ઓસ્કાર 2025માં કાર્લા સોફિયા ગેસ્કોને રચ્યો ઇતિહાસ; પહેલી વાર ટ્રાન્સજેન્ડર અભિનેત્રીને મળ્યું નોમિનેશન

મુંબઈ, 25 જાન્યુઆરી: 2025: 97મા ઓસ્કાર નોમિનેશનની જાહેરાત 23 જાન્યુઆરીએ કરવામાં આવી હતી. આમાં, કાર્લા સોફિયા ગેસ્કોને ઇતિહાસ રચી દીધો છે. તે ઓસ્કાર નોમિનેશન મેળવનાર પ્રથમ ટ્રાન્સજેન્ડર અભિનેત્રી બની છે. સ્પેનિશ અભિનેત્રી કાર્લા સોફિયાને ઓસ્કારમાં શ્રેષ્ઠ અભિનેત્રીની શ્રેણીમાં નોમિનેશન મળ્યું છે. કાર્લા સોફિયાને ફિલ્મ ‘એમિલિયા પેરેઝ’માં મુખ્ય ભૂમિકા માટે આ નોમિનેશન મળ્યું છે. આ ફિલ્મ ૧૩ નોમિનેશન સાથે ઓસ્કારમાં પણ આગળ છે.

વિશ્વના સૌથી પ્રતિષ્ઠિત એવોર્ડ સમારોહમાંના એક, એકેડેમી એવોર્ડ્સ માટે નામાંકિત થવું એ કોઈપણ ફિલ્મ નિર્માતા, દિગ્દર્શક કે અભિનેતા માટે મોટી વાત છે. આ વર્ષે ઘણા સ્ટાર્સના સપના પૂરા થવાના છે. બહુપ્રતિક્ષિત એવોર્ડ સમારોહ ઓસ્કાર (ઓસ્કાર 2025) શરૂ થઈ ગયો છે. 23 જાન્યુઆરીના રોજ, 97મા એકેડેમી એવોર્ડ્સ માટે નામાંકન યાદી બહાર પાડવામાં આવી હતી. આ વખતે પ્રિયંકા ચોપરાની ફિલ્મ અનુજાને પણ ઓસ્કારમાં સ્થાન મળ્યું છે. જોકે, સૌથી વધુ નોમિનેશન મેળવનાર ફિલ્મ કાર્લા સોફિયા ગેસ્કોનની થ્રિલર ફિલ્મ એમિલિયા પેરેઝ છે.

ઓસ્કાર નોમિનેશન મેળવનાર પ્રથમ ટ્રાન્સજેન્ડર અભિનેત્રી

એમિલિયન પેરેઝને ઓસ્કાર 2025માં કુલ 13 નોમિનેશન મળ્યા છે. શ્રેષ્ઠ અભિનેત્રી શ્રેણીમાં નામાંકિત થયેલી મુખ્ય અભિનેત્રી કાર્લા સોફિયા ગેસ્કોને આ ફિલ્મ સાથે ઇતિહાસ રચ્યો છે. તે ઓસ્કાર માટે નોમિનેટ થનારી પહેલી ટ્રાન્સજેન્ડર અભિનેત્રી છે. આ પહેલા કાન્સ ફિલ્મ ફેસ્ટિવલમાં એમિલિયા પેરેઝ માટે શ્રેષ્ઠ અભિનેત્રીનો એવોર્ડ જીત્યો હતો. તેણીને ગોલ્ડન ગ્લોબ એવોર્ડ્સ 2024 માટે પણ નામાંકિત કરવામાં આવી હતી.

આ પણ વાંચો….ભગવા વસ્ત્ર અને રુદ્રાક્ષ પહેરીને મહાકુંભ પહોંચી મમતા કુલકર્ણી, લીધો સંન્યાસ