BSNLએ ફરી Jio-Airtelને આપ્યો મોટો ઝટકો, ઓગસ્ટમાં 25 લાખથી વધુ નવા ગ્રાહકો જોડાયા
- જ્યારથી ખાનગી કંપનીઓએ રિચાર્જ પ્લાન મોંઘા કર્યા છે, ત્યારથી મોબાઈલ યુઝર્સ સસ્તા પ્લાન માટે BSNL તરફ વળ્યા છે
નવી દિલ્હી, 27 ઓકટોબર: સરકારી ટેલિકોમ કંપની BSNL પાસે Jio, Airtel અને Vi કરતાં ઘણો ઓછો યુઝર બેઝ હતો. BSNL યુઝર્સની સંખ્યા ઘણા સમયથી ઘટી રહી હતી, પરંતુ છેલ્લા કેટલાક મહિનામાં કંઈક એવું બન્યું છે કે જાણે જાદુ થયો હોય. BSNLના ગ્રાહકોની સંખ્યામાં મોટો ઉછાળો આવ્યો છે. છેલ્લા બે-ત્રણ મહિનામાં લાખો યુઝર્સ BSNLના પ્લેટફોર્મ સાથે જોડાયા છે. તેની પાછળનું મુખ્ય કારણ Jio, Airtel અને Vi દ્વારા ટેરિફ પ્લાનની કિંમતોમાં વધારો છે. જુલાઈ મહિનામાં, BSNLએ લગભગ 30 લાખ નવા ગ્રાહકો ઉમેર્યા હતા. હવે TRAIએ ઓગસ્ટ માટેનો રિપોર્ટ પણ જાહેર કર્યો છે. TRAI અનુસાર, Jioએ ઓગસ્ટ મહિનામાં 40 લાખ ગ્રાહકો ગુમાવ્યા છે. જ્યારે BSNL યુઝર્સની સંખ્યામાં લાખોનો વધારો થયો છે.
TRAIના રિપોર્ટમાં મોટો ખુલાસો
TRAIના રિપોર્ટ અનુસાર, છેલ્લા બે મહિનામાં BSNLના યુઝર બેઝમાં ઘણો વધારો થયો છે. તેની પાછળના કારણોમાં સતત સસ્તા રિચાર્જ પ્લાન ઓફર કરવા અને 4G સેવા પર ઝડપથી કામ કરવાનો સમાવેશ થાય છે. સસ્તા પ્લાનની સાથે BSNLના લાંબા વેલિડિટી પ્લાનને પણ યુઝર્સ પસંદ કરી રહ્યા છે.
જુલાઈ મહિનામાં, BSNLએ લગભગ 30 લાખ નવા યુઝર્સ ઉમેર્યા હતા અને અન્ય તમામ ખાનગી કંપનીઓને ગ્રાહકોનું ભારે નુકસાન થયું હતું. TRAIના રિપોર્ટ અનુસાર, ઓગસ્ટ મહિનામાં પણ આવી જ સ્થિતિ જોવા મળી હતી. ઓગસ્ટમાં સરકારી ટેલિકોમ કંપનીએ લગભગ 25 લાખ નવા ગ્રાહકો ઉમેર્યા છે. જો Jio, Airtel અને Vi વિશે વાત કરવામાં આવે તો આ મહિને તેઓ ખરાબ સ્થિતિમાં હતા.
Jioએ ઓગસ્ટમાં 40 લાખ યુઝર્સ ગુમાવ્યા
જિયોએ ઓગસ્ટ મહિનામાં લગભગ 40 લાખ ગ્રાહકો ગુમાવ્યા છે. જ્યારે એરટેલે 24 લાખ યુઝર્સ ગુમાવ્યા, જ્યારે વોડાફોન આઈડિયાએ લગભગ 19 લાખ ગ્રાહકો ગુમાવ્યા છે. ટેલિકોમ ઇન્ડસ્ટ્રીમાં પ્રવેશ્યા પછી કદાચ આ પહેલીવાર બન્યું છે કે, જ્યારે જિયોએ સતત બે મહિનામાં લાખો ગ્રાહકો ગુમાવ્યા હોય. જો કે, ગમે તે હોય, Jio હજુ પણ સૌથી વધુ બજાર હિસ્સો ધરાવે છે. ઓગસ્ટના અંત સુધીમાં Jioનો માર્કેટ શેર લગભગ 40.5% છે.
આ પણ જૂઓ: jioના કરોડો યૂઝર્સનું ટેન્શન દૂર થયું, આ પ્લાનમાં 28ની જગ્યાએ 30 દિવસની વેલિડિટી મળશે
