બુર્જ ખલીફા રંગાયું ‘પઠાણ’ના રંગે : SRKના સિગ્નેચર પોઝે જીત્યાં ફેન્સના દિલ
બોલિવૂડનો મેગા સુપરસ્ટાર શાહરૂખ ખાન આ દિવસોમાં દુબઈમાં છે. જ્યાં તે પોતાની આગામી ફિલ્મ ‘પઠાણ’ના જબરદસ્ત પ્રમોશનમાં વ્યસ્ત છે. ત્યાં તેણે ગઈકાલે મોડી રાત્રે બુર્જ ખલીફા પર ‘પઠાણ’નું ટ્રેલર બતાડ્યું હતું. બુર્જ ખલીફા પર બતાવવામાં આવેલા ‘પઠાણ’ના ટ્રેલરે ચાહકોની ઉત્તેજના વધુ વધારી દીધી છે. આ દરમિયાન શાહરૂખ ખાને પોતાના સિગ્નેચર પોઝ આપી અને શાનદાર ડાન્સ પરફોર્મન્સથી બધાના દિલ જીતી લીધા છે.
આ પણ વાંચો : ઉત્તરાયણ પર બોલિવુડના એવરગ્રીન ગીતો, જેને સાંભળી તમે પણ બોલશો ‘કાઈ પો છે……’
Pathaan on ????, literally!#PathaanTraileronBurjKhalifa
Celebrate #Pathaan with #YRF50 only at a big screen near you on 25th January. Releasing in Hindi, Tamil and Telugu. pic.twitter.com/uGoSpqo03M
— Yash Raj Films (@yrf) January 14, 2023
બુર્જ ખલીફા પર ‘પઠાણ’
મકરસંક્રાંતિના દિવસે શાહરૂખ ખાનની આગામી ફિલ્મ ‘પઠાણ‘નું ટ્રેલર દુબઈના બુર્જ ખલીફા બિલ્ડિંગમાં બતાવવામાં આવ્યું હતું. આ પ્રસંગના ઘણા વીડિયો અને ફોટો સોશિયલ મીડિયા પર જોરદાર વાયરલ થઈ રહ્યા છે. આ વીડિયોમાં તમે જોઈ શકો છો કે શાહરૂખ પોતે બુર્જ ખલીફા પર બતાવવામાં આવી રહેલા ‘પઠાણ’ના આ શાનદાર ટ્રેલરની મજા માણી રહ્યો છે. આ પછી, તેના સિગ્નેચર પોઝ હવામાં હાથ લહેરાવીને, કિંગ ખાન ચાહકોના હૃદયના ધબકારા વધારી રહ્યો છે.
It’s almost time for #PathaanTrailerOnBurjKhalifa pic.twitter.com/vv4x3DLVvR
— Yash Raj Films (@yrf) January 14, 2023
શાહરૂખે ડાન્સ પણ કર્યો
એટલું જ નહીં બુર્જ ખલીફા પર ‘પઠાણ’ના ટ્રેલર લોન્ચની સાથે શાહરૂખ ખાને પણ ત્યાં જબરદસ્ત ડાન્સ પરફોર્મન્સ આપ્યું છે. જેમાં બોલિવૂડનો બાદશાહ શાહરૂખ ‘પઠાણ’ના ગીત ‘ઝૂમે જો પઠાણ’ પર જબરદસ્ત ડાન્સ કરતો જોવા મળી રહ્યો છે. શાહરૂખ ખાનના આ લેટેસ્ટ વીડિયોને સોશિયલ મીડિયા પર ખૂબ પસંદ કરવામાં આવી રહ્યો છે.
‘પઠાણ’ના મેકર્સ સાથે દુબઈમાં SRK
દુબઈમાં શાહરૂખ ખાનની સાથે ફિલ્મ ‘પઠાણ’ના ડિરેક્ટર સિદ્ધાર્થ આનંદ અને તેની પત્ની મમતા આનંદ પણ હાજર છે. જેની ઝલક ILT20 ટૂર્નામેન્ટની ઓપનિંગ સેરેમનીમાં શાહરૂખ સાથે જોવા મળી હતી. ફિલ્મ ‘પઠાણ’ માટે શાહરૂખ ખાનના આ જબરદસ્ત પ્રમોશનને વખાણવામાં આવી રહ્યું છે. ઉલ્લેખનીય છે કે કિંગ ખાનની ફિલ્મ ‘પઠાણ’ 25 જાન્યુઆરીથી સિનેમાઘરોમાં રિલીઝ થવા જઈ રહી છે.
