સાવધાન: 90 વોટ્સએપ એકાઉન્ટ થઈ ગયા છે હેક, મેટાએ કર્યું કન્ફર્મ
નવી દિલ્હી, ૩ ફેબ્રુઆરી: ૨૦૨૫: WhatsApp પર હેકર્સ દ્વારા હુમલો કરવામાં આવ્યો છે. મેટાએ આરોપ લગાવ્યો છે કે આ સાયબર હુમલામાં પેરાગોનના સર્વેલન્સ સોફ્ટવેર, જેને ગ્રેફાઇટ કહેવાય છે, તેનો ઉપયોગ કરવામાં આવ્યો હતો. પેરાગોન સોલ્યુશન દ્વારા ગ્રેફાઇટ ખરેખર શૂન્ય ક્લિક ટેક્નોલોજી પર કામ કરે છે. આનો અર્થ એ છે કે એક ક્લિક વિના તે ઉપકરણને ઍક્સેસ કરી શકે છે અને ડેટાનો ભંગ કરવાની ક્ષમતા ધરાવે છે. મોબાઇલ માલિકને આ ડેટા ચોરીની જાણ નહીં થાય. મીડિયા રિપોર્ટ્સમાંથી આ જાણકારી મળી છે.
Gmailને પણ યૂઝર્સને વોર્નિંગ મળી છે અને સાવચેત રહેવાનું કહેવામાં આવ્યું છે. તેના 2500 કરોડ વપરાશકર્તાઓ છે અને દરેકને સાવધાન રહેવા જણાવ્યું છે. તાજેતરમાં, ઘણા પ્લેટફોર્મ પર સાયબર એટેક થઈ રહ્યા છે, પરંતુ Gmailનો યુઝર બેઝ ખૂબ મોટો છે. તેમાં ઘણી સંવેદનશીલ વિગતો હોય છે, જો તે ચોરાઈ જાય, તો હેકર્સ તમારું બેંક ખાતું પણ ખાલી કરી શકે છે. મેટાએ પુષ્ટિ કરી છે કે હુમલાખોરોએ પસંદગીના લોકોને નિશાન બનાવ્યા હતા. પત્રકારો અને નાગરિક સમાજના ઘણા સભ્યો આમાં સામેલ હતા. કંપનીનું માનવું છે કે આ લોકો 20 અલગ-અલગ દેશોમાં હાજર છે.
સુરક્ષિત રહેવા કરો આ કામ
આવા સાયબર ગુનાઓથી બચવા માટે વ્હોટ્સએપ પરના કોઈપણ અજાણ્યા નંબરની કોઈપણ લિંક, મેસેજ અથવા પીડીએફ પર ક્લિક કરશો નહીં. જો કોઈ વ્યક્તિ વ્હોટ્સએપ પર અજાણ્યા નંબર પરથી કોઈ લિંક, મેસેજ અથવા પીડીએફ મોકલે છે અને તમને ઑફર અથવા ઇનામની લાલચ આપે છે, તો સાવચેત રહો.
આ પણ વાંચો..શેરબજારમાં શા માટે આવ્યો ઘટાડો, જાણો સરળ ભાષામાં
