ગુજરાતમાં છેલ્લા ઘણા સમયથી નશિલા પદાર્થો ઝડપાઈ રહ્યા છે. જાણે કે ગુજરાત નશાના સોદાગરોનું હબ બનતું જતું હોય. આજે ફરી રૂ.425 કરોડનું 61 કિલો ડ્રગ્સ ઝડપાતા ખળભળાટ મચી જવા પામ્યો છે. મળતી માહિતી મુજબ ગુજરાત ATS અને કોસ્ટગાર્ડે સંયુક્ત ઓપરેશન મધ દરિયે ઈરાની બોટને 61 કિલો ડ્રગ્સ સાથે ઝડપી પાડી છે. 425 કરોડના ડ્રગ્સ સાથે 5 ક્રૂ મેમ્બરની ધરપકડ કરવામાં આવી છે.
In a joint operation with ATS Gujarat, India Coast Guard apprehended Iranian Boat with 5 crew & 61 kgs of narcotics (worth Rs 425 cr) in Indian waters at Arabian Sea off Gujarat. Boat being brought to Okha for further investigation: PRO Defence Gujarat pic.twitter.com/DTTmoYO8Ws
— ANI (@ANI) March 6, 2023
મળતી માહિતી મુજબ બોટને વધુ તપાસ માટે ઓખા લાવવામાં આવી છે. છેલ્લા ઘણા સમયથી ગુજરાતની એજન્સીઓ નશાના કાળા કારોબારને બંધ કરવા માટે તમામ પ્રકારની કાર્યવાહી કરી રહી છે. ATS દ્વારા ચોક્કસ ગુપ્ત માહિતીના આધારે, ICG એ વ્યૂહાત્મક રીતે તેના બે ફાસ્ટ પેટ્રોલ વર્ગના જહાજો, ICGS મીરા બેહન અને ICGS અભિકને અરબી સમુદ્રમાં પેટ્રોલિંગ માટે તૈનાત કર્યા.
ભારતીય જળસીમામાં લગભગ એક બોટ શંકાસ્પદ રીતે ફરતી જોવા મળી હતી. ઓખા કિનારે 340 કિમી દૂર ICG જહાજો દ્વારા પડકારવામાં આવતા હોડીએ અણધારી દાવપેચ શરૂ કરી. ત્યારબાદ બોટનો પીછો કરવામાં આવ્યો હતો અને ICG જહાજો દ્વારા તેને રોકવાની ફરજ પડી હતી. આ બોટ ઈરાની બોટ હોવાનું જાણવા મળ્યું હતું જેમાં ઈરાની નાગરિકતાના પાંચ ક્રૂ હતા. ICG બોર્ડિંગ ટીમ દ્વારા તપાસ દરમિયાન ક્રૂ શંકાસ્પદ વર્તન કરતા હોવાનું જણાયું હતું. તપાસ પછી બોટમાંથી આશરે 425 કરોડની કિંમતનો 61 કિલો માદક પદાર્થ મળી આવ્યો હતો. બોટ અને ક્રૂની ધરપકડ કરવામાં આવી છે અને વધુ તપાસ માટે તેને ઓખા લાવવામાં આવી રહી છે.
છેલ્લા અઢાર મહિનામાં ICG એ ATS સાથેના સંકલનમાં આઠ વિદેશી જહાજોને પકડી લીધા છે અને રૂ. 2355.00 કરોડની કિંમતના 407 કિલોગ્રામ માદક દ્રવ્યોનો જથ્થો જપ્ત કર્યો છે.
આ પણ વાંચો : ખુશખબર : સરકારી પરીક્ષામાં ગેરરીતિ અટકાવવા બાબતનો કાયદો આજથી અમલી, રાજ્યપાલે આપી મંજુરી
