બજેટ 2024 પ્રતિભાવો : જાણો શું કહ્યું શાસક અને વિપક્ષના નેતાઓએ?
નવી દિલ્હી, 23 જુલાઈ : આજે દેશ માટે મહત્વનો દિવસ છે આજે નાણામંત્રી નિર્મલા સીતારમણે ગૃહમાં કેન્દ્રીય બજેટ 2024 રજૂ કર્યું હતું. ગૃહમાં બજેટ રજૂ કરતી વખતે નાણામંત્રીએ અનેક જાહેરાતો કરી અને એ પણ જણાવ્યું કે આવનારા સમયમાં સરકાર શું પગલાં લેવા જઈ રહી છે. આ સાથે વિવિધ ક્ષેત્રો માટે ફાળવવામાં આવેલ બજેટ વિશે પણ માહિતી આપવામાં આવી હતી. તે પછી હવે દેશના વિવિધ રાજકીય નેતાઓની પ્રતિક્રિયાનો સમય આવ્યો. બજેટ રજૂ થતાંની સાથે જ NDAના નેતાઓ સહિત જુદા જુદા નેતાઓએ પોતાની પ્રતિક્રિયાઓ આપવાનું શરૂ કર્યું હતું.
અમિત શાહે બજેટ વિશે શું કહ્યું?
કેન્દ્રીય ગૃહમંત્રી અમિત શાહે ટ્વીટ કરીને બજેટ પર પોતાની પ્રતિક્રિયા આપી છે. તેમણે ટ્વીટમાં લખ્યું, ‘બજેટ 2024-25 વડાપ્રધાન મોદીની આગેવાની હેઠળની NDA સરકાર હેઠળ ભારતના હેતુ, આશા અને આશાવાદની નવી ભાવનાનું ઉદાહરણ જ નહીં પરંતુ તેમને મજબૂત પણ કરે છે. ભારતના યુવા, મહિલા શક્તિ અને ખેડૂતોની શક્તિનો ઉપયોગ કરીને, બજેટ રોજગાર અને તકોના નવા યુગની શરૂઆત કરીને વિકસિત રાષ્ટ્ર તરીકે ઉભરી આવવાના દેશના માર્ગને વેગ આપે છે.’
बजट 2024-25 मोदी जी के नेतृत्व में NDA सरकार का देशवासियों की आशा, आकांक्षा व विश्वास पूर्ति के संकल्प का प्रतिबिम्ब है।
यह बजट युवाओं व महिलाओं के सशक्तीकरण के साथ-साथ किसानों के लिए अनेक अवसर उपलब्ध करवाकर विकसित व आत्मनिर्भर भारत के निर्माण की दिशा में महत्त्वपूर्ण कदम है।…
— Amit Shah (@AmitShah) July 23, 2024
નીતિન ગડકરીએ શું કહ્યું?
બજેટ 2024 પર બોલતા, કેન્દ્રીય મંત્રી નીતિન ગડકરીએ કહ્યું, ‘ બજેટ અદ્યતન ઈન્ફ્રાસ્ટ્રક્ચર, નવીનતા અને આગામી પેઢીના સુધારા અને સમાજના દરેક વર્ગના વિકાસ સાથે સમૃદ્ધ ભવિષ્ય તરફ આગળ વધનારું છે.’
#BudgetForViksitBharat🇮🇳: Pioneering a prosperous future with advanced infrastructure, innovation, and next-generation reforms, developing every sections of the society.
Heartfelt thanks and congratulations to PM Shri @narendramodi Ji and FM Smt. @nsitharaman Ji for unveiling a…
— Nitin Gadkari (@nitin_gadkari) July 23, 2024
JDU સાંસદે શું કહ્યું?
બજેટ 2024 રજૂ થયા બાદ જેડીયુના રાજ્યસભા સાંસદ સંજય કુમાર ઝાએ પણ પોતાની પ્રતિક્રિયા આપી છે. “આ બજેટમાં અમારી સમસ્યાઓ અને ચિંતાઓને સંબોધવામાં આવી છે,” તેમણે કહ્યું. ઉત્તર બિહારમાં પૂરને પહોંચી વળવા માટે પહેલીવાર બજેટમાં નક્કર પ્રસ્તાવ રજૂ કરવામાં આવ્યો છે. મને ખાતરી છે કે જો રાજ્યને વધુ જરૂર પડશે તો સરકાર બિહારને વધુ મદદ કરશે.
આ પણ વાંચો : પીએમ મોદીએ બજેટ અંગે શું પ્રતિભાવ આપ્યો? જાણો
TDPએ બજેટ પર શું કહ્યું?
કેન્દ્રીય મંત્રી અને ટીડીપી નેતા રામ મોહન નાયડુએ પણ બજેટ પર પોતાની પ્રતિક્રિયા આપી છે. તેમણે કહ્યું, “રોજગાર હોય કે સપના સાકાર કરવા હોય, આ બજેટમાં તે બધાને શક્તિ આપવાનું કામ કરવામાં આવ્યું છે. સામાન્ય નાગરિક અને યુવાનોને રોજગાર તરફ લઈ જાય તેવી બાબતો પર ધ્યાન આપવામાં આવ્યું છે. હું વડાપ્રધાનનો આભાર માનું છું કે તેમણે આંધ્રની સંભાળ રાખવાનું જે વચન આપ્યું હતું તે આ બજેટના રૂપમાં પૂરું કર્યું છે.”
કેન્દ્રીય મંત્રી ગિરિરાજ સિંહે શું કહ્યું ?
