મેઘાલયના પશ્ચિમ ગારો હિલ જિલ્લામાં પોલીસે ભાજપના નેતાના રિસોર્ટ પર દરોડો પાડતા વેશ્યાલયનો પર્દાફાશ કર્યો હતો. પોલીસ અધિકારીઓએ દાવો કર્યો હતો કે આ રિસોર્ટમાં અનૈતિક કૃત્યો આચરવામાં આવતા હતા. પોલીસની ટીમે આ દરોડામાં 6 બાળકો રિકવર કર્યા અને 73 લોકોની ધરપકડ કરી. સાથે જ આરોપી ભાજપનો પ્રદેશ ઉપાધ્યક્ષ હોવાનું જણાવવામાં આવી રહ્યું છે, જે ફરાર છે, તેને પકડવાના પ્રયાસો ચાલી રહ્યા છે. રાજ્ય ભાજપ એકમ આ મામલે મૌન છે.
Meghalaya Police busted a huge sex racket & arrested 73 persons in West Garo Hills dist & seized 36 vehicles, 414 liquor bottles, 49 mobile phones, sharp weapons & other items during the raid conducted at Rimpu Bagan area in the dist: Vivekanand Singh Rathore, SP, West Garo Hills pic.twitter.com/UVGr1nmcmr
— ANI (@ANI) July 23, 2022
પોલીસ પાસેથી પ્રાપ્ત માહિતી અનુસાર, માહિતીના આધારે પોલીસે મેઘાલયના પશ્ચિમ ગારો હિલ જિલ્લામાં બીજેપીના પ્રદેશ ઉપાધ્યક્ષ બર્નાર્ડ એન મારકની માલિકીના રિસોર્ટમાં દરોડો પાડ્યો હતો. આ દરોડામાં બંધ રૂમમાંથી 6 બાળકો મળી આવ્યા હતા. બાળકોની હાલત દયનીય દેખાતી હતી. રિકવર થયેલા બાળકોમાં 4 છોકરાઓ અને 2 છોકરીઓનો સમાવેશ થાય છે. બાળકોની પૂછપરછ અને રિસોર્ટમાં મળેલા પુરાવાના આધારે પોલીસે પુષ્ટિ કરી કે ત્યાં વેશ્યાલય ચાલતું હતું. આ કેસમાં પોલીસે અત્યાર સુધીમાં 73 લોકોની ધરપકડ કરી છે.
400 દારૂની બોટલો, 500 કોન્ડોમ મળી આવ્યા
પોલીસ અધિકારીઓના જણાવ્યા અનુસાર, રિસોર્ટમાં દરોડા દરમિયાન પોલીસ ટીમને 400 દારૂની બોટલો અને 500 બિનઉપયોગી કોન્ડોમ મળી આવ્યા હતા. રિસોર્ટના માલિક, બર્નાર્ડ એન. મારક ગારો હિલ ઓટોનોમસ ડિસ્ટ્રિક્ટ કાઉન્સિલના ચૂંટાયેલા સભ્ય છે. આ ઉપરાંત તેઓ પ્રદેશ ભાજપ ઉપાધ્યક્ષ પણ છે. આ કેસમાં પોલીસે પોક્સો એક્ટ હેઠળ કેસ નોંધીને આરોપીની શોધખોળ તેજ કરી છે. બીજી તરફ ભાજપના મેઘાલય યુનિટે મૌન ધારણ કર્યું છે અને હજુ સુધી કોઈ સત્તાવાર નિવેદન આપ્યું નથી.
આ પણ વાંચો : વિદાય લઈ રહેલા રામનાથ કોવિંદ રવિવારે રાષ્ટ્રને કરશે સંબોધન
