યારબાદ OTPની વિગતો માંગવામાં આવે છે, જે ઓનલાઈન છેતરપિંડીનું કારણ બની શકો છે.