અદાણી વન APP પર હવે બસ યાત્રાનો મળશે વિકલ્પ, ક્લિયર ટ્રીપ સાથે કર્યો કરાર

• બસ બુક કરાવનારા ગ્રાહકોને રિવોર્ડ પોઈન્ટ મળશે

નવી દિલ્હી, 7 જૂન, ક્લિયરટ્રિપ સાથે અદાણી વન APPના જોડાણ સાથે, વપરાશકર્તાઓને ફ્લાઇટ્સ અને હોટલ માટે ઘણા વધારાના વિકલ્પો પણ મળશે, જે ટ્રાવેલ સુવિધામાં વધુ સુધારો કરશે. અદાણી ગ્રૂપના ટ્રાવેલ, લાઈફસ્ટાઈલ અને શોપિંગ પ્લેટફોર્મ એપ્લિકેશન (APP) અદાણી વને શુક્રવારે જણાવ્યું હતું કે તેણે ફ્લિપકાર્ટની માલિકીની ઓનલાઈન ટ્રાવેલ એગ્રીગેટર ક્લિયર ટ્રિપ સાથે જોડાણ કર્યું છે. જેથી તેના યુઝર્સને બસ ટ્રાવેલનો વિકલ્પ મળે.

કંપનીએ જણાવ્યું હતું કે ક્લિયરટ્રિપ અદાણી વન યુઝર્સને ત્રણ લાખથી વધુ રૂટ અને ખાનગી અને રાજ્ય પરિવહન નિગમના 10 લાખથી વધુ બસ કનેક્શન સુધી પહોંચ આપશે. ક્લિયરટ્રિપ સાથે અદાણી વનના જોડાણ સાથે, વપરાશકર્તાઓને ફ્લાઇટ્સ અને હોટલ માટે ઘણા વધારાના વિકલ્પો પણ મળશે, જે ટ્રાવેલ ઇકોસિસ્ટમમાં વધુ સુધારો કરશે.

અદાણી ડિજિટલ લેબ્સના ચીફ ડિજિટલ ઓફિસરે શું કહ્યું?

અદાણી ડિજિટલ લેબ્સના ચીફ ડિજિટલ ઓફિસર નીતિન સેઠીએ એક નિવેદનમાં જણાવ્યું હતું કે, “આ નવી ભાગીદારી કનેક્ટિવિટી વધારવા અને વિવિધ સેગમેન્ટમાં લોકોની મુસાફરીની જરૂરિયાતોને પહોંચી વળવા માટેના પ્લેટફોર્મ પરના અમારા વિશ્વાસને દર્શાવે છે. આ સાથે, અમે કનેક્ટિવિટીને વધુ બહેતર બનાવી શકીશું અને વિવિધ વર્ગના લોકોની મુસાફરીની જરૂરિયાતો પૂરી કરી શકીશું. “ટ્રાવેલ ઇકોસિસ્ટમ પર સકારાત્મક અસર કરવા માટે અમે Cleartrip સાથે નવા ઉત્પાદનો વિકસાવવા અને નવીનતા લાવવા માટે ઉત્સાહિત છીએ.” અદાણી વન ICICI બેંક ક્રેડિટ કાર્ડ દ્વારા બસ બુક કરાવનારા ગ્રાહકોને રિવોર્ડ પોઈન્ટ પણ મળશે.

કંપનીએ કહ્યું કે અદાણી વન ICICI બેંક સિગ્નેચર ક્રેડિટ કાર્ડ અને અદાણી વન ICICI બેંક પ્લેટિનમ ક્રેડિટ કાર્ડ પર વ્યાપક અને મહત્વપૂર્ણ પુરસ્કાર કાર્યક્રમો છે. ક્લિયરટ્રિપના મુખ્ય કાર્યકારી અધિકારી અયપ્પન આર. જણાવ્યું હતું કે, “આ ભાગીદારી દ્વારા, અમે ખાસ કરીને મધ્યમ અને નાના શહેરોમાં કનેક્ટિવિટી વધારતી વખતે શ્રેષ્ઠ સુવિધા, પસંદગી અને મૂલ્ય પ્રદાન કરવાનું લક્ષ્ય રાખીએ છીએ.”

આ પણ વાંચો..RBI દ્વારા રેપો રેટમાં કોઈ ફેરફાર નહીં: 6.50% પર યથાવત રાખ્યો, જાણો મહત્ત્વપૂર્ણ બાબતો