બજેટ પર વાત કરતા કેન્દ્રીય મંત્રી ગિરિરાજ સિંહે કહ્યું કે આ બજેટ સમગ્ર દેશ માટે સંતુલિત બજેટ છે જેમાં ચાર આધારસ્તંભ મહિલાઓ, યુવાનો, ખેડૂતો અને મજૂરો છે. તેમણે વધુમાં કહ્યું કે, બિહારમાં વસંત છે કારણ કે ત્યાં એનડીએની સરકાર છે. બિહારને સુપર પેકેજ આપવામાં આવ્યું છે.
ખુરશી બચાવો બજેટ : રાહુલ ગાંધી
બજેટ 2024 પર કોંગ્રેસ સાંસદ રાહુલ ગાંધીએ લખ્યું- “ખુરશી બચાવો, બજેટ.” રાહુલ ગાંધીએ કહ્યું કે અન્ય રાજ્યોના ભોગે સાથી પક્ષોને ખુશ કરવા માટે પોકળ વચનો આપવામાં આવ્યા છે. તેમણે કહ્યું કે બજેટમાંથી સામાન્ય ભારતીય માટે કોઈ રાહત નથી. રાહુલે બજેટને કોંગ્રેસના ચૂંટણી ઢંઢેરાની નકલ અને અગાઉના બજેટ જેવું ગણાવ્યું છે.
“Kursi Bachao” Budget.
– Appease Allies: Hollow promises to them at the cost of other states.
– Appease Cronies: Benefits to AA with no relief for the common Indian.
– Copy and Paste: Congress manifesto and previous budgets.
— Rahul Gandhi (@RahulGandhi) July 23, 2024
અખિલેશ યાદવે શું કહ્યું?
સમાજવાદી પાર્ટીના વડા અખિલેશ યાદવે કેન્દ્રીય બજેટ પર કહ્યું કે ઉત્તર પ્રદેશ પર નજર કરીએ તો રોકાણની સ્થિતિ શું છે? તેમના ચાલુ પ્રોજેક્ટ સમયસર પૂરા થયા ન હતા. બિહાર અને આંધ્રપ્રદેશને વિશેષ યોજનાઓ સાથે જોડવામાં આવ્યા તે સારી વાત છે, પરંતુ શું ઉત્તર પ્રદેશ જેવા રાજ્યના ખેડૂતો માટે બજેટમાં કંઈ છે જે વડાપ્રધાન આપે ? અખિલેશ યાદવે કેન્દ્રીય બજેટ પર કહ્યું કે જ્યાં સુધી ખેડૂતો અને યુવાનો માટે કાયમી નોકરીની વ્યવસ્થા નહીં કરવામાં આવે ત્યાં સુધી જનતાને કોઈ મોટો ફાયદો નહીં મળે.
પૂર્વ નાણામંત્રી ચિદમ્બરમે જુઓ શું કહ્યું ?
ભૂતપૂર્વ નાણામંત્રી ચિદમ્બરમે સોશિયલ મીડિયા પ્લેટફોર્મ X પર કહ્યું, ‘મને એ જાણીને આનંદ થયો કે નાણામંત્રીએ ચૂંટણી પરિણામો પછી કોંગ્રેસનો લોકસભા 2024નો મેનિફેસ્ટો વાંચ્યો છે. મને એ વાતની પણ ખુશી છે કે તેઓએ કોંગ્રેસના મેનિફેસ્ટોના પેજ 30 પર દર્શાવેલ એમ્પ્લોયમેન્ટ લિંક્ડ ઇન્સેન્ટિવ (ELI) અપનાવ્યું છે.તેમણે વધુમાં કહ્યું કે, ‘મને એ વાતની પણ ખુશી છે કે તેઓએ કોંગ્રેસના ચૂંટણી ઢંઢેરાના પેજ 11 પર દર્શાવ્યા મુજબ દરેક એપ્રેન્ટિસ માટે ભથ્થાઓ સાથે એપ્રેન્ટિસશીપ યોજના શરૂ કરી છે. હું ઈચ્છું છું કે નાણામંત્રીએ કોંગ્રેસના ઢંઢેરામાં અન્ય કેટલાક વિચારોની નકલ કરી હોત. હું ટૂંક સમયમાં ખૂટતા મુદ્દાઓની યાદી આપીશ.’
I am glad to know that the Hon’ble FM has read the Congress Manifesto LS 2024 after the election results
I am happy she has virtually adopted the Employment-linked incentive (ELI) outlined on page 30 of the Congress Manifesto
I am also happy that she has introduced the…
— P. Chidambaram (@PChidambaram_IN) July 23, 2024
કોંગ્રેસના મહાસચિવ જયરામ રમેશે જુઓ શું કહ્યું ?
જયરામ રમેશે જણાવ્યું હતું કે સરકાર દ્વારા જાહેર કરવામાં આવેલી ઇન્ટર્નશિપ યોજના આ લોકસભા ચૂંટણી માટે કોંગ્રેસના ઘોષણાપત્રમાં આપવામાં આવેલા એપ્રેન્ટિસશિપના અધિકારના વચન પર આધારિત છે, જે અંતર્ગત તેણે ડિપ્લોમા અને ડિગ્રી ધરાવતા બેરોજગાર યુવાનોને એક વર્ષ માટે તાલીમ પૂરી પાડી છે. દર મહિને 8500 રૂપિયા આપવાનું વચન આપ્યું હતું. કોંગ્રેસે આ કાર્યક્રમને ‘પહેલી નોકરી પાકી’ નામ પણ આપ્યું હતું.
આ પણ વાંચો : શ્રીલંકા પણ પાકિસ્તાનના રવાડે ચડ્યું, નવ ભારતીય માછીમારોને પકડ્યા
