મધ્યપ્રદેશના ખરગોનમાં એક મોટો અકસ્માત થયો છે. મંગળવારે મુસાફરોથી ભરેલી બસ પુલ પરથી નીચે પડી હતી. આ અકસ્માતમાં 15 લોકોના મોત થયા હતા જ્યારે 25 લોકો ઘાયલ થયા હતા. એવું કહેવામાં આવી રહ્યું છે કે મૃત્યુઆંક વધી શકે છે. જણાવવામાં આવી રહ્યું છે કે બસમાં લગભગ 50 લોકો સવાર હતા. મળતી માહિતી મુજબ, આ અકસ્માત ખરગોન થિકરી માર્ગ પર થયો હતો. અકસ્માતની માહિતી મળતાં જ પોલીસ ઘટનાસ્થળે પહોંચી હતી અને સ્થાનિક લોકોની મદદથી ઘાયલોને નજીકની હોસ્પિટલમાં દાખલ કરાવ્યા હતા.
આ પણ વાંચો : ગાંધીનગરમાં હથિયારો ભરેલી બિનવારસી કાર મળી આવતા પોલીસ દોડતી થઈ
MPના ખરગોનમાં ભયાનક માર્ગ અકસ્માત, મુસાફરોની બસ પુલ પરથી પડી, 15ના મોત અને ઘણા ઘાયલ.#mp #MadhyaPradesh #Accident #Khargone #BusAccident #accidentnews #Bignews #Gujarat #GujaratiNews #humdekhengenews pic.twitter.com/XWAEPEqlTh
— Hum Dekhenge News (@humdekhengenews) May 9, 2023
મધ્યપ્રદેશના ગૃહમંત્રી નરોત્તમ મિશ્રાએ જણાવ્યું હતું કે બસ રેલિંગ તોડીને બૈરાડ નદીમાં પડી હતી. જેમાં 15 લોકોના મોત થયા છે અને 20-25 લોકો ઘાયલ છે, જેમને જિલ્લા હોસ્પિટલમાં દાખલ કરવામાં આવ્યા છે. આ ઘટનાની મેજિસ્ટ્રેટ તપાસના આદેશ આપવામાં આવ્યા છે. અકસ્માતની માહિતી મળ્યા બાદ મુખ્યમંત્રી શિવરાજ સિંહે વળતર અને આર્થિક મદદની જાહેરાત કરી છે. મધ્યપ્રદેશ સરકારે ખરગોન બસ દુર્ઘટનામાં મૃતકોના પરિવારજનોને 4-4 લાખ રૂપિયા, ગંભીર રીતે ઘાયલોને 50-50 હજાર રૂપિયા અને સામાન્ય રીતે ઘાયલોને 25-25 હજાર રૂપિયાની તાત્કાલિક આર્થિક સહાયની જાહેરાત કરી છે.